Artwork by: Salim jowied. Ebn hoari

Feat: @tammanmusic

مكس وماستر: @mohammadch

اتركه يزيد - (Feat.Tamman) l Youzirsef - يوزرسيف مع تمان

ريح و شراع

Follow Yun Sounds: https://instagram.com/yun.sounds?utm_medium=copy_link


Follow Sarbasst:  https://instagram.com/sarbasstmusic?utm_medium=copy_link 

Written by: Sarbasst & Yun-Youzirsef. 
Music Production by: Yun-Youzirsef. 
Mixed And Mastered By: Wardenclyph. 

Artwork By:  Yun. 
Video By: Physiqlz https://instagram.com/physqlz.101?utm_medium=copy_link

November 3, 2021

Buy This Track

Yun Sounds | Bshi Makan - ( Feat.Sarbast ) | بشي مكان - مع سربست (Prod.Yun)

Yun Sounds | KolilKoun - كل الكون

Spotify //Stream Here:  https://open.spotify.com/album/2KPMkSCG6v170eTsCI2jAa?si=tZmwoc23SUqau14cyaWThg

Follow Yun Sounds: https://instagram.com/yun.sounds?utm_medium=copy_link


Written by: Yun-Youzirsef. 
Compose: Yunsounds
Guitar: IOF
Drums: Yun sounds 
Mixed: Yun Sounds
Mastered: shalash. 


Artwork By: 
Video By: Physiqlz https://instagram.com/physqlz.101?utm_medium=copy_link


كلمات: 


فيكي لون من كل شي
وفيكي يوم عن سنين 
وفيكي همسة من كل جيل 
ولمسة من كل إيد 
وفيكي 
 لهفة، أعمق من كل شوق  
أصدّق من كل بوح 
بقلقأ وقت النوم 
ف بلجأ لهالعيون 

لمّا الدنيا تديق بعيوني فيها تكون الكون 
ولمّا أتردد لأحكي فيها تكون الصّوت. 
ولمّا وقت أحتاج أتقدم فيها تكون الموج 


لأنّ فيكي بكرا رح اضلني ناطر الشروق
 صابر لتكون 
ضحكّة منّك تكمل بيّوت 
تكملي رسما بلمسة وتسندي غيوم 
وتحضني الأرض بخفّة وبأيدك تمسحي جروح 
لأنو..

لأن فيكي وحشة الأيام بتهون
لإن الشمّس  إلي بعيونك ما بتزول
لأن السمّا الي بقلبك ما بتموت. 
ولأنّو فيكي الكون، والكون جوّاتك

Yun Sounds | KolilKoun - كل الكون

Music Producer: Yun Sounds
Recorded, Mixing: Yun Sounds
Mastering: Shalash
Artwrok: Yun Sounds

Instagram Yun :   https://instagram.com/yun.sounds?utm_medium=copy_link

Stream Link:  https://linktr.ee/YunSounds

الغلطة بهي اللعبة بموتك، زي كإنك لاعب سيرك
 بتنفّس هجرة زي طاير بصدري سِرب 
وش للسما مش فخر، بس لالله بينحكى السر
وش للأرض بس قهر، نطرة على شفّى جسر
المخيّلة بتكذب  بتكبّر غيمكم
لطاف الموج بنص بيتكم 
متعود حط وحش القصّة  بس بليلكم
وبقصتي  بصوّب
 على البطل حامل بارودة تشيكوف
بخاف تعطي السمَع أخزق أُذن 
صدر مليان حرارة تقول فرن 
لو أطلع سقف راسي حرفياً  بفوت جُرم
عقل حُر زي الطبيعة، جسم مسجون زي المدن 
 بسهولة اللمسة بتعلق البصمة. 
بس جوا هاي النسخ مستحيل تلاقي اصلي
بكرر نفس الفكرة قليل ينفهم قصدي
بس تستوعب بعد فترة زي اثار بعد الصدمة

هي أيام،  تحط عينيها بنص عيني
بسرق منها نظرة ف بتقص ايديّ
بهرب من حالي لأن ما ضل حيّل
وانا بلاقي حالي بشق ضيّ 

عقل حر زي الطبيعة، جسم مسجون زي المدن

مخ أنضف من غرفة جراحة
رح أوصل للهدف. طريقي أقصر من مدّة أفراحك
، أنا سما نجومها ساطعة
وهاي أولّها, بكّير ع  أقصاها
راس واحد أصلي انا مابعترف بالأصناف
جواتي بير ما بيعترف بالأصداء
بوصلة
 وعقاربها بتضيع وبتحتار
كإن بطلت تشوف الغابة من كترة  الأشجار
ولمّا أمشي عكس انا بعرف إني وصلت 
ساعات لما تتناقض هي ضريبة العلم
ولمّا أفكّر بأصغر الأشياء بستغرب كيف كبرتً
أنا بس من جوّا تلفت، وانا بتعلّم ما التفت 
وبنهار متل النجوم,  ببلع الكوكب
 وبرجع ببني الحلم  ليصير معبد
إستسلام بس للخطّة. مخ تعلب 
والي جاي خلّيه يجي. بضلّه ربك أعلم

Yun Sounds | تشيكوف - Checkov (Prod.Yun)

على أعتاب المنفى -Exile

demoooooo

بعرفك أنت وصغير تحبي 
ماشالله عليك كبرت وصرت تحكي
كبرت وصرت تشكي
يسمعك النّاس عادي بس وين تسمعك ستّي
بس مين يسمعها قصتي
صدّقوا كلّ الي بحكيه وكذبولي حصتي
حُلم ورا حُلم أنا نسيت وين شفتك
كنت طالع شقّ السما نزلت مشقوق صدري
بس جد أنا شو أسمي؟ 
وين أخبّي حدود سرّي؟
 بجناح عصفور ولا بجيوب ستّي؟
عم هدّ سقوف كلشي
بلكي بطير
ولو لمرّة 
الى حل مُجدي
كنت أهمس بدان أمي وقتا خايف
هلأ بصرّخ بدان الكون كلّه بنفس واحد
قول ماشالله ولك سارح؟ 
راضي كتير عن مبارح
هاد عناد، للأبد. 
والأبد يضيق بعيون حالم. 
لو منعرف القصص من آخرها
منآزرا 
منذاكرا من ذاكرة 
جوّاتها الشك بعمق آسرها
هيّ لحمامة شردت من حيطان احلامي
بيعنيلي خاطبا لأن ما ببين قاصدها.

تراك ما كملته

WRITTEN BY : BIGYUN 
MIXED BY : BIGYUN 
SHARE IT,,THANK YOU

خَيَال

ليل

- أنا كتاب مفتوح للناس مليان اخطاء إملائية
- عايش بس مش بهويتي زي رومانسي بمشادّة كلامية
- زي حرف عايش بظروف بحكيلها قهرية 
- إعميها م هيّ ، اصلاً ما بتشوف الحقيقة غير بمسمايتها أو بزاويتها الدائررية!
-اضربها وين ماكان حترن،ببساطة لأنها لساتها عالخط
-بتتهيئ إنها غرقت وهي بتراقب الموج على الشط
- عادي أكون بسبح بجدول،و بجدّف بالمقارنة
- و بشوف أوجه الشبه بين القضيّة و المقاومة
- او بين ورق العنب و العلم،الاتنين مالهم إسم
-سألت الراعي عن الموضوع قلي الفرص اغتنم
- القصة بتختلف،بلسان الحكواتي و المستمع
- ف إسمع بين السطور لان مش فاتح القناة لتنشررب
هاي وسيلة وصول مش لأكتر،ترجمها ولك
لأنو ايليام فضائي صار بدون ما يدرس علم الفلك
عشو حاب نسألك،بهاد الفصل مين مثّلك؟
جاوب عقد سؤالي،ما بتطول الحصرم إحكيلوا عنب
عحسب يمكن نتلاقى،لما عقارب الساعة تكن
قلتها وين بتحبي بساعة حمص ولا بيق بين؟
ولا احكيلك،خلص خلص.مخي تقيل لازمه حرس
كتير بنشبه بعض بس أدوارنا مختلفة،الأخوة ملص
فتساؤلات،هاي تساؤلات مش محاولات اطلع من الخزانة
هاد التراك إهداء للأبلة الي حكت لأمي اني فاشل بالكتابة
لو فيني مخ بوقتا كان حروفي إقتصدتا
ولو حكتلي هالكلام هلق بمكان إختصرتا

قلت الموت الشي الوحيد حيفرقنا,قامت مرقت عجثتي
مابكتب بمأساوية بس كنت أنقلها ل أجاثا كرستي
وك هاد قرارك و يلعن المفتي،إن بحر انشفتي
إن شفتي السما ليكا نجمة و لساتك ما توهجّتي
ولك إجري بالعتمة،اعمى وكاسر عكازتي لأتدفى
اجرك لتمشي فيهم إجري بتمّك خود إتغدا
مابعنّي حد بعينه،بعوّرها هاد سرد النابغة
إحكيلي أتذكرت بقلك أنا قاطع كرت الذاكرة.

كرت الذاكرة - Memory card

شو النقط الي وصلتها غير الوصول الى التراجع
وشو نفع الصلة و الورق يستعبد التقاطع
نتبادل انفسانا بعلبة وانتو اتبادلو العملة 
 شمو الهوا بيحملكن وانا حشم  غاز الشعلة
شو بعرف غير عضاضة حارتي علمتني ضل واقف
و مبارح بتتسمى عراضة واليوم بارتي بمقاصف  
مع القصف,او مع الأسف حتماً
هالشي انت الي بتحدده طبعاً
تعددّت الأسباب و الموت يحتل الجسد
اختلفت الأنساب,وليكني عم اعد اسماء الاسد
و هالشي مو لأختلاف ثقافات هالشي انشهد
وما تسأل المجلود كيف انجلد, كيف انجلم
أقتل هابيل نفسك,عيّش قابيل النفس
بهالحيّ شديد الهمس,أحكي عن شهيد الأمس
كان يتمنّى الشجرة تنطق ل الي حامل الفأس
وكان يدعي الليل ينجلي وهو يقرأ سورة الشمس
كنّا نحب نعطي الناس لنعبي فراغنا
خليّ يحكي بعاطفية وطلعلو يأجوج ومأجوج الي بدماغنا
أنولدنا وخلينا صوت الدوشكا يأدن ب آدانا 
ولما مافاد صوت الدين حطينا صوت صرخة أمي بدل اداانا
وشتّان بين الاتنين هاد عقاب أو جَلَدنا
مو قريب على بلدنا مع انو قاب قوسين أو أدنى
قبل ما تنحط ورا عمدان اسأل الدنيا كيف بتدان 
و من أي زاوية بتشوف اللعبة وكيف عبد الحليم صار خدام 
مارح احبس حالي بالجزيرة  لأشوف من عيون الدنيا
بدّي صدّق الي بتشوفو حتى ولو كانت عمية
ومارح الحق حدا لانو كل الطرق تؤدي الى الجورة 
و خلي هالناس تفوت عقصورا وانا عايش بمقصورة   
ولو أتطلّب أني أخرس رح أعارض بالحياد 
ومؤمن أنو بس بمدينتي يقاتلوا الجياد  
 صحّي قابيل النّفس

قَابِيل النّفس

Salamtak - سلامتك (Prod.Yun)

هاد التراك لطفولتي وحارتي ومدينتي حمص.
"أقدم الأسماء المعروفة لحمص هي "إيميسا 
Write-Rec-Mix-master By:BIGYUN
Instagram: Yun.sounds
.......................
دايماً بحلم أعيش بهالمنطقة
ولما أحكي أسمها بحس بحروفا بس أنطقا
هي بتعرفني منيح ما بكذب،القول بصدقا
صغار مابنعرف نعبّر  وبنحضر عهد الاصدقا
وبرد الأزقة يزداد،وأتعلم كيف بالقمر أسرَح
ونخاف من الزحليطة،وعالوقت نتمرجح
وما بنحب قعدة البيت،بناخد هالخردة نهجّ فيهن
ولما حكت بدها تكبر قلتلها حنحج فيهن
فيا حمص سلميلي ع الي فيكي..سلميلي عالقانون الي بيحميكي سلميلي عالبلكون و على هويتي سلميلي باب البيت المهتري والشباك الي فيه تركتيني سلميلي على حالك كتير و اوعك تنسيني. 
و اوعك تأزيني،صوتي مكتوم ما بينسمع
وكاتبلك مكتوب،قولتك حينقرأ ؟
قولتك حنلتقي؟أو حلمحك بيوم؟
هاد القلَق الي ساكنّي وسؤال حل محل الكون
هل في شارع غير هالشارع؟في دنيا غير هالحارة؟
ما كنت أشوف بالكوكب غيرا،وأنا بالطيّارة
و هاد الإحساس كان يخلق معو الحيرة
يمكن لأنها كانت كبيرة،بعيوني الصغيرة
و هلّق عم نتقاسم المشهد و الزاويا
إنتي خدي الحرب منّه،أنا باخد الخبايا
و وزعي الهدايا كلّن،عكل اللمّة
وإتركي الشظايا إلنا،بتلبقلنا الجنّة
........................
إنتي المنجى و المُناجي،بس مش الناجي
إنتي الدوا بدم شرياني،بس مش علاجي
إنتي المنفى وكل شتاتي،و ليالي اللقاء 
إنتي حاجتي وغلا تاجي،إنتي البقاء

Emisa - إيميسا

Instagram:Big.youn
!ليك ما أحلى اصواتن كيف متجانسة 
يمكن هنّ السبب بوجود الحاسّة السادسة
كنّا نحب نرطب الكلمة الناشفة
ومابتغلط مع حدا,ع قد ما بتحكي آسفة
على شو آسفة مثلاً؟ على قرارك الي مش إنتي ماخدتيه ولا إنتي عارفتيه اصلاُ؟
وجهلك هاد هوّ الي عم يزيد هشاشتك
قلتلك إنو الحياة فيها دروس أكتر من الي عفلاشتك
بس معلش يعني أنا عاذرك 
بعرف حالي احياناً مابعرف واجه
حتى لو كانت المعركة على شاشة
حتصارع مع سكوتي,وتفوز السذاجة
لهيك كنت أخاف اكره,لأخاف أغرق 
و الجبال الي حملتا عضهري لازم اتسلق
وماكان لازم أتسلّى,الأرض ماحتحبّك الا لما تحتلا
إفتحوا البواب,بنقدر نتدفق
واذا إشتد البرد ,بنقدر نتدفى
وساكتين لأنو كاشفينك ,بنقدر نتنبئ
أنفاسنا بتغطي سوء الجسد,بنقدر نتلحف
قد ما نديّق عكلامنا المكتوم,صعب يموت
لأنو نص كلامنا مش مكتوب,بس موجود
ونص تعبيري المولود من رحمك مش مفهوم
نص مألوف لذاكرتك والنص تاني مجهول
فأعذريني على ذنبي المبتذل 
مانو وحيد معو كلماتي إعرابهم مبتدأ
هاي أول محاولة إغتيال لإحساسي بائت بالفشل
وما حتكون المرّة الجاي,غير لما داقت الأزل
النقاش العاشر..والذنب ع مين
على خدي الشاغر ولا عالكف العشرين؟

كف عفريت

من EP اللّالون) القادم قريباً)
NO MONEY IS MADE FROM THIS.
كلياتنا ألوان بس بتختلف الإضاءات
وحسب كيف بتشوفنا الإطارات 
وراق و الها سمك,بتقيّمنا الإصابات 
مخلوقين من التجارب العفوية و الإضافات 
عنّا لغة وحدة ولو كتروا الإشارات
بنعرف طريقنا صح وبنعد الخطوات 
بنلتقي بنفس السؤال ولو كترو الإجابات 
وبنعيش بقلب واحد مع إختلاف الإقامات
بنخيّط جروحنا ع قدنا..بنعيش فيها أكتر من عشنا ببلدنا
وحقّي المنسي؟ حافظه اكتر من هاللون 
لأنو عقلي ديّق متل القبو.وقلبك البلكون
نهر بمجرى واحد.بس إله ميت صبة
بنشرب من ضلوعها وبنزيد غبّة 
حاضن الأرض لصدري,خايف تزول 
لأنو الجنة بتنقاس بالعرض ما بتنقاس بالطول
والجنة بدون ناس ما بتنداس.جدي بقول
لهيك فيها بنفرد و هاللحظات بتطول
و اللّيل حينجلي فيكي.قد ما طال الغسق
وكل ماتطلع شمس جديدة..حنعلمها الأرق
وحنعلّمها شو يعني لمّا نسرد حكايا البسمة 
وإلك حق بقلبي متل ما إلك بزاويا الرسمة
وإلك بخبايا القصّة أكتر من الي الواضح
و بتعرفي الرّيشة شو بتحسّلك اكتر من الي راسمك

ألوان-colors

التراك الثاني من الألبوم القصير: اللّالون 
NO MONEY MADE FROM THIS
write-rec-mix-master-artwork: BigYun

متى الدنيا وسعتني وأنا حابس حالي بشنتايتي
كنت متعلّق بغراضي بألعابي بمحياتي
بقدر أمحي فيها خالتي وهيّ عم تقطّف الكرز
وأرسم أبي راجع من شغلو وعم يرن الجرس
و كنت احس بقدر أمحي كل رفقاتي 
و أرجع أرسمهم بس لمّا أختفوا,ضلّوا بذكرياتي
 أتطلع عالقمر و أنادي  من بعيد 
 وبعدين أخي يسكّتني ليسمعنا الديب
وكنّا الجيل,إلي بنخاف نحكي حتى بخيال
مع إنو كانت الحقيقة تبعد عنا أميال
وكان تبعت إلنا أحوال المدينة 
وهيّ طلعت مدَينة بنفَس للأنذال
ولمّا ألهت من الخوف يحكيلي جدّي هاد نشيدنا
لأنو كانو على نفس ولاد الهوى حاسدينّا 
وليش الحراميّة لابسين توب عيدنا؟؟
لأنو هدول العسس حبيبي منّا وفينا
منّا وفينا طيب ليش عم بكّوا أمي
ليش حرموها من ضحكتها ليش خليتوه يسبني
ليش ما سلّم على جدّي بس راح ليش سبّتني
معقول دافع عن حالي؟ ياريتها محياتي فادتني 
ياريت فيني أمحيه وما أرسمو غير جوَا مقبرة   
وما يكفّيه الهوى جواتها,وما يعرف يطلعها       
وحق البدل,حق البلد رغيف سخن بسعر البلا
وقلّي جدي وأشرلّي بعكازتو, قول مبلا
ومن وقتا صار بدي أصير متل كونان وسينشي 
أكبر وقت الجد وما أصغر إلا ع كيفي
و أقطع حبال الوصل كل ما يعطونا راس الخيط
قالتلي حارتي: لما تقطعه حيطلعوكم من البيت!
ولما تطلعو منّه مارح تجتمعو إلا بصور معلقة
على باب شي بيت من بيوتنا المفرقة
ونعبي بسلة الفواكه بدل الكرز..أشواق
مرّة عقد ماكان في بينا ذكريات
أضب كل اللمة الحلوة بشنتايتي..وكب المحاية 
لأنو عرفت ما بقدر إلا ارسم الحكاية 
بكل مشهد فيها وكل زاوية..بس بدون الوان 
لأنو الألوان بتمثّل كل الأشخاص و المكان 

أنتو الأشخاص والمكان..أنتو الفرحة بقلبي عامرة متل الحبوس و البنيان
أنتو الألوان الي بتنسمع والأسامي الي بتنشاف
أنتو السبع سنبلات بأرض السبع عجاف

محّايتي

مسودّة - ft.Sarbast (prod.Yun)

التراك الثالث من ألبوم #اللّالون

كل الألوان كذّابة

التراك الرّابع من ألبوم: اللّالون

سَما

إنتاج جندي مجهول
آرت وورك: بيغ يون
مابحكي بلسان الحال، قاطعو 
طبعي ميّال للهوا، بختنق لما اصالحو 
هي لعبة الخنصر عالخنصر، كنت محاربو
فيا نوح، حاج تنوح فينا. طوفان بقاربو 
فنجانو بيعمل لوحات ماتت فيه 
قارئة الفنجان، بعد ما لفت البلاد
وحست بالإنسانية، بقسم الاستبداد
وعرفت شو يعني الشّام، بليلة سقوط بغداد
فخليها تزورنا حارة حارة
واذا ما عجبتا الحارة، بندفعلا كفارة
احنا عارفين انو النفس امارة، بالسوء
وعنا الحرامية بيعملوا للخرا فراطة
الخلا الخارطة تتناسب مع اقامتك 
هو الي خلا التطبيع يتلائم مع ثقافتك 
ولتقتنع بقناعتك، صارت اصعب من انك
تننازل عن كرامتك 

دقيقة! مافهمت قصدك
لما احكيلك عن الحارة بتقول على نصتك
إحنا بنبلع حكي وبنتف صمتك
خروجي عن الصمت هو الخروج عن نصك


فبمشهدي، حواري سرمدي ما بخلص 
لأنو الحكي حكي حواري، دغري ما بشخّص
وعمري ما بفصفص، متى كبرت يا زمك؟
اذا العمر قصير، عقلي اطول منك يا زكرت
وحضارتي، مابحصرها بحلاوة الجبن
ولشجاعتي مساحة، لتدوق حلاوة الجبن 
ولهداوة الغصن بهديه ريح
نحن الي بنهز الورد لنشم مساوئ السفن
وانا اصلاً باني فوق طيني قبور
بيني وبين سقف النجاة نور
وانا الموت 
الحياة زاتة كل طرف فيني ببطن الحوت
عطشان و البحر فيني ببلع طريق العبور
فما تحطني بحقيقة الاموات
لأني تعلمت افرق بين القائد والقوّاد
وبين الناقد و النقيض أفواه
عدهم لأشباه الاشبال
بيطلع للأسد أسماء
والحارة ما بتنهدم، بفترة تصليحية 
واذا عقلي بيوم أخطئ بفاجئو بحركة تصحيحية
والادوات ميليشيات ، فك وتركيب
بنلعب لعبة عكسية. دفن وتعذيب
غابة بجحش وديب مارح اتوقع بين بيصمد
لانو الدّابة بتجيد فن الإستيلاء وبتنفد
وبتعرف كيف تنام وتصحى على تزييف
والحارة غابة، بتاكل منا لتعيش

الخروج عن نصّك - إنتاج: جندي مجهول

بعد المطر - After Rain

علّيلي صوت الإقبال
القلم تنح 
بهندس خسارتي عالمكتب
ليحس إنو القلم ربح
هادا الألم شبه لوم
شبع نوم جوا  الضلوع
بعلموا كيف يطوف عسطح الحياة
شوفو كيف سبح 
بس 
طلاقتي بحب مشّيها جنبي
بموازاة 
و إختياري لهالسطور كانت 
مشروع مواساة 
مش مطلوبة المجازاة
أنا ما بتساهل اشي
وخلي الواقع للواقعة 
انا مش ناقص محاكاة
أنتو الفراغ المادّي
أنا أبسط من الفكرة..عادي
عندي مخّين 
وكل مخّ 
 عنده هوس أحادي
و عندي أسبابي 
الخاصة.. خالصة 
وبقدر أميّز بين 
الرقّاصة و الراقصة 
أنا الصوت وأنتو الحركة الي بعدها
الصدى 
وأنا وإلي بتحكّم بمسافته ولوين بيوصل
المدى 
و إذا وصلت كلمتكن الناقصة زيحّا عنّي
خدا 
و إذا كانت ثنائية المعنى
برجعها على حدى 



وعلى هاد المقياس قيس
وعنفس المثال ضيف
أصوات
وشيل من المجال زيف
وبهالمقارنة في أمراض 
مو عادلة فبالأخير
فكيل بمكيال نضيف 




مخي زنزانة محاداثات 
قصيرة 
تنافس شخصيات 
 بملاسنات بلسان البصيرة
بتحب تكون الخاتمة الصعبة 
بمناسبات حقيرة 
بتحب تصون اللازمة 
 بالنُص
 إنتباه لنّص السيرة 
إشتباه لكاسة البيرة
إكرعها كلها خال
 بيجبرك بأنو تخبّر مصيرك 
بالخطيئة
ليكون الموضوع أسلس على مسار حياتك 
وتعالج الوقاحة بفكرة أوقح منها مشيرة 
لسا ما أتعلمت اتناسى كل هالمواضيع 
بضل حاطط ببالي أني أكسر كل هالقوانين
برجع مكسور، وبرجع لنقطة أنتحار
وبرجع بفهم حالي عن معنى ضعف الإنتصار
هي لضعف الإنتصاب حبوب، أسلوب للإنتفاض
ومشروع للإتفاق برا دايرة الحوارات
وإجري الإسقاطات الي بتتمركز على النّاس
و إجري بالنّاس الي ما نولد معا إحساس

Mono - (Prod.Yun)

PROD. Tesk
تسجيل ابن حواري استوديو وكر الثعلب - فُصام 
@7oari
@fusam
ميكسينغ وماسترينغ: فُصام
فيجوالز: كلابوريشن
آرتوورك: آدم يونس
غرافيك ديزاين: سليم جويّد ابن حواري

يوزرسيف على الانستاقرام: Yun.sounds
ابن حواري على الانستاقرام: ebn7oari

الوقت بِدلّ ضايع | يوزرسيف وابن حواري

Mix.master: Youzirsef
(Prod.STNT)
https://www.instagram.com/yun.sounds/

لغة جديدة وأنا بترجمك 
بشرح شي بلاقيكي أمثلة
بفهمك بلاقيكي أسئلة
بشرد كتير بس لازم أني أنتبه
ضحكتها صوتها
مابعرف موسيقى بس حافظ النوطة
المشهد حقيقي وكلشي كان بروفا
وإذا نشف ريقي بشرب من حوضها
هي موضة
بلبسها لمّا أنسى 
بحس إيدي ريشة 
وهي وجها مرسم
حتى لو بعيدة 
بضل أشوفك أنسب
قلبي مرساة، وأنتي قلبك مرسى 
لهيك بنجى 
بالأخير وأنا حاضنك 
ما بنسى حرف لأنو بلاقيكي قافية
بخاف من إرداتي بس جوّا نيتي صافية
ضيعي جوّا حارتي شبابيكي مش ناسية
حافظة ملامحك،  ما بتديق فيكي
بس آخدة مساحتك 
ما بتليق فيكي بس محافظة عشاشتك 
بَحيك  فيكي اللمسة كإنها شي من تيابك
بلبسك الهمسة 
كإنها حَلَق على دانك 

بلد وأنا ناسك
مبلا لسّا لازم 
ما خلّصت اللازم وأنا كاتبلك
عدد مالو آخر 
ووقت مالو حاجة
أنهزت الساكنة بس ثابتلك
كني جرس على بابك، 
وشامة على كتافك، 
شعرة على شالك، 
وشابتلك 
مادّة على حالك 
السمّا 
جوّا بالك، 
شمس ع شباكك ودابتلك

 



وإذا عارفة كيف بتذكر تفاصيل
هاي حاسّة
وبتحكّم فيها من أنا وصغير
مابعرف أتحكّم بخوفي، بإي زرّ بطفّيه 
مابعرف أتحكم بالوجع بس بعرف خبّيه 
ومابعرف إذا الجمال كامل، بس بعرف بتكمليه
وما بعرف إذا اللغة كافية لكون جيد بالتعبير
ومابعرف ليش بدّي أعرف مش جهل بسمّيه
لأنو المعرفة عندّي هي الحّب والتكوين 

وبرجع لنقطة السّرد 
لو ماكنت بعرف دفا إيدك ما بعرف نسمة برد
لو بعزف عشفا إيدك كنت طلعت سَرب
طيور، شِرب النور، من عيونك، بس أبصرت
هي الموج، ملامحها موج، وأنا الشط
متل الصوت، إلها صدى، مالا رد
إلها زوج عيون، وبتكبر وبتنمد
بالكون، مجرّة حايرة
ثايرة على الحد

Yun Sounds

Popular tracks