ياحبيبي وينك انت و وين انا 😔

ثلثينك اسمر للحنطة
و من تشهگ چن جثة بطة
چملني بنهدك نص غطة
انبگلك چن فحل الوز

جريت ثيابك للصرة
وشفت الدگ واصل للبصرة
كتلك نلعب كتبة وطرة
فنك كتلي تعدي الحز

حز خصرك فرارة فضة
وشامة بنص خصرك معترضة
همي بفضتك شنهي فضة
غير مكابر بوس ولز

تدريني ما ضگت فراشي
من يوم اللاگيتك ماشي
وي غيري وطعمتة الراشي
وبس انه بعشگك مز

ترجيتك سديت الباب
مغيرير وما تسوة عتاب
حگك يا شجرة عناب
لچن نگدرلك بالهز

ياما هزيناك الغبشة
وعنابك طاح على الفرشة
ونزلنة خديدك عن عرشة
وعلمنة عرانك عالرز

گالولك انه من الطين
صدگو
بس طين بساتين
طينتهم صبخة وعفنين
و دود البيهة ماهو قز

تذكر يامة سكرنة بريجك
وايدنة تصلي بشگ زيجك
يا ضيج عين شما ضيجك
جرة عينك جود وعز

بستاني تحفالك يرعش
يصغير ما ضاگ المشمش
تسألني بيا خمرة مغوش !
بالينجاس بگطنة يفز

بطلنة نحب شنهي طلابة
لچن نوبات ندگ بابة
ونگله شلونك يطوي كتابة
كلساع دمعه بعينة تنز

صوجك ضيعت الايام
كلما صحي الليل تنام
شميتك شمة شمام
و گتلك باچر
باچر سز

...

مطفر النواب من امسية برلين عام ١٩٩٥ لم يلقيها الا مرة واحدة وكانت في تلك الامسية النادرة

ثلثينك أسمر للحنطة _مظفر النواب

منار دريد - عزيز العين - فدوة

سعدي الحلي _ يا أغاني طيور دجلة

والله ما ادري

وانتهى الما ينتهي وخلص حچينا

تعالي بشرفج تعالي_ عبد العزيز السيب

مزج|العِظام الرَدِيئَة

ذكرى -  ياحبيبي وينك انت

فَوَيْلٌ لّلْقَاسِيَةِ قُلًوبُهُمْ "إلى حنوش"

مزج - عودتني

‎⁨مزج | طيف الندم ..⁩

ذكرى - ياحبيبي وينك انت

زينوبيا الدرَّ

Recent comments

سجاد رعد

سجاد رعد

ً

Related tracks