U Win Myint Speech About 66D

တယ်လီဖုန်းကြိုးတွေကို ဖြတ်သန်း
နေ့တွေညတွေကို ဖြတ်သန်း
အဝေးပြေးလမ်းတွေကိုဖြတ်သန်း
မင်းရောက်လာတဲ့အခါ
အချိန်ပျားရည်လေးတစ်စက်
ကိုယ့်လက်ဖ၀ါးမှာ မတော်တဆပြုတ်ကျလာတယ်

သောက်နေတဲ့လိမ္မော်ရည်ထဲ 
မင်းနှုတ်ခမ်းတွေ နစ်ဝင်သွားတဲ့အခါ
မင်းနှုတ်ခမ်းပေါ်ကလိမ္မော်ရည်ဟာ ပိုချိုတယ်သက်သေပြဖို့
မျက်လုံးလေးခဏမှိတ်

နီးကပ်နေပေမယ့် ကိုယ့်မှာအရည်ပျော်ခွင့်မရှိလို့
အစိုင်အခဲအဖြစ်ပဲ ပူလောင်နေရပါတယ်
အချစ်ဟာအမောလား ပြီးရင်အလွမ်း လာဦးမယ်
ကိုယ်နမ်းပြီးပြီပဲ ဟုတ်တယ်
နမ်းပြီးပြီ ဟုတ်တယ်
တော်ပြီပေါ့ ဟုတ်တယ်

ငါ့သွေးသားတောင့်တမှုဟာ မင်းအနမ်းတစ်ခုတည်းနဲ့နှစ်သိမ့်လို့ရပေမယ့်
ငါ့အလွမ်းတွေကိုတော့ မင်းဘာနဲ့မှ နှစ်သိမ့်လို့မရနိုင်ဘူး
ဒီနေ့လည်း အပြင်းအထန်သတိရမိပြန်ပြီ
မင်းဓာတ်ပုံလေးသက်ဝင်လှုပ်ရှားလာတဲ့အထိ စိုက်ကြည့်နေမိတယ်

မင်းလွင့်ထွက်သွားပြီဆိုကတည်းက ဒီမှာပန်းတွေမပွင့်တော့ဘူး
ဝါးနေတဲ့ပီကေလေးလည်း အချိုရည်မကျန်တော့ဘူး
နေထွက်ချိန်ဟာသိပ်နောက်ကျပြီး နေ၀င်ချိန်ဟာစောလွန်းလို့
နွေးထွေးမှုကို ငါတို့မရလိုက်ဘူး
အချစ်ရဲ့နူးညံ့မှုကို ငါတို့စူးစမ်းမှုမပြုလိုက်ရဘူး

မြို့ကြီးရဲ့လမ်းတွေပေါ် ငါတို့ဆိုင်ကယ်အတူစီးတဲ့အခါ
ငါ့အနားကို မင်းကပ်ထားပါ ငါ့ခါးကို မင်းဖက်ထားပါ 
ငါဟာ မင်းလက်ဖျံရိုးထဲမှာ ရှိတယ်ဆိုတာရယ်
မင်းကို ငါတစ်ယောက်တည်းပဲ ပိုင်တယ်ဆိုတာရယ်
ပိုသေချာသွားအောင်ပေါ့

လှည့်ကြည့်လိုက်တိုင်း ငါ့အနောက်မှာ မင်းရှိနေပါစေ
ငဲ့ကြည့်လိုက်တိုင်း ငါ့ဘေးမှာမင်းရှိနေပါစေ
အဲဒီလိုပဲ ငါဆုတောင်းမိတယ်
အခုတော့ ကံစီမံရာဟာ တစ်မြို့စီတစ်နယ်စီ

ဘ၀ဟာတိုလွန်းတယ် ဆုံစည်းခြင်းဟာမရှိသလောက်နည်းတယ်
မင်းကိုချစ်နေရဖို့ နောက်ဘ၀ပေါင်းများစွာက ဘ၀တွေ
ငါထပ်ပြီး ငှားရဦးမှာပဲ
ဒီလိုအချိန်ပေါ့ 
ဒီလိုဆောင်းရာသီဂုံးတံတားကြီးရဲ့ အလယ်ခေါင်တည့်တည့်မှာပဲ
ကိုယ်တို့ စတွေ့ခဲ့ကြတာလေ
အခုလည်း အဲဒီလိုသိပ်အေးနေပြီ
မြူတွေနှင်းတွေသည်းနေပြီ
အဖြူရောင်ဆွယ်တာလေးထဲမှာ တိုးထွက်လာတဲ့နှင်းဆီ
မင်းဟာ ဆောင်းရဲ့နတ်သမီးတစ်ပါးပေါ့

မတွေ့ရတဲ့အချိန်တွေ ထူထပ်စွာပေါက်ရောက်နေတဲ့ကြားထဲ
ငါတို့အချစ်တွေ ကျိုးကျဲခဲ့ကြတယ်
ဒီဇာတ်မျောကြီးကို ရိုက်နေတာ ဘယ်ဒါရိုက်တာလဲ
အခန်းတိုင်း အခန်းတိုင်းကို နောက်ကြောင်းပြန်ပြန်နေရတာ
တွေ့ပြီးသားနေ့ရက်တွေကို ပွတ်သပ်ချော့မြူနေရတာ
အလွမ်းဟာ ရနံ့ပြင်းတဲ့ရေမွှေးပုလင်းပေါ့
အခု ငါ့ရှေ့မှာ မှောက်ကျနေပြီလေ

ငါ့တစ်ကိုယ်လုံးကို စစ်ထုတ်ကြည့်လိုက်တော့လည်း
မင်းကိုချစ်တဲ့အချစ်တွေက တင်ကျန်ရစ်ခဲ့တယ်
မင်းဖုန်းခေါ်သံက ငါ့စိတ်ကို ရေငတ်ပြေစေတယ်
ငါ့ဖုန်းခေါ်သံကရော မင်းစိတ်ကို နွေးထွေးစေပါ့မလား
တို့ဆီမီးလေး လေတိုက်မခံရဖို့
ကိုယ်တို့ရင်ခုန်သံနဲ့ပဲ ကာကွယ်သွားရမှာ

ဝေရယ်ကိုယ်ရယ်ကမ္ဘာကြီးရယ်
မျှော်လင့်ထားတဲ့ ပျော်ရွှင်မှုရယ် အမြန်ပေါင်းရဖို့ 
အရှိန်ပြင်းတဲ့ရထားပေါ် ခုန်တက်
ငါတို့ စွန့်စားလိုက်ကြမလား

ညိုမင်းခက်

Zaw Thurein Htun

Popular tracks