كنت بخاف اسمعها لا يحصلها حاجه وافقدها .. الله يرحم روحها ويطمني 

ربنا يرحمك يارب و يغفرلك يا احلي و اطيب جدة شفتها في حياتي ♥️

قعدتنا في السطح وانتي بتضفريلي شعري... عطر من غيرك الدنيا بلا عطر... يارب نتقابل في الجنة 

اسفة علي كل مرة زعلتك فيها..🙂

اليوم الذكرى السنوية الأولى ل وفاة جدتي، الله يرحمك و الحقيقة انو بعد ما اتقبلت فكرةوفاتك، عذرا اليوم لم أستطع زيارة قبرك لانو لا اريد تقبل فكرة رحيلك إلى الأبد

كل مره بسمع الكلام ده كل مره بعيط و للاسف محستش المشاعر الحلوه ديه بس حاسس بوجعك و انتى بتلقى الكلام المؤثر دخ

حواديت

التراك ده إهداء لجدتى رحمها الله، نسألكم الدعاء.


-كلمات: أحمد زهران
و زينة قُطري

-إعداد: عبدالله نوفل

Ahmed Y. Zahran :
تقدروا تتابعول أحمد من خلال البروفايل بتاعه :https://www.facebook.com/MadoOoZahran?fref=ts
او من خلال الصفحة بتاعته : https://www.facebook.com/PoetAhmedZahran?ref=br_tf
Zeina Coutry :
وانا من خلال البروفيال بتاعي : https://www.facebook.com/zeina.coutry
او الصفحة الرسمية بتاعتي : https://www.facebook.com/Zina.Coutry
Download Link : 
https://www.dropbox.com/s/pwjfccygwq4hpjc/Gedety.mp3
اتمنى يعجبكم.

جدتي..

كلمات : @ZeinaCoutry
أداء صوتي: @ZeinaCoutry

إعداد: عبدالله نوفل

الكلمات:

علموني في ابتداءي
 يعني ايه كلمة "وطن"
 يعني حب فيه ألاقي
 يعني برضه يوم سكاتي 
اصحى الاقي حلمي عايش
 مش ورقة وحبر بايش 
وفي يوم وليلة بيتدفن 

قلت آه وآلف اه 
على حلمي اللي تاه 
ووطني اللي انكسر
 آه لو فاكرينها حياه 
ومش بندفع التمن
 آه على اللي كان 
واه على اللي خان 
آه على اللي راح
 واخص على اللي هان.. 

يا دم سايل بين ضلوع 
فين القصاص؟ 
يا طير واقف على الفروع
 اوعى الرصاص..

 يا حزن عشش في الوطن
 حالف ما يمشي!
 كل حلم فيه اتدفن 
والظالم..متحاسبشي

 يا جرح بينزف على العلم
مزادش غير الاحمر
بيدور عللي يداوي ألم
 عمال يزيد اكتر واكتر

 يا ترى فكرة انا مين؟ 
انا كلمة اتمسحت من كتبك 
علشان متعادة 
انا كنت زمان بقعد علقهوة 
واطلبها زيادة

انا كلمة اتحدفت من الجملة
علشان من الاول مش فارقة
انا عيل دايخ على لقمة
في بلد اصلاً مش فايقة

انا شباك مش طايق يفتح
في عز الشمس ماهي قايدة
انا نفس الكلمة اللي أتحدفت
علشان فعلاً ملهاش فايدة..

 ده انا اللي الرعب 
ملا ضلوع جسمي
 واتكتب بالدم!!
 على الحيطان اسمي
 
انا اللي اتقتل
 وانا اللي..اتسحل
 انا اللي نبض قلبي 
رسملكوا الأمل.
. 
انا اللي اتقال عليا شهيد 
واتحطتلي كام صورة 
مفيش يومين واتغيرت
 والذكرى بقت مهجورة.. 

بس اللي مطمني 
انك موجودة 
واللي معذبني
 انك مهدودة
 لسَاني أمل
 كلي أمل 
ترجعي من جديد
 قلبك جامد 
بس طيب
 من حديد
بس ابيض

خلي بالكوا من بلدنا 
واوعوا فيكوا حد يمشي
 خلي بالكوا من ولادنا 
ده الامل عايش مماتشي

#زينة_قطري

حبر بايش..

كلمات: @ZeinaCoutry
أداء صوتي: @ZeinaCoutry

تصميم: مجدي حُزين

الكلمات: 
رغم إني لسة فاكرة
وعدك ليا من زمان
لما قلت مش هتمشي
مهما ضاقت الأيام
كنت ساعتها لسة هابلة
مصدقة كل الوعود
رغم إني كنت شاكّة
إن راح تخلف عهود
مجاش على بالي عمري
اصحى يوم القاك بعيد
زي يومها لما عرفت
انه مش راح يبقى عيد
قلت عادي ده اختبار
مسيره يرجعلي تاني
مش معقول يعني انهار!
واظلمه واقول اناني
يومين عدوا فاتوا
والوقت بقى يجري
لا انت رجعتلي
ولا يوم هترجعلي
رغم إني لسة فاكرة
لما قلت "
وإيدك لما تلمسني
في عز الزحمة بطمّن
ولو قلبك زعل مني
ببقى ممكن اتجنّن
ومهما بعدت ومهما بغيب
برجع لجل نتلاقى
ومهما سافرتي ورحتي بعيد
مستحيل تباتي مشتاقة
هبعتلك كل ليلة جواب
وانسيكي اللي فات كله
كل ليلة سكنها عذاب
وحبيب سقاكي من مرّه
وكل ليلة هكتبلك
قصيدة شعر وازينّها
بحروف اسمك والفلفهم
واخدها في حضني وانيّما
حتى باقي الاسامي تغير
اشمعنا هي حبّتها؟
حبيبتي هي ساكنة القلب
وحاسة بيا وبحالي
حبيبتي مهما اخدت جمب
متابعة هي اخباري
حبيبتي لو لفيتها بلاد
ما هلاقي زيها حبيبة
حبيبتي مهما بعدت عني
عمرها ما تبقى "غريبة"
"
رغم إني نفسي انسى
وعودك ليا من زمان
نفسي لما احط راسي
على المخدة اوام انام
اصل كل يوم تجيلي
وتقولي "صدقيني"
وترجع ذكريات
وتوهمني بحاجات
مكانش لازم اصلا تفضل
وامحي كل اللي فات
انا بس عايزة اقولك
بالمفيد المُختصَر
جرحك ليا اكيد وجعني
ومش هنكر ساب اثر
بس لازم تبقى واعي
مستحيل إني اتكسر
رجوعك معادش داعي
قلبي مبقاش راضي
بواحد سابني في سكة سفر!!
من النهردة انا حد تاني
مش هقول بيّاع اناني
بس اكتشفت فيا عيب
مستحيل انكره تاني
كان كل ما حد يسيب
انا اللي قوام اضعف واشد
وكان لما حبيبي يتعب
فجأة في نص الطريق
كنت بجري اوام عليه
واخده من إيده نمدّ
كنت هابلة وكنت ساذجة
كنت غصب عني ساكتة
كنت طفلة عبيطة جداّ
وفي حياته انا كنت ساكنة

بالمفيد المُختصر

كلمات: نبيل عبد الحميد - الحان : مي عبد العزيز - توزيع: مهاب سامي 
انتاج: Handmade Studios

مِطَّمِنه ..
طول مانت حُضنك 
بيحاوطني في الحياه ..
مِطَّمِنه ..
و بعيش بِـ حِسَّك
و أقدر أكسَر أي آه ..

يا أحن حد ف دنيتي طبطب عليا ..
عُمرك ما كنت فـ يوم مجرد أب ليا ..
و كفاية بس إن إنت لمّا إختارت أمي
إختارتها ليا أنا و فَكَّرت  فِيّا ..


رغم إني بكبر كل يوم قُدام عنيك ..
لساك شايفني صغيّره و شايلني فيك ..
لساك بتحكيلي حكايات حواديت بنات 
حتي فـ ضفايري خُصلة مربوطة بإيديك .
و فـ قلبي ليك 
أحاسيس كتيره حنينة ..

مِطَّمِنه ..
أنا عايشه بشكُر ربنا ..


Metamena - Mai Abdel Azizi | مطمنة  - مي عبد العزيز

كلمات وإلقاء: زينة قطري

https://www.facebook.com/Zeina.Coutry.Official.Page

لينك الفيديو:
https://www.youtube.com/watch?v=7HKpl1dmK2o&feature=youtu.be

تصميم: @3bdo-tito

فى عز المظاهرة ..
 فى عز المظاهرة بعلى الهتاف
 قلبى فى ايدى
 متشال على الكتاف
 بطالب بدمي
 ما يبقاش رخيص
 و اشكيلكوا همى
 و مابقاش خسيس
 بطالب بلمه و ضحكة و عيله


 مش دمعه و قله و خيبة و ميله ..
فى عز المظاهره مقولتش أخوان .. 
فى عز المظاهره مكنتش جبان ..
 لا عسكر وسيسى
 وعايزك رئيسى
 فى عز المهانه
 انا كنت انسان !! ..
 صرخت كتير من خوفى عليكى
 لحد ما وقعت و ايديا فى ايديكى
 و الرعب ملانى و مين يسمعنى
 برصاصهم يا امى صابوا عينيكى

 غصب عنى و فجأه انا اتخضيت
 لا سامع هتاف ولا سامع صويت !! 
الصوت اختفى تدريجى
 و الصورة تملى بتبهت
 و النور بيقرب و يجيلى
 و انا جسمى مدغدغ و مكهرب

 انا فين ؟!
 انا لية بعيد ؟!
"! اطمن يابنى اقصد يا شهيد"


 بتبكى ؟!
 بتبكى لية ؟!
 دة المفروض يبقى عيد .. 
ايه ؟! انساكى ؟!!
 والله ما ناسيكى
 يا حبيبتى انا عارف مش بأيديكى
 بكرة يتولدلك بدالى من جديد
 مانتى الأم و الاهل انتى البلد
 انتى الثورة اللى ميدانها فى قلبى اتولد
 و انتى برضو المرار و العيشة و الوجع 
و انتى اللى جبتى بنوتة بميت جدع

 ما تعيطيش فى يوم
 و اوعاكى تبكى
 دانتى اللى ليا
 و اول عشقى
 وصيتكم عليها من قبل ما اموت
 خلى بالكم عليها دى كل اللى ملكى 
.. خلى بالكم عليها دى كل اللى ملكى :"(
‫#‏زينة_قطري‬ 

في عز المظاهرة

Lyrics : Rania Shoukri
https://www.facebook.com/OsamaElhadyOfficial?

Music Band Line up :
Ahmed Disoky
Mohab Samy
Islam Tarek
Amr Esmail
Ahmed sa'd

Lyrics :
بحبك قد ما بعد الأكل بحب الشاي
قد العزف وصوت الناى  .. قد ما أمى يوماتى تدعيلي
بحبك قد ما جدى بقى نساي ..قد الكل الفات والجاى
قد ما شعبنا بقى فتاي

قد ما طفل بيحلم يعرف يركب عجله ازاى ..بحبك

بحبك قد زحمه كوبرى اكتوبر نص اليوم
قد ما ايام امتحاناتى بموت فى النوم
قد الأمل اللى انا شايلاه ...قد شغفي فى الحياه
قد الشعر اللى بكتبهولك , بس اشوفك اقوم انساه

بحبك قد حبى للمطر لما يسيل
قد عشقي للسلام ..قد كرهى لإسرائيل
قد حليم وقد العود
قد ما بعد الفُرقه نعود
بحبك قد أحلامى ..وانت عارف ملهاش حدود

Osama Elhady | LIVE | أسامه الهادى - بنوته مبتعرفش تعبر

رسالة إلى التي لم أرها ولكنني أعرفها جيدا

موسيقى ومكساج: طارق عليش
https://soundcloud.com/tarek-eleish

لقراءة الرسالة:
http://tinyurl.com/ResalaLYA

رسالة إلى من يهمها الأمر - message to whom it may concern

تَضِيقُ بِنَا الدُّنْيَا إِذَا غِبْتُمُ عَنَّا وَتَذْهَبُ بِالأَشْوَاقِ أَرْوَاحُنَا مِنَّا
فَبُعْدُكُمُِ مَوْتٌ وَقُرْبُكُمُ حَيَا فَإِنْ غِبْتُمُ عَنَّا وَلَوْ نَفَساً مُتْنَا
نَمُوتُ بِبُعْدِكُمُ وَنَحْيَا بِقُرْبِكُمْ وَإِنْ جَاءَنَا عَنْكمْ بَشِيرُ اللِّقَا عِشْنَا
وَنَحْيَا بِذِكْرِكُمُ إِذَا لَمْ نَرَاكُمُ أَلاَ إِنَّ تِذْكَارَ الأَحِبَّةِ يُنْعِشْنَا


زجزاج | تضيقُ بنا الدنيا إذا غبتُم ُعنا

اغنية لسه جميلة لدعم ومكافحه مرض سرطان الثدي 
كلمات : وليد عبد المنعم | ألحان : أسامة الهادي | توزيع : محمد علي 
--
غناء
حنان ماضي
مي عبد العزيز
فيروز كراوية
رانيا العدوي
منة حسين
سلمي صباحي
مصطفي شوقي
محمد علي
أحمد حسن
أسامة الهادي


Lissa Gamela - أغنية لسة جميلة

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

اغنية ديوان من بعد الساعه 12 للشاعر محمود عبد المنعم 
غناء والحان/احمد فوزي
كي بورد/مصطفى لاشين
كمان /تامر مصطفى 
هندسة صوتيه / شريف مجدي 
التسجيل والميكس/ستوديو live



احمد فوزي - من بعد الساعه 12 - للشاعر محمود عبد المنعم

مزيكتنا ع السي دي 
والسؤال واقف بحيرة
تسمحيلي الرقصة دي؟
لو تكون رقصة أخيرة

أحضنك فيها بغيرة
م اللي واخدك مني غصب
ويا ناس مااخترتهمش
جوه لعبة ناصبها نصب
حكمها فرصة أخيرة 
وهي دي الرقصة الاخيرة

احضنيني بقلب جامد هي ضمة الوداع
وان شافونا ألف واحد ماتشوفيش ولا حد فيهم واحضنيني ع المشاع
حواطيني بميت دراع 
واسكني حتى مماتي
وانسخي كل حكاياتي
جوه قلبك راح يساع
follow me :https://www.facebook.com/medosaher2

جدتي..

zeina-coutry

Recent comments

Bn Elhadad

m

m

صلي علي محمد

Related tracks