صلاح جاهين .. عبدالرحمن الأبنودي

كل ليل له فجر إلا ليله هو
فِ ما بين الإتنين خصومة وتار وهوه
ياغريب الدار مسيرك تنهى ليلك
مستحيل تقدر تحوش الفجر قوة

مهما طال ليلك
هيطلع صبح تانى
والندا هيبل رصفان الموانى
والطيور تهذج مواويلك اغانى
غنوتين للبلبلين والامر غنوة

فى بريد البرج
قوم اكتب فى ضله
شعر للشعب اللى طول عمرك تغله
اللى ذل غزاة وماقدرت تذله
ده الطغاة غزاة وعاشش يستنى قوة

الحديد والنار مايضنوش الرجولة
يعمل ايه البغى للنفس المهولة


بكرة ترجع تانى للأرض الحبيبة
تطفى نار الوحدة والغربة الكئيبة
كل ليل له فجر الّا ليله هو
في ما بين الاتنين خصومه وتار وهوّه
يا غريب الدار مسيرك تنهي ليلك
مستحيل تقدر تحوش الفجر قوّه

مهما طال ليلك حيطلع صبح تاني
والندى ح يبلّ رصفان المواني
والطيور تهزج مواويلك أغاني
غنوتين للبلبلين والإمري غنوة

في باريس البرج قوم اكتب في ظلّه
شعر للشّعب اللّي طول عمرك تجلّه
اللي ذلّ غزاه وما قدرت تذله
داس طغاه وغزاه وعاش استنى هو

الحديد والنّار ما يتنوش الرجولة
يعمل ايه البغى للنفس المهولة
يللّي شعرك يتنسج فدو وبطوله
الميدان واحد وبرا زيّ جوّا

بكره ترجع تاني للأرض الحبيبة
تطفي نار الوحدة والغربة الكئيبة
مهما شفت ومرّ بك أوقات عصيبة
برضو عزمك زيّ ماهو هو هو

بكره تيجي تلتقي فلّاح بلدنا
فيك مصيره وصوت ضميره وصوت بلادنا
بكره ورد الأرض يملا ايدين ولادنا
يبقى زهر القطن غنوة وزاد وكسوة

ابن مصر ارادته ما تهونش للخواجة
خوف بطالة وجوع وبؤس وذل حاجة
واللّي يملك روحه يملك كل حاجة
تلتقيه مارد صنع م الضّعف هو

انت ثورة شعب ما تخمدش نارها
انت نهضة أمّة مفروض انتصارها
مهما طل يوم انتظارك وانتظارها
جاي لقلبك يوم حياخذه حضن حوّا

كلمات محمود البنهاوي

غريب الدار | كل ليل له فجر | الشيخ إمام |

"اتجمعوا العشاق "

لحن : الشيخ إمام
كلمات : زين العابدين فؤاد
أداء : الأوله بلدي
مقام : نهاوند
ـــــــــــــــــــــــــــ

يتجمعوا العشاق في سجن القلعة         
يتجمعوا العشاق في باب الخلق
والشمس غنوة من الزنازين طالعة       
و مصر غنوة مفرعة م الحلق
يتجمعوا العشاق فى الزنزانة              
مهما يطول السجن مهما القهر
مهما يزيد الفجر بالسجانة                 
مين اللي يقدر ساعة يحبس مصر
 
يتجمعوا و العشق نار في الدم            
نار تحرق الجوع و الدموع و الهم
نار تشتعل لما القدم ينضم                 
لما الايادي تفور تلم اللحم
و اللحم متنتور في رملة سينا            
و الكدب بيحجز على أيادينا
قدم العدو غارزة في لحم ترابي          
و الكدب عشش مخبرين على بابي
و المخبرين خارجين كلاب سعرانة     
بيجمعوا العشاق في الزنزانة
مهما يطول السجن مهما القهر          
مهما يزيد الفجر بالسجانة
مين اللي يقدر ساعة يحبس مصر

مصر النهار يطلقنا في الميادين             
مصر البكا مصر الغنا و الطين
مصر الشموس الهالة من الزنازين        
هالة و طارحة فى دمنا بساتين

مصر الجناين طرحة مين يقطفها           
مصر الجناين للي يرفع سيفها
مهما يطول السجن مهما القهر              
مهما يزيد الفجر بالسجانة
مين اللي يقدر ساعة يحبس مصر


اتجمعوا العشاق

شَرع التسالي- بصوت فؤاد حداد

قصة: أميرة حسن الدسوقي
هندسة صوتية وآداء: زينب فرحات🎙️صوت الونس
________________________________
سوستة جاكيت
***********
كنت أرى الوجع بك أكثر مما تشعر به أنت، عندما صافحتني وجلست، كانت عيناك تراقب رقبتي والجزء العاري بينها وبين صدري، وتنظر فيي بلم، نعم لاحظت نظرتك ولكي تجاهلتها، هذا لم يمنعك أن تغلق سويستة الجاكيت بأصابعك النحيلة في أثناء حديثك وكأنك لم تفعل شيئاً، لم أتعرض ولم تستطع أن تداري ابتسامة الزهو على شفتك بطاعتي لك، اللعنة عليك! اللعنة علي! اللعنة على كل من مر بجوارنا ولم يعلم أننا على موعد مع حب! عندما ذهبت إلى البيت، فتحت «سوستة الجاكيت» وأحضرت سكينا ووضعت حافته على بداية صدري، بعد ريقي بقليل، وشققته برفق، حرصت ألا أجرح الحرف الأول من اسمك وأنا أمر بالسكين بين خدي. وعندما تأكدت أن الشق تم كما ينبغي، جلست على الأرض، وضعت يدي بصدري، أخرجت قلماً وقصيدة لدرويش، أخرجت شارعا ومقهى، أخرجت قبلة وقبلة، أخرجت قلبي وحلماً، أخرجت ريقك، لنفسك، رائحتك وأصابعك العزيزة، أخرجت وأبغيتك... ثم... أغلقت «سوستة» الجاكيت بيدي.









قصة سوستة جاكيت..من المجموعة القصية "بس يايوسف" لـ أميرة حسن الدسوقي

موظف عادى فى هيئة حكومية
إجمالى ما يحصل عليه
ألف وتُلتميت وحاجة جنيه
لا يعول، وغير مسئول إلا عن نفسه
لا يبوح للأصدقاء العابرين عن أمله أو يأسه
كان عادى جداً مضمون وشكل
مش شرير ومش طيب
مش موهوب ومش غبي
مش مجذوب ومش نبي
ولا حتى عاش قصة كفاح ع اللقمة فى بلد أجنبي
تلهم بتوع السيما يحولوها لفيلم
أو حتى يوحش حد ساعة الأكل
النوع اللى تستغرب لو جه لحد ف المنام
بس النهاردة فى المنام جالى
واقف على الشعرة اللى بين الوجود والعدم
فاتح عينيه.. ماشى فى شارعهم المليان تراب
خطاويه مبتعملش وراه
وكأنه من غير قدم ع الأرض
وكأنه كان ماشى بس الزمن هو اللى مبيمشيش
كان ماشى وإحنا متسمّرين حواليه
لحد ما بلغ الضباب بشويش
يشبه بطل أسطورى وخيالى
معملش حاجة تستحق الذكر
غير إنه واقف لسة على رجليه.

معملش حاجه تستحق الذِكر – حازم شاهين

الليل ملاح
تايه سواح
لا يبوصل شط
الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم

ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والضلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال

الليل ملاح

"قوّة الشهداء"
__________
مسحراتى فى الطريق الصعب

منقراتى و كل دقه بقلب

إحنا الشعب

المصرى أول سيرة الإنسان

احنا من صخر العزيق والصبر

واحنا من طل وندى المواويل

زى ما اتعود علينا النيل

زى ما اتعود علينا العطش

يمكن خطأنا فى الزمان الطويل

كان من سبيل الرحمه والحنيه

يصعب علينا فى يوم نفارق عيالنا

 

وماجاش فى بالنا

زى العرق‏:‏ الدم يبنى البيوت

يا اللى الشقا من ست آلاف حبنا

اللى يزرع واللى يصنع خير بيعرف ربنا

واللى يعدل فى نصيب اليتيمه يعرف ربنا

واللى بينوّر طريق المدينه يعرف ربنا

واللى يضرب فى قلوب الأعادى يعرف ربنا

سجدت لله الكريم الهادى

 

والمشى طاب لى

والدق على طبلى

 

مسحراتى من جنود الأرض

منقراتى كل دقه بفرض

أطلب غنايا زى أب ضناه

القدس لاحت فى الطريق حاضناه

يا رب علمنى العطش والجوع

 

واجعل لعينى دموع

واجعل لقلبى ضلوع

واجعلنى صوت الشهيد

فى النبض والتنهيد

شريان فلسطينى شجر مزروع

فى الأرض جدر وفى الليالى فروع

يسمعنى خال فى كل بلده وعم

جرح الملاجىء عمره ما يتلم

تفنى الليالى ولا يبور الدم

ولا طيارات الأمريكان تمنع

 

النور من المصنع

ولا كل ريف تحت السما يسمع

 

طير الحمام يسجع

ولا ابن إنسان الأمل يرضع

ولا ليل شجاع يولد نهار أشجع

 

ولابد يوم أرجع

ويمد فى كل العرب حبلى

 

المشى طاب لى

والدق على طبلى

****
"القدس"
_________
اصحى يا نايم  وحّد الدايم
وقول نويت بكره ان حييت
الشهر صايم والفجر قايم
اصحى يا نايم  وحّد الرزاق
رمضان كريم
مســحـراتى يا مؤمنين
مـنـقـراتى مد الأنين
الله على رعشة الحنين
عمره ما كان الأمل ضنين
يا قدس نوارة السنين
كأن عينى فى ميتمى
يا قدس ما يحتمل دمى
الا أشوفك وأرتمى
وأبوس ترابك المريمى
أبوىَ وابنى على فمى
ما اتوهش يا قدس فى المطال
يا عاصره مهجة الرجال
سقاكِ من دمعته الهلال
يا قدس يا سبحة الشقا
الأعمى فى سجدتك رأى
والفجر من صخرتك سقى
يا قدس تتفجر الجراح
والصبر حرب وأيوب صلاح
يا أخت من مكه والبطاح
قلبى انضرب للعرب وصاح
لابد من فتح فى الصباح
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطـرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
لما تقول أجمل ما فى الدنيا، الميه للعطشان
يعرفوك عربى
أما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يا رب
يعرفوك عربى
لما تباشر جهادك، ترمى أوتادك
فى قلب دابح ولادك
يعرفوك عربى
اصـحى يانايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يانايم.. يانايم اصحى
وحّد الرزاق

                              

"قوّة الشهداء" و "القدس" من ديوان المسحراتي - بصوت فؤاد حدّاد

درب البهلوان - بصوت فؤاد حدّاد

حالة كدة -  علي سلامة at حفلة مع وجيه عزيز

الشيخ امام - عن موضوع الفول واللحمة

صوت الونس🎙️ زينب فرحات

قصة سوستة جاكيت..من المجموعة القصية "بس يايوسف" لـ أميرة حسن الدسوقي

Zeinab Farahat

Related tracks