كل اللي هتسمع نصوصهم هنا دكاترة
:D

سجلات وزارة الصحة

فى كل فنجان قهوة بلمح ضحكتك
كل امّا اتوه بيكون دليلى سكتك
إنتى الحياة وانتى الغنا و انتى الكلام
و شربت من نبع المحبة فى صحتك

كفك وطن .. شعرك بحور .. حضنك بلاد
بتبانى فجأة و تختفى من غير ميعاد
فى عينيكى ضحكة مستمرة إبتدت
من ييجى ميت مليون سنة قبل الميلاد

يا وردة طرف لسانها بيدوق الحروف
علّمنى أكتب شعر و ابقى فيلسوف
يا وردة بلدى طالّة من عروة قميص
و سحر عطر غناها بيجمّع ألوف

بتعدّى وسط الزحمة عاملة ديل حصان
شعرك يهيش أقول مافيش فى الكون مكان
غير حضننا .. غير ركننا ساعة الغروب
ساعتها بس بالاقى للدنيا أمان

لــ - أحمد الحجار
ألحان - أحمد حداد

فى كل فنجان قهوة .MP3

يوم الرحيل- محمد منير Cover

شعر وإلقاء _ منى رؤوف
حضن الوداع
كان أدفى من حضن اللقا! 
كان صعب أصدّق إننا بينقصنا روح
رغم إننا 
مع كل لمسة مابينا في إحساس جديد
بس الأكيد
معرفتي بالنشوى اختفت
أول مـ دوقت الحضن معجون البعاد
إحساسه كان مرعوش
من رهبة الفُرقة، 
من ركوب الطيارات، 
من عيشة العزّاب، 
من سحبة الغربة، 
من سحلة الشوق لو يفور
والجو برد على البلاد 
والوِحدة تلج على القلوب اللي ارتضت 
غَزْل المحبة
"وهيت لك" في مواجهة النوّة
في مناوشة الإحباط
شَبْك الكفوف في الشِدة والأزمات 
.. 
حضن الوداع
كان أدفى من حضن اللقا! 
كان صعب أصدق إننا بينقصنا بوح 
رغم إننا
خلّصنا تفاسير الكلام
وعرفنا أوزان الوجع
نَظْم القصايد والوَلَع بحروف جديدة وبوح جديد
عُلّمنا من لغة السكات والطير ودود الأرض 
ما يجعل السرد الشفيف يتجلّى في النظرة 
ما يجعل الحب العفيف ممجون بشقاوتنا 
يكشف خبايا الضمة، رغبات الوليف
يبعد حبيب القلب مجبور الغياب   
الميّة مالحة في الجالون 
والله مش دمع العيون 
اَشرب وكبدي هينهري من البعد 
ادبل وروحي هتغتوي بالزهد
لمِّيتني من خوفي الغشيم
من غير إيديك مـ تمشّي على ضهري 
وتشد من أزري
وتكون سبب يهدي الحياة عسل الخلود 
وتكون صراط يهدينى أول مـ انجرف
علشان انا في البعد عنك باكتشف معنى الضياع
البرد بيعشش في روحى يهزّني
لما تكون مانتش هنا
التوهة شرع البردنين 
فبلاش تسيبني للحجج والزيف 
.. 
حضن الوداع
كان أدفى من حضن اللقا! 
كسّر ضلوعي وساب لي ريحتك في القميص 
خدّرني من صهد العرق 
زلزلني من صدق القلق
والخوف من الساعة 
يارب يقف الوقت على ١٠
لا يزيد دقيقة ولا يقل نصيب  
يفضل حبيب القلب ويّايا
بس الحقيقة اتجردت من كل شيء 
مـ الإنسانية 
ومـ الغزل 
حلّت لغات الصمت في مكان الكلام 
هلّت دموعي زي شبّورة 
مطلوقة فوق الجاي والمجهول
مش عايزة يصهرني الدفا 
ولا شهقة النفس الأخير
مش عايزة غير ونسك دليل 
أحضني وبلاش يتغزل منك قطيفة أو حرير 
أحضني لجل الحضن 
مش لجل الدفا

منى رؤوف _الغربة (حضن معجون بالبعاد)

ماذا جَنَيْت لِكَيْ تَمِلَّ وِصالِي؟
 إِنِّي سَأَلْتُكَ هَلْ تُجِيبُ سُؤالِي
حاوَلْتُ أَنْ أَلْقَى لِهَجَرِكَ حُجَّةً
 فَوَقَعَتْ بَيْنَ حَقِيقَةٍ وَخَيالِي
 كُنْتُ القَرِيب وَكُنْت أَنْتَ مُقَربِي
 يَوْمَ الوِفاقِ وَبَهْجَة الإِقْبالِ
 فَغَدَوْت أَشْبَهَ بِالخَصِيمِ لِخَصْمِهِ
 عَجَباً إِذا لِتُقَلِّبَ الأَحْوالُ
 ياصاحِباً سَكَنَ المَلالُ فُؤادَهُ 
أَسْمِعْت مِنِّي سَيِّءَ الأَقْوالِ؟
لِتَمِيلَ عَنِّي ثُمَّ تَكْرَه رُؤْيَتِي 
وَيَكُونُ حُلْمُكَ أنْ تَرَى إِذْلالِي
أَنا ما طَلَبْتُكَ أَنْ تَعُودَ لِصُحْبَتَي
بَعْدَ القَطِيعَةِ أَوْ تَرَقَّ لِحالِي
فَأَنا بِغَيْرِكَ كامِلٌ مُتَكَمِّلٌ
وَكَذاكَ أَنْتَ عَلَى أَتَمِّ كَمالِ
لا أَنْتِ لِي نَقْصٌ وَلا أَنا سالِبٌ
مِنْكَ الكَمالَ فَعِشْ عَزِيزاً غالِي
وَاِقْطَعْ وِصالكَ ما اِسْتَطَعْتَ وَعِشْ عَلَى
هِجْرِي فَإِنِّي لا أَراك تُبالِي!
هِيَ قِصَّةٌ بُدِئتْ بِحُبٍّ صادِقٍ 
وَتَنَوَّعْت يَوْماً بِكُلِّ جَمال
فَقَضَت ظُرُوف الدَهْرِ أَنْ تَمْضِيَ بِها
وَبِنا لأسوأ مُنْتَهَىً وَمَآلِي
أَنا لَنْ أُجادِلَكَ الوَفاءَ فَما مَضَى
قَدْ يُسْتَحالُ رُجُوعُهُ بِجِدالٍ!
لَوْ أَنَّ فِيكَ مِنْ الوَفاءِ بَقِيَّة
لَذَكَرْتُ أَيّاماً مَضَتْ وَلَيالِي
وَوَهَبْتَنِي أَسَمَّى خِصالكَ مِثْلَما
أَنا قَدْ وَهَبْتُكَ مِنْ جَمِيلِ خِصالِي
كَمْ قُلْتُ إنَّكَ خَيْر مَنْ عاشَرْتهُمْ
فَأَتَيْت أَنْتَ مُخَيِّباً آمالِي

ماذا جنيت لكي تمل وصالي للشاعر عبد الله الفقيري-أداء عمار عبد الستار

النص: عزلة/ نيكيتا جيل
الترجمة: ضي رحمي


عزلة- نيكيتا جيل​.mp3

الخلاص 🕊🤍

نص:رهف نصر
تدقيق لغوي:سارة سرحان
هندسة صوتية وأداء:زينب فرحات
----------------------
حنين 
عن اﻷعضاءِ المبتورة
والبقايا الضامرة
عن قريبٍ صار غريبًا
ولقاءٍ عابرٍ يزدحمُ بكلِّ شيء 
وﻻ شيء
عن غُصةٍ بالحلق 
وكلماتِكَ تخرجُ بغيرِ صوتِك
عن حنينِ الجذورِ لما اجتُثَّ
رغم اندمالِ الجروح
عن حضورٍ باهتٍ ﻻ يُشبع...
وغيابٍ واضحٍ ﻻ يُنسى
عن خَواءٍ ممتلئٍ ﻵخرِهِ
بأشباحٍ ﻻ ترحل


حنين

قصيدة:إسراء مقيدم
أداء وهندسة صوتية:زينب فرحات
******
"سلو الحناجر..الغنا"
برغم ان الأساس في الفعل
 بنوارِب..
 ورغم ان الأساس في الدنيا نتخلّى
 ورغم ان النَفَس في الأصل متربّي
على الأحزان
.. بتلقى سعات
 حناجر سلوها في الحزن تتقارب
وتتصاحب على الكلمة
وتتآلف
برتم الغنوة والأوزان
 
ورغم ان النَفَس يطلع..
لكن بيرُدّ
بتلقى الصوت..
ساعات في الدوشة بيقطّع
وبيتوه في الزحام والبرد
ويتبّقى يادوب ضحكة
لزوم الحيرة والمتاهات
مادام كل الوجع في الأصل
كان طابق
.. وبيطابق
مقاس الحزن جوة القلب ع المقامات
 
فلو كان النَفَس مخنوق
لآخر مرة بيفارق
ومابيرجعش
ولو كان الوتر مدقوق
كـ دقّة روحك المسنودة جوة النعش
ولو كان الغنا بيوجع
عشان صوتك في آخر مرة كان مجروح
فـ كله في النهاية مسيره كان هيروح
وكله في الأساس لو راح
مابيجوزشِ..عليه إلا الغنا في التخت
ولجل ماتكتمل جواك
أغاني الطبطبة في البخت
بتتقسّم على المقامات
وتتصدق بكام غنوة..
 لكل ممات
وتقرا الوِرد ع النوتة
وترزع روحك المنحوتة ع الأسفلت
فتلقى الدنيا جوة "الرَست" مولودة
وتلقى الصبر ويا الحزن في النهاوند
 
كـ رنِّة دقّتك ع العود
لغنوة ف عمرها المية
يبوخ الرتم لو يتعاد
وتبدأ ترتخي الأوتار
كروح كل الحجات الحلوة في الدنيا
بتفقد زهوها بالوقت والتكرار
 
فـ صلّي للحجات علشان
ماتبهتشِ إذا اتعادت
وصلّي للّي جاي انه
مايشبهش لحجات فاتت
ورتّل غنوتك بدري
..وقول الذِكر
وسمّي ع اللي مستنيك
تعيشه..لجل يفضل بِكر
يُقال قلبه سِلِم من خاف
من الجايات
وسافر لامتداد الخوف
وقاس كل الفروق الدايبة في المسافات
فطوبى لكل من ولّى
بقلبه..لاتجاه الشوف
وصلّى ..لارتجال البوصلة جوة الذات
 
عموماً..
لسة برضه الخوف أوانه ماجاش
مازال قلبك كما سبته
ولسة النشوة متبقيّة من جواه
معاك كام غنوة مسئولة
يردّوا الفرْح في غيبته
وفاضل لسة كام أول نَفَس متحاش
فـ طمّن قلبك القلقان..
لحد الآن
فاضللك لسة كام حاجة
يسلّوا القلب في شيبته
فاضلّك لسة كام حاجة
هتبقالك..عشان تتعاش
 
..وانا هفضل
في لحظة وحدتك وياك
أغنيلك
واسجّل جملة الأناشيد
وهدعيلك
بحق الآية والتجويد
:دعاء بيقول
يارب ارحم
ضعيف ان كان
وشيل الصمت من قلبه
وإكسر وحدته في الليل
وتتم غنوته فـ دربه
أمانة تصاحبه ع المواويل
بحق الذكر والتراتيل
وحق الصوت في حناجرنا
وحق الكفّة لما تميل
بحبّة العشم بيننا
لـ ترحم قلب كان أخرس
فقير الوحي والإعجاز
وتسمع ضعف نبض الصوت
في رعشة حِسّه يوم ان عاز
وترضيه بالونس إن تاه
وتِكْفيه كل من ينساه
وتبعتله نَفَس  ويّاه
يغنيله..في كل نشاز


سلو الحناجر..الغنا

"حدوتة شباك سارة"
***********************
نص:رهف نصر
هندسة صوتية وأداء:زينب فرحات
____________________________

حكاياتى دايما بتبدأ بهو أو هى.. دايما من غير أسامى ولا ملامح.. بس 
النهاردة هى سارة.. و علشان عيونها زى شباكها شبابيك على الفرحة.. مينفعش تكون غير سارة..
شباك سارة اشهر شباك فى شارعنا.. شباك عمر الزينات الورق ما فارقته.. ولاد وبنات ماسكين فى ايد بعض، فراشات وعصافير من ورق بكل الالوان.. والأهم فى زينات سارة أنها مش مجرد ورق.. سارة بتكتب على كل زينة بتعلقها جواب.. جواب لكل حد وكل حاجة بتعدى عليها.. جواب للعجوز اللى كان مكشر فى الشارع تطبطب عليه.. وجواب للطفل فى الأتوبيس تشكره على جمال ضحكته.. جواب تعتذر للقطة اللى خضتها غصب عنها لما فتحت الباب الصبح.. وجواب حتى للهوا تقوله أنها مسامحاه علشان بيتصنت على وشوشة زيناتها..
ولاد الشارع كلهم كانت عيونهم مبتفارقش شباك سارة.. إلا يحيى.. كان بيتعمد يحط وشه فى الأرض كأنه مش شايف أى حاجة.. بس ده بالنهار وبس.. أما بالليل فيحيى كان الوحيد اللى عيونه بتتعلق بشباك سارة.. يحيى كان بييجى لوحده ويجمع الزينات اللى وقعت ويقراها.. هو الوحيد اللى اكتشف انها جوابات.. وعلى عكس اسمه يحيى كان دايما محتاج سبب علشان يحيا ويقدر يعيش.. والسبب دايما كان بيلاقيه فى جوابات سارة.. وعلشان كدة لما مامة سارة اتوفت وبطلت هى تعلق الزينات.. ورغم زعل كل الولاد إلا أن يحيى بس اللى خبط على بابها واداها صندوق مليان بجواباتها.. قالها انه كان بيعتبرها رسايل من مامته  الله يرحمها ،كل ما توحشه أوى.. قالها أنه عارف إنه صغير بس لو اعتبرته صاحبها هيكتبلها كل يوم جواب لحد ما تقدر ترجع تكتب ليهم هم الاتنين..

#حدوتة
#شباك_سارة


حدوتة شباك سارة

قلْبي يُحدّثُني بأنّكَ مُتلِفي، روحي فداكَ عرفتَ أمْ لمْ تعرفِ
ما لي سِوى روحي، وباذِلُ نفسِهِ، في حبِّ منْ يهواهُ ليسَ بمسرفِ
فَلَئنْ رَضيتَ بها، فقد أسْعَفْتَني؛ يا خيبة َ المسعى إذا لمْ تسعفِ

يا أهلَ ودِّي أنتمُ أملي ومنْ ناداكُمُ يا أهْلَ وُدّي قد كُفي
عُودوا لَما كُنتمْ عليهِ منَ الوَفا، كرماً فإنِّي ذلكَ الخلُّ الوفي
وحياتكمْ وحياتكمْ قسماً وفي عُمري، بغيرِ حياتِكُمْ، لم أحْلِفِ

ولقد أقولُ لِمن تَحَرّشَ بالهَوَى : عرَّضتَ نفسكَ للبلا فاستهدفِ
أنتَ القتيلُ بأيِّ منْ أحببتهُ فاخترْ لنفسكَ في الهوى منْ تصطفي
دعْ عنكَ تعنيفي وذقْ طعمَ الهوى فإذا عشقتَ فبعدَ ذلكَ عنِّفِ

قلبي يحدثني بأنك متلفي - ديوان ابن الفارض

نص: مي مهنا
هندسة صوتية وأداء:زينب فرحات
https://goo.gl/ucOv2E
الأغنية: لما تشتي .. لطارق الناصر وفرقة رم
----------------------------------------
"شتا ما بيجمعش حبايب"
الشتا بيقرب يامحمود ...
وزي كل شتا عدي من غيرك ماحيلتيش م الدفا غير كوفيتك الصوف اللي إديتهالي بعد ما مضيت عليها بحضنك
الشتا اللي سلم علينا ومشي آخر ليله قعدنا ع الكورنيش راح ومارجعش ... بقي بييجي شتا تاني ... شتا مابيجمعش حبايب ولا بيمطر لقا ولا بيطرح فرح
البرد كل سنه بيكسر ضلع من ضلوعي ..  الغريب إن قلبي لقاها فرصه علشان يتمدد ويساع حبك وغيابك سوا
والمطر مبقاش بيلاقي في عنيا كحل علشان يشيله ولا بيلاقي علي خدودي مكان ماغرقش بكا يستريح فيه
من 4 سنين الشتا خلاك تهتم .. وخلاني أصدق
فماتستغربش إني مش قادره أسامحه و بدعي ربنا ماموتش فيه
ومن ساعتها الشمس خاصمت كل شبابيكي المفتوحه علي برد يناير وإستجمعت قوتها علشان تكويني في أغسطس وتسيبلي علامات تتشابه معاك في تاريخ ميلادك  ... فماتستغربش إني بشوفك كل ماببص ف مرايه.

شتا ما بيجمعش حبايب

"قطة سوداء لم تعرف الحب مطلقًا من قبل"
*****************************************
نص: ياسمين مدكور
https://goo.gl/akUexH
هندسة صوتية ,وأداء:زينب فرحات
https://goo.gl/ucOv2E
--------------------------------------------------
العزيز الغالي:

كنت أتمنى أن أهديك إحدى رسائلي، لكني قررت أن أحكي لك حكاية.

تبدأ القصة بقطة سوداء تعبر الشارع، يلاحقها دومًا الحظ السيء دون إرادة منها، ورغم ذلك تستطيع ببراعة أن تنجو من العربات السريعة في كل مرة تعبر فيها الشارع العريض.


منذ شهرين، كانت تسير القطة بقدم مكسور، ترفعه عن الأرض كي لا تتألم.

منذ عام و بين أربعة، كانت لي قدم مكسور، وكرامة محطمة، وحبيب لم يكن أهلًا للثقة، وعين مغلقة، قام باغتصابي في أكثر الأوقات ضعفًا، وحين بكيت، كان يكرر عليّ مرارًا أن الجنس وسيلة للمصالحة، وأنني بالطبع يجب أن أشعر بالرضا بدلًا من البكاء بعد التصريح بأنني “ماجتش عشان كده”

منذ عام وشهر، كانت لي صديقة تركت الحياة على حافة حبل مربوط. وحين ظننته أتى لنبكيها سويًا، كان يدفع بجسدي للأسفل كي أقبّل حذاءه قبل أن يأكلني للمرة الأخيرة، قبل أن أرى خيانتي رغم كل ما دفعته من حياتي، ومالي، وجسدي، وعمري من أجل كلمة رضا أو شعور بأنني دون نقص.

منذ يوم تعثرت في كلمات له في مكان ما، تمتمت في قلبي بعد الغضب، الحمد لله أن ماريه كما أراد أو مريم كما أردت، لن يكون لها أب قد اغتصب أمها، أهانها ثم اتهمها بالجنون. أنها لن يكون لها أب حين تُغلق أمامه السبل في تبرير الخيانة، سيحاول إقناع أمها أن جنيّة تحبه، وشفقة منها ستصدق أنه لا يكذب. 
***
رأيت القطة منذ شهر بالكاد تلامس الأرض، ولم تعبر الشارع إلا في أمان إشارة حمراء.

منذ ستة أشهر كنت أحبس دمعي أمام الحكاية، أحاول ألا أحكي النصف الآخر، حيث جلست أنتْ، في صف منتصف تستمع إلى تفاصيل لم أحكها بعد. لم أكن أعلم أن علي الجهة المقابلة من حكايتي يجلس من سيشاركني كل شيء، من لن أخجل معه من بكائي ولن يمنعني من أن أغضب، من سيقف إلى جواري وأهديه من كل شيء دون أن أشعر باضطرار أو خوف.

***
اليوم كانت تسير القطة على القدم المكسور بضع خطوات وترفعه بضع خطوات.

برغم كل قلق ينتابني وكل ذكرى سيئة يمكن أن تعكر صفو لحظة بيننا، وكل صمت لا أستطيع شرح ما وراؤه، أؤمن أن الأمر كله مسألة وقت، وأنك معي ب"كل الحب اللي في الدنيا" وكل اطمئنان تمنحه لي، يعرّفني كم أنني بالفعل لم أتلق الحب حقيقة مطلقًا من قبل.

***

لي قلب مُثقل فارفعه معي كي لا تسحقه سيارة سريعة دون قصد أو يركله أحد الأصدقاء دون أن يلتفت.

أنا الآن اتكيء على الأمان الذي تمنحه لي قبل الحب، والحرية قبل التفاهم، وكل شيء تمنيت أن أجده في أب لأولادي ورفيق عمري، قبل أن نشاهد عرضًا عن ختان الإناث أو نجلس في المطعم الصيني الذي لا يزوره أحد.

أعرف أن القطط ليست مفضلة لديك تمامًا، وأنني قررت كسلًا مني وانشغالًا عنها أن أستبدلها بنبات في بيتنا الجديد، لكنني أهديك اليوم قطة سوداء تستطيع عبور الشارع العريض دون خوف، ولم يعد حظها سيئًا بعد الآن، ولم تعد وحدها بعد الآن. والأهم أنها يمكنها أن تحكي قصة القدم المكسور والقلب المكسور دون خجل أو خوف أو أي شعور بالعار، وهي تعرف تمامًا أنكما فريقًا واحدًا وأنك دومًا على الجهة التي تقف بها دون شروط وقبل فهم، وب"كل الحب اللي في الدنيا
http://this-rope-is-long.tumblr.com/

قطة سوداء لم تعرف الحب مطلقًا من قبل

نص:دعاء سلطان
هندسة صوتية و أداء:زينب فرحات
****************************
حاجات مش شبه بعضها
- "في الانتظار، يُصيبُني هوس برصد الاحتمالات الكثيرة"
درويش مكنش يقصد انك يصيبك هوس بفتح الفيس كل ما شاشة الموبايل تضلم لوحدها..
- فيه تعبيرات بتبقى اكبر من قدرتي على الفهم.. "مواجهة" .. "بيقاوم" .. "سنتين" وشوية حاجات تانية
- الشات العادي الطبيعي بتاع ازيكم عاملين ايه اللي انا مبقتش ببعته لحد وساعات مبردش لما حد يبعتهولي بقى صعب اوي بالنسبالي ومجهد جدا وبيسحب الطاقة جدا.. ومن غير سبب محدد وناس كتير انا عايزة اكلمهم واسال عليهم واقابلهم حتى ومبقتش بعمل ده علشان كده بس
- طول الوقت انت الحاجة الوحيدة الحلوة اللي بتعدي اي حاجة وحشة.. والحاجات الوحشة على طول كتير.. تخيل بقى لو انت مش موجود كليا ايه اللي بيحصل ف لحظة
- السيلف ستيم طلع متقسم حتت كتير اوي.. يعني ممكن يبقى عندك سيلف ستيم عالي ف الشغل.. ومتوسط في علاقتك بأهلك.. وقليل ف علاقاتك الإنسانية.. وقليل اوووي ف شخصيتك.. عادي بتحصل يعني
- انت منستش حاجات كتير.. انت بتحط اللي مش عايز تفتكره في جنب مبتروحلوش كتير بس
- الخط العربي حلو وبيفرح لما بيطلع شكله حلو
- الشغل دوامة لا تنتهي وانا تايهة فيها من زمان ومش عارفة استقر.. ومش عارفة ارتاح
- الهشاشة بقيت اكتر من اللازم.. بتزيد للأسف رغم الطمأنينة والله..هي غالبا بتزيد كل ما اللي في ايدك ما يبقى أغلى...
- الكلام مفيد وحلو ومعبر وبيطبطب وبيحضن وبيداوي.. وممكن يعمل العكس تماما.. اه والله
ليه الحياة متبقاش بسيطة لدرجة انك لو بتحب حد متعملش حاجة تزعله ولا هو يعمل حاجة تزعلك وتبقى الحياة سهلة كده؟ علشان للاسف هي متنفعش تبقى سهلة ولا بالبساطة دي 



حاجات مش شبه بعضها

أصل الحكاية، سِمِعت دور يعَجِّبكّم
حادثة تِبَكّى سَليم القلب، يعجبكم؟
وراح فيها ولد فَنّ، صيتُه رَنّ، يعجبكم
من الصعيد للبحيرة ألِّفوا موّال، 
علشان جدع مات فى الغربه، مالوش موّال
وع الأواخر، أنا راخر هقول موّال
عسى يكون عال، والموّال يعجبكم
..
أصل القضية، بُنية، حلوة ونعيمه
وأهلها أغنيا بالمال، ونعيــــمه
لكين الهوى، لو هوى، فى بحرُه ونعيمُه
الحب، خلى الغزالة، إتعلّقت بالنِمس
وسابت بَلَدها، وراحت له بنوالنِمس
إوعى تلوم المَبالي تِبتلى باللَّمس
إسمع رواية، لحسن النِمس ونعيمه
حسن المُغنِّى، كان يغنّى فنّ وليالى 
ويندَعى بالطلب، ل أفراح وليالى 
ودَعوُه فى ليله، وكانت حظ وليالى 
"فى منشية أبو حنضل، أوَل قسم المنيا،
مركز بنى مزار، تَبَع وجوار المِنيا"
راح الجدع، راح وقصده يبلُغ المُنيا 
والخَلق دُنيا، تقول يا عينى يا ليالى
.. 

غنى الكروان، وألحان النغم شبابيك
طِلعوا البنات فى العلالي، وفَتَّحوا الشبابيك
قالت نعيمه: غرامي يا حسن شَبَا بيك
بعتت له منديل، وأسباب الغرام منديل
والحب لاجله اتصل، واللي حصل منديل
إوعى تلوم المبالي، تتوه ما تِندَل، تتوه منديل!
وفى قُولتُه يا ليل، سِنَّار الغرام شَبَا بيك
لما إنتهى الفرح، قام الغريب روّح، والخلق نامت 
ونوم العاشقين روّح، والقَعده حِليِت، ونسيم الصباح روّح 
ونعيمه، سهرا الليالى جفنها ما اتلمّ
جرح المُحِبَّه، عِجِز عنّه الطبيب ما اتلمّ 
إوعى تلوم المبالي، يا خلق واتلمّ 
دا الحب بالدمّ، مش بالمال، قوم روّح
الحب، خلّى نعيمه، فِكرها مشغول، وسابت بَلَدها 
وأبوها م اللى صار مشغول، 
م الفِكر والعار، وكلام البلد، مشغول
غابت نعيمه، ليها مُدّه سَبَعة ايام 
بتشوف حبيبها الوحيد، أين بلد أيام 
راحت له بلده، وقالت له، فايته أبوي وِيَّام
والعرض متصان، وإنت يا حسن مش غول
قال يا تلميت مرحبا ،لما اتيت يا جميل
من جوه عيني ولا يمكن أحد يجميل
وقال لأمه، اكرميها غاية الكرم وجميل
رحنا حداهم لقيناهم كرام وهنا
بنت الاكابر مشافتش تعب وهنا 
والعرض غالي، ومين صانه يعيش فى هنا
وما دام أتت عندنا، يبقى الجَميل له جِميل
.. 
طلعوا الأهالى.. 
الأهل طلعوا وراها يشوفوا فين جُرِّتها 
لا تكون عجوزة من الأوطان جَرِّتها 
لِقيوها فى نِعمه، وأم السَبع جَريتها 
جابوا طبيب البلد، م النور والعَرض 
وأبوها بيقول، مش قادر على العار دِه
حُرَّه سَليمه، حُرَّه سَليمه؟!
سَليمه بِكر م العار دِه؟!
الخَد وردى، ولون البَدر قوريتها
خدوا البُنيّه بلدهم، والكلام بَطَّل 
حُرَّه سَليمه، حماها الله من البَطَّال 
واللى راحت له جدع، بين الرجال بَطَل 
سَبَع ليالى جاعلها أخته وطنيبه 
والأهل شاكرين فى أهل السبع وطنيبه
عايزين يداروا الإشاعة يوم وطنيبه
لكين المُصيبة، كلام الخلق ما يبَطَّل 
..
جالها ولد عمها وقالها، مش عيب!
وأنا خطيبك وأهلك فى البلد، مش عيب!
وصرفت مالي عليكى، تُهجري، مش عيب!
قالت، يا اخويا العيون تنظر لمين تهواه
الحب خلى زليخة للصديق تِهواه
وأنا مش حجر صَمّ، ولا من حديد تِهواه
باحبه لله، ومين قصد الحلال مش عيب
قال، يا نعيمه اصبرى، بُكرا حسن تشوفيه 
وإذا كان معاكى مرض، وألا ألم تِشفيه 
شَمّتى فينا العِدا، وكلام البلد تشوفيه 
بُكرا أجيب لِك حبيبِك اللى عاتلا هَمُّه 
وأطفّى نارِك وأفكار الفُراق يَمُّه
وأقطع رقبتُه بإيدى والسلاح يَمُّه
وأخلِّى دمُّه بيجرى، وبالنظر تشوفيه 
..
خَد ابن عَمُّه، أوان الفجر والحيله 
لبنى مزار، والمَكَّار له حيله 
فى مولد أبو الليل، كان سهر الجميل حيله 
سألوا القهاوى، مافيش مغنى تسلّينا؟ 
قالولهم، حسن سهران حَدا الدرديرى مع أبو سلينا 
راحم لـ عنده، حَكَم وعده مع سلينا 
لاجل المقدّر عليه، إنطبّت الحيله 
قالوا له، قوم يا حسن، الموعد الليله 
والفرح زاهى وباهى كقمر ليلَه 
قام معاهم، ولا يعلم، منين ليلُه 
وصلُم لحد البلد، قالُم لصاحب الغاب.. 
من غير مطرود، ماعيزينِش لا عود ولا غاب 
عاوزين حسن بس، نِتحَدّت عن اللى غاب 


سيد رجب يلقي حكاية "حسن ونعيمة"

جوابات حراجي القط - الجواب الأخير - الابنودي

صوت الونس🎙️ زينب فرحات

حاجات مش شبه بعضها

Zeinab Farahat

Recent comments

Mohamed Mahmoud

Karem Alaa

Mahmoud ELmorshedi

Hendoudy Jones

Related tracks