قصيدة:بسنت عبداللاه
دندنة وهندسة صوت:زينب فرحات..صوت الونس
__________________________________
الشوق بينخر في القليب
__________________
عاجز أنا وكفوفي مافيهاش كف
الشوق بينخر في القليب ما كف
يبكي ويرقص إذ لا ناي لا دف
عيني اللي شهدت نظرتي في عينه
ما دريتش ايه مكتوب على جبينه
دمعه بينحت خدنا ما جف
عاجز أنا وكفوفي مافيهاش كف
الشوق بينخر في القليب ما جف
***
مكتوب نصيبي بين خطوط إيدك
من غير ما تعشقني ولا أريدك
إذ لا مساس متعلقة بجيدك
مرضانة روحي بيك
وبيك هتخف
عاجز أنا وكفوفي مافيهاش كف
الشوق بينخر في القليب ما كف
***
مكسورة عيني في كفك المكسور
رايداك لا جني لا أنا من الحور
طول ما أنت قايد
قلبي مش مهجور
دمعك دمايا أهلك إذا  يذرف
عاجز أنا وكفوفي مافيهاش كف
الشوق بينخر في القليب ما كف



أغنية الشوق بينخر في القليب

إهداء لروح الجميلة "صفاء عبد العال" اللي ما اتكتبلناش نتقابل، لكن كتابتها و روحها الصافية لمست قلبي
لعل صوتي يا صفاء يكون سبب يديم سيرتك الحلوة، ويخلي القلوب الطيبة تفتكرك دايما وتدعيلك
_____________________________________
"أحلام قدمت عليك"
نص من كتاب " حاجات مش حزينة أوي " للشاعرة الفقيدة صفاء عبدالعال رحمها الله

"أحلام قدمت عليك ..من ديوان "حاجات مش حزينة قوي

مزيج تواشيح رمضان

مزيج  ذكرى نصر الـ 10 من رمضان

مزيج ذكريات رمضان في التلفزيون المصري

مزيج أول يوم العيد

كل سنة وكل واحد مالوش حد يقوله "كل سنة وانت طيب" طيب , كل سنة وكل واحد بعيد عن أهله او حبايبه طيب، الدكاترة في النباطشيات , المغتربين في بلاد الله , المحبوسين بره في ذكريات الماضي او قبح الواقع ... اللي مفتقد أمه تقوله كل سنة وانت طيب , و اللي مفتقده ابوها يعيد عليها , اللي مفتقده جوزها , او خطيبها .. و اللي مفتقد مكالمة ليلة العيد مع حبيبته. كل اللي ناقصهم "معايده" , كل اللي اعتادوا على شيء بيحصل كل سنة في مثل هذا الوقت واصبح مابيحصلش .
"هذه لكم" كل سنة وانتم طيبين , نفر نفر , اسم اسم , اينما كنتم .. في دفئ البيت او ضجيج الشوارع ، أو سكون الغياب ، أينما كنتم يصيبكم حب .... أينما كنتم ، تصيبكم "تلك" ! ❤️
____________________________________
نص: هند إسماعيل
هندسة صوتية وآداء: زينب فرحات


رسالة لكل من ناقصه معايدة حبايبه

في ذكرى د.أحمد خالد توفيق

مقطع بصوتي من "سروم" دراما إذاعية لقناة بارانورمال

نص:أحمد حماد
هندسة صوتية وآداء: زينب فرحات..صوت الونس
__________________________________________
أي حد بيسعى لتخريب حياة شخص آخر فهو من المفسدين في الأرض ، حتي لو صلى الخمس فروض وصام..؟
أي حد بيوسوس لحد عشان يخرب ما بينه وما بين شخص بيحبه ، أو حلم بيحلمه ، فهو شيطان ولو كان بيستعيذ منه كل لحظة..؟
أي حد بيدفع حد لخناقة ، أو مشكلة ، أو يقوله روح خد حقك بالظلم والجور ، فهو من الظالمين دنيا وآخرة..؟
أي حد بيمشي يتفاخر بإنه بيعرف يوجع بالكلام ، أو يهين باللفظ والفعل ، أو بيخلي اللي قدامه يعيط ، ده شخص عديم الإنسانية والرحمة والتربيه..؟
قبل ما تفكر تأذي أو تساعد في الأذى ، فكر كويس في إن كل ده بيترد بالمللي ، وكونه يترد في الدنيا فده أحسن سيناريو ممكن ، لأنه في الآخرة لا بيبقى فيه مسامحة ولا غفران .. كلنا هنقف علي جسر بين الجنه والنار الجسر ده اسمه " القنطره " يقال أنه كالصراط والميزان ، ف كلنا هنقف علي الجسر ده يوم القيامة وكله هيتحاسب وهيسدد الفاتوره اللي عليه بالكامل ، ويقتص المظلوم من الظالم..


و عند الله تجتمع الخصوم

صوت الونس🎙️ زينب فرحات

This track is not available anymore.

Other tracks from Zeinab Farahat