وبكلمة ليه وعشان ايه سالت ...

صلاح جاهين

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

رباعيات صلاح جاهين بصوت سيد مكاوى

شـربـت انـتـقـامـاً شـربـت شـربـــت
وأنــا بـلـعــن الـمـفـتـرى والـغـبـى
وحـبـة بـحـبـة عـن الـوعـى غـبـــت
ونـمـت عـلـى الـنـيـل فـى ضـى أبــى
وقـمـت بـكـيـت مـن فـؤاد أم ثـكـلـى
ونـهـنـهـت فـوق صـدر مـصـر العـريض
عـلـى الـعـالـم المـبـدوريـن جـنـبي قتلى
وكـان دمـعـى يـنـصـب فـى النـيل يفيض
واقـول لـيـه يــا مـصـر ولادك كــــده
يـــا إمـــا الـمـذلـه يـايـتـجـبــروا
يــا خــوفـــى يـا فـرحـة قـلوب العدا
ويـا نـدمـى لـــو مــا يـتـغـيـــروا

شربت إنتقاماً -  سعيد صالح

سيد مكاوى الليلة الكبيرة . تسجيل نادر .

غناء : الشيخ زين محمود وابنه ربيع


أنا ابتليت بالغراام قام الفكر تاه مني 
على طير عشقته سليت معاه أقرب الناس تاه مني
حلفت أروحله داره مادام الكل تاه مني
ياما قعدنا سوا والعزول ممنوع 
وكنا نشرب الخمر في غزير الليل وكل العالم ممنوع
مالهم علينا الخلايق كدا , الكلام ممنوع
ياخلق ليه ليه ليه ممنوع علينا الهوا
وأقرب الناس تاه مني

____________________


أنا بوحد اللي خلق الناس
خلق مسلمين ونصارى
وناس نامت على فرش وناس
ناس عالمعايش حيارى
أصلي وأسلم على النبي الزين 
مدحت النبي العضم بطل صلايه
قال النبي يا بلال يالزين
يا أبو بكر قيم الصلايا
فَرطت قِلعي ماجانيش ريح
وعاودت عالبر ناوي
وياما ناس زينا مجاريح
لكن صابرة عالبلاوي 
دنيا علينا تربت
انظر بعينك راعيها 
شوف العنز لما تربت
مانطحت الا راعيها 
عيني آه ياعيني على آه
عيني آه يا عيني على آه 
ياما آه ياعيني على آه
مانطحت الا راعيها 


ياللي بتنده عايز مين ؟
خولي الجنينة عبّى تاني
معايا جرح من مدة وسنين
من لؤم العزول عبّى تاني 

في سوء في جسمي شاغلني 
وفيه زي مانت طالب
وناس تبكي وناس تغني 
مغلوب يضحك لغالب
ما حد اتغلب كيف غلبي
وغلبك في جوفي هراني 
ما جابوا المحاوير صلبي
تقدم خصيمي وكواني
جاني طبيبي مع العصر 
وف ايده ماسك عصاية
أصل طبيبي قليل أصل
من خصمي جابلي الوصاية 
تاريها الدراهم بتنفع 
بتجيب مل ويا غنيمة
والصاحب اللي ماينفع
البعد عنه غنيمة 

سكت الهوى والناموس طار
والسبع طاطا بعينه
خليه دا النوم أستار
لما الهلف ياخد يومينه
خشب المراكب من السَنط
في البحر ياخد مهاجه
واجب ع الحر يتبع الصمت
لَمّا الندل ياخد مهاجه
زمانك زمان الكلوبات
لمض الصفيح بطلوها 
شوف الفُرّخ اللي بلا أبّات
م اليوم بتحلف بأبوها
زمانك زمان الكلوبات 
والقطر على السكة ماشي
أنا اليوم شوفت ولاد العذابات
في الضلة فاردة الشماشي
اوعى تقول للندل ياعم 
ولو كان على السرج راكب
ولاحد خالي من الهم 
حتى قلوع المراكب 
آه ياعين ياعيني ياعيني آه
حتى قلوع المراكب


_____________________


قد خاب عبد لايصلي على النبي
نبي عربي مالي شفيع سواه
نبي الهدى لولاه مانعرف الهدى
قطع العدى طه بحد قناه
يا ليل ياعين 
ياليل ياعين 
يا عين ياليل على أه
أشكو لمن رفع السماء بلا عمد
الهي تعالى مقتدر في علاه 
على ماجرالي يا ويح قلبي لما جرى
صابر على حكم الكريم مولاي
ياليل يا ليل ياليل يا عين
ياليل يا ليل ياليل عين 
ياليل ياعين على آه
أستغفر الله العظيم من الخطأ 
الهي تعالى واحد لا سواه
فلما فرغ الزناتي من الأشعار
وسمعت عموم الاكابر نظامه
قال اللي يبيع العمر مش عار
انما على شئ يحفظ مقامه
أنا الزناتي أنا جبل المحاميل
زعيم الغروب والرجال يعرفوني 
وعمري عن الحدود أنا ما هميل
وللمرجلة قدموني
ولازم انزل الحرب بكرة
طبول البلاوي حزينة
ولا أخلي ولا بنت بِكرى 
الا اما تشلي حزينة
 اه ياعين يا عين يا عين اه
اه ياعين يا عين يا عين اه 
الا اما تِشلي حزينة

أنا الزناتي أسد الغروب
هاتوا الرجال الهلايل
و حامت النسر و غَروب
وهصَّبح الحمل مايل
وبكرة لهيدور حربي
بني هلال شعطت نياهم 
يا يرحلوا من غربي
يا بالسيف أقطع رجاهم 
وضربت طبول الميدان
وركبت ولاد الأمارة
ماقال الفتى يظهر يبان
حلت شعورها العذارى 
وركبت عرايب بني حِنيَر
متقلدة بالقضايب
وطير النيا فوق حِنيَر
قادت نيران اللهايب
والولد جابته الخدادي
طلعت ولاد الامارة
خرجوا خلف الامير
فاتحين باب الخسارة
قدامهم طوح السيف
وقال البلاد دي بلادي
بقي صاحب الصبر والسيف
دموع تنزل بلادي
خليفة هز المُبتر
 اتخبَّلَت العَمايم
صرخ و قال الله اكبر
دموع تنزل علالي
دخل النجوع الامير
قال نوم الليالي معاديني
زعل الزعيم الكبير
أين المقاتل ياجيني
قال الملك أبو علي
والكل سامعين
جيوش العدى ملت الاراضي
هيا اسحبوا قرعة المقاتلين
شوف تاجي على مين ياقاضي
سحبوا القرعة والكل حاضرين 
انا بليت وجسمي دوا به
قال قرعة الحرب جت على مين
قالو جت على ابو دوابة
عامر الخفاجي بن ضرغام
راجل معلم وراسي
ما يهجم على الحرب غير
بيدرغم زعيم وادى العراك
اه ياعين يا عين يا عين اه ياعين يا عين يا عين... زعيم وادى العراك
قال البطل الأسمر اللون 
راجل ظريف المعانى 
الأسمر أبو عقل موزون
"ياقاضى عيد القرعة تانى 
القرعة ديّا مانفذاااش 
أنا سكران من غير كيفى 
يا قاضى القرعة ديّا مالازمااش 
إزاى ينزل الحرب ضيفى؟؟ 
عامر حدانا راجل ضيف 
أشيله فى ننى عيونى 
راجل و له أصل نضيف 
هيّا يا عرب اسمعونى
وقف عامر على القدادى 
و قاله يا ابن الشريفة
كلامك يابو ريّا ده زين
يابو العروق النضيفة
إن منعتنى من حروبك
كلمة يا عرب اسمعوها 
وقت ما حسبتوا الفدوّة 
قاللى القرعة ديّا اسقطوها
أنا معاكوا عالخير و الشر 
و زميل فى كل حاجة  
يا بو سمرة يا صاحب الشور 
لا نقص و لا زيادة 
إن منعتنى من حروبك 
هرجع عالعراق تانى 
آخر كلمة فين كليمك 
يا أسمر يا ظريف المعانى
قال الملك ابن سرحان 
راجل عنده من الفهم ياما 
على حسّه الكل سرحان 
قال اعطيله قرعته يا سلامة
أيدوله العرب و تمّت 
اخدها و صلى ركعتان 
و الخلق جملة اتلمّت
راجل ظريف المعانى 
صلى الفتى ركعتان 
و سرج على الركوبة 
على إيده قام هزّ سيفين 
فارس فى ننى عجوبة
 وطلع توكل على الله
و وراه ولاد الزرابي
وكل الاغراض تابعة
على الخصم قلبه 
دفع الفرس فى الميدان 
ورفعله راية كحيلة 
فجانى الفتى يظهر يبان 
راه الزناتى خليفة ..
لما نصلى على النبى








زين محمود  - مربعات ابن عروس , السيرة الهلالية - حفلة الجيزويت

ياعزيز عيني وأنا بدي أروح بلدي 
بلدي يا بلدي والسلطة خدت ولدي 
ياعزيز عيني وأنا بدي أروح بلدي

يا عزيز عيني - سيد درويش

مكتبة تلاوات الشيخ صابر عبدالحكم

107 سورة الماعون من الختمة التعليمية بقراءة الإمام عاصم براوييه شعبة وحفص للقارئ صابر عبد الحكم (128kbit_AAC)

على اسم مصر _ صلاح جاهين - الجزء الثانى Ala Esm Misr _ part two

استمرارا مع جلسة الشيخ سيّد مكاوي الخاصّة عام 1986 تقريبا   - الأغنية غنّاها محمود عبد العزيز أيضا في فيلم الكيت كات
هذه التسجيلات ترفع لأول مرة من خلال هذه القناة
باقي تسجيلات الجلسة هنا: https://soundcloud.com/aesamk/sets/sayyed-makkawy

يا صهبجيّة (عُود) | سيّد مكّاوي - جلسة خاصّة 1986

تتر مسلسل حديث الصباح والمساء yasmina

رباعيات صلاح جاهين -سيد مكاوي

مربعات ابن عروس - خضرة محمد خضر

عمار الشريعي & احمد فؤاد نجم - عمار يا اسكندرية

رباعيات صلاح جاهين - علي الحجار

1- أغنية ورق الفل _ مهداه من الفنان سيد مكاوي إلي الفنان محمود عبد العزيز

2- أغنية الصهبجية _ تأليف صلاح جاهين , تلحين سيد مكاوي

3- أغنية يلا بينا _ تأليف سيد حجاب , تلحين إبراهيم رجب



الكيت كات فيلم روائي مصري كتبه وأخرجه داود عبد السيد عام 1991، من وحي رواية "مالك الحزين" للروائي إبراهيم أصلان. وهو من بطولة محمود عبد العزيز، أمينة رزق، شريف منير، عايدة رياض، نجاح الموجي.

رباعيات صلاح جاهين بصوت سيد مكاوى

Zeinab Sakr 1

Recent comments

Nirmeen Amir

sara elmoghazi

احمد الاسمر

Abdallah Ragab

Related tracks