يفدي وادي النيل بحياته😍😍🥹🥹


    كلمات: حسين السيد
    ألحان: محمد فوزى
    غناء: محمد فوزى

1955

ذهب الليل طلع الفجر والعصفور صوصو

شاف القطة قالها بسبس قالتله نونو نونو

ماما قالتله سيب القطة خليها فى حالها

فات مدرسته ورمى كراسته وراح جر شكلها

راحت القطة مخربشة ايده وادى جزاة اللى

مايسمعش كلمة ماما تقولها

ذهب الليل طلع الفجر والعصفور صوصو

شاف القطة قالها بسبس قالتله نونو نونو

ابله قالتلى فيفى الحلوة زعلت من سوسو

راح يصالحها وباسها وهى حلفت ماتبوسه

جابت الحبر و عاصت ايديها وجات بشويش جمبه

مسحت ايدها فى وشه وعملت قال ايه بتلاعبه

سوسو ضربها ومسك الحبر اللى فى ايدها

وقلبه على فستانها وشافهم بابا وضربها وضربه

ذهب الليل طلع الفجر والعصفور صوصو

شاف القطة قالها بسبس قالتله نونو نونو

ندرر عليا اجيلكم واولع شمعة من شمعة

لحد الشبر ونص مايكبر ويروح الجامعة

ميمى دكتور وسعاد دكتورة وبكرة ندعيلكم

وصالح يبقى محامى وتوتو قاضي يصالحكم

وعصام بكرة هيبقى ظابط ويدافع عنكم

يفدى وادى النيل بحياته وحياته منكم

ذهب الليل طلع الفجر والعصفور صوصو

شاف القطة قالها بسبس قالتله نونو نونو

Comments

NoRa Zakaria

Maryan Mamdooh

Abo Sief

Zeinab Ahmed

Zeinab Ahmed

Zeinab Ahmed

ahmed arafa

Noha

Jomana Mohamed