اللله يسعدك دايماا ياااارب 🤲🏻❤❤❤❤

بودعكم ف هذا النص عشان يمكن اموت قبل مااكتب اي نص جديد.

انا عماله أقول وأعيد بأني لوحدي ف الدنيا .")

واني عشت عشريني ما انا مش عاوزه سوا حضنه💔

ايي القمر دا بجد عظمه😢🖤

ماشاء الله .. روعه احساسك🌹

بودعكم
وانا معكم
وبطلب تسمعوا شوية
انا طول عمري بسمعكم
بقلب يجوز يزعلكم لكن عمره مايخدعكم
بودعكم
واودع كل ما بينا 
وكافه ما رأت عيني
فمن كان منكم ضدي
وعاش معاديني وآذيني
فمتمناش يودعني ولا ببكاه يصدعكم
ومن كان له في قلبي نصيب
فهذا حبيب وحاوطوا دعاءه باسماعكم
وأما بعد
فهذا ما رأيت اليوم
في ساعه نوم صحيت منها بعين اوسع وبال مرتاح
انا هخرج من المشهد بنفس دخولي وانا عريان
واكبر حلم حققته
مروري ف الغابات انسان
لا ايدي كسرت شباك
ولا رجلي في يوم خطت ع جثه
دخلت المدرسه الدنيا واخدت نصيبي من الحصه 
واد الفهم والتحصيل   
اد ماكنت وغد جميل 
وديب طيب
بحط دماغي اخر اليوم وانا مظلوم ومش ظالم
ولو ف حد كدبني فيعلم ربنا العالم 
ف عن مالي مخدتش شئ 
وعن بالي مسبتش شئ 
وعن وقتي فأنا ولحد دلوقتي مخلص مجمله عالناس
زهدت ف كل شي فيها
وعيشت حياتي بلاغيها واصاحب كل بلاويها واقول معلش
منبنيش من بياض القلب غير تجاعيد نامت عالوش
و دوقت ف ضربها الضدين من الكفيار لحد المش 
وعدت رجلي ف ضروبها خفيفه وقابله مكتوبها
ومرت روحي جواها
متاهه تودي لمتاهه واقول دنيا ومتكلمش
نهايه الدنيا
اسهل من وقوع الرمش
كل اللي اتحكي عني كلام باطل
انا دلوقتي في مساحه ملفش فيها ولا اماطل
كلامي زي ماهو بدون تزويد
واي كلام مقولتوش يعتبر تلفيق
فاوصيكم
تمر جنازتي
من ناحيه منا مريت
وترمولي السلام عالبيت 
ومتخلوش اصحابي يتعبوا في المشي كفايه سبتهم هما هناك ومشيت
وأما الدمع لو لين فهين واتركوه انساب
واما لو بكي عالي فحاسبو ف وسطكو كداب
وعلي قبري دقيقة صمت
وتدعولي
بأن يشفعلي ما اصلحت لما اجرمت
تلاته يمشوا ف وداعي بقلب سليم 
يزيدوا عن آلاف يمشوا بكدب عظيم
وراعو وسطكو واحده ف شالها ريحتي وغيابي
وشاورا لامي ع بابي وقولوا البار
وحاوطوا القبر بالياسمين مش بالصبار
ومروا ف هدوء يليق عالمشهد 
واوصيكو 
عيون كلبي متدمعشي  
وعصافيري متسمعش كلام عالموت
واوصيكو توطو الصوت ف وقت الحزن 
وتسقو زرعه النعناع لحد الريحه ماتحاوط نواحي البيت
وحاجتي تنقسم بالعدل عللاصحاب 
موبايلي يتكسر ف وجود تلاته شهود 
مش عاوز ف يوم حفله بكي وتأبين
هتلقوا ف ناس ومش عارفين بينعوا ف مين
وهتلاقو اللي قتلوني بيبكوني عالشاشه
فشاورو عاللي كان مني وقولوا دا حق
وشاورا عالي جاي يكذب وقولوا دا لا
انا جيت الحياه لوحدي
وماشي منها لوحدي  
واصحابي اللي عاشروني يدوب كام فرد
فمش هبلع كمان الكدب تحت الارض
في عزايا إذا حبيتو تتقابلو 
فياخد دمعتي صاحبي في بدء الصف
وهتحسوه لوحديكو ف شكل الكف
وهتبصوا ف عنيه تلاقيه بيسند روحه من الواقعه 
وقلبه  السخن هيخلي ايده ساقعه 
ف مورو عليه
وبصو ف عنيه تلاقوني
واوصيكم ف ساعه من تركتوني 
تقولو سلام
محبش ف الختام اترك دموع والآلام
سلام يا اصحاب
 سلام يابيوت 
ويا خطاوي
معدش اضايق العالم بازعاجي 
ورايح يعني مش هاجي
مش هخلف ميعاد مع حد بمزاجي
واوصيكم
بلاش تفترضو سوء الظن مع غيري
يجوز غيري بسيط زيي وحاصرينو ف دور شرير وهو بجد اجدعكم
بلاش نفس الغلط تاني
اذاكم حلي موت عن الحياه معكم
وخلاني وانا بينكوا بودعكم
بودعكم

باودّعكم - عمر حسن

أنا عادي تمام 🖤")

اخطفيني - نجمة من بين السما
هَتلاقيني - بين ايديكي السود بَياض
خربشيني - تكسبي قلبي البسيط
واعرفيني - زي ما انتي بتعرفي كل شيء من غير ما اقول

دَخَّليني - أسفل الكِتف الشمال
وقتها ..
هتصدّقي - أد ايه صعب ومُحال
لما اقولك فكّري - فيا من ناحيِة حبيب
لما اقولك فكّري - في الجواب من غير سؤال

فيا عاهة من اللا ديني - فيا كُفر الملحدين
فيا من ناحيِة يَميني - كل شيء كان غير سَليم
بس عايزك تعرفي - إن قلبي المُستَقيم
مال لقلبِك وقتها - كَفَّروه المؤمنين

بس لحظة من الثواني - حَوِّلوني لحد تاني
لما بتكوني في ضلوعي - لازم اتحوّل أناني
أصل عندك كلهم - هَيشوفوكي واحدة سهلة
يعزموكي لـ مُر قهوة - يحضنوكي الحضن شهوة
بس مش شايفين وَتينِك ..
لما نَبضُه يتوه لـ وَهلة - واحضنك - فَـ يسبّوا دينِك

قربيني لناحيتِّك - فاشهَد إنك شيء خُرافي
هُمّا شايفينك عادية - بس بيشوفوا احترافي
لما اعدي في كعبتك - بس مش شرط أبقى حافي
عَمِّديني - اُردُني عامل تَفاوُض
غَطَّسيني - نبقى جَدِدنا العلاقة
الصداقة - حِبري وَسَّخها بقصيدة
قَدَّريني لما اشوفك - كل يوم بعيون جديدة
وابقي هاتي المحفظة - حاسبي ع الطرحة العزيزة
ولّا اقول لِك هاتي إيدك - أصل هَنخُش الكنيسة
هاتي شمعة - وَلَّعيها
إنتمائك - مش ضروري
لو إيمانك جوة زمزم - هاطرُدُه بريحة بخوري
وأرجم الأفكار في راسك - لما نوصل حارة سَد
فَـ تزوريني كل جمعة - واجي ازورك كل حد ❤️

#كيرلس_عطية
#بين_سبحتين_وصليب

اخطفيني | كيرلس عطية

شعر : محمود عصام
توزيع :- ميدو راشد
Music : Jorge Méndez


انا ليه دايماً متأخر 
اوقات ما الموت كان جيَّ
لـــ أصحاب وجيران وقرايب
انا اخر واحد  حيَّ
اول تأخيره لــ  أيمن
مستشفى قصر النيل 
وقت العمليه : العصر
كان ماتش نهائي لـــ  مصر 
مَـوصلتش غير بالليل
كان مات من ساعه ونص 
معروفة نهاية  ( النَص ) .
تأخيرتي التانيه لـــ  بنت 
مفروض مَـحكيش تفاصيل
علشان الموت مش دايما 
بــ ( المعني اللفظي ) كفيل
واهِي راحت زي ما راح غيرها
واكيد مَـبقتش فيـ تفكيرها
تالت تأخيره  لــ أمي 
انا جيت بس اتأخرت
ولعبني الحظ خسرت
مَـلقِتش معايا رصيد
بس أختي اتصلت بيا 
ميَّه وتسعين على ميَّه ( 190/100 ) 
الضغط  ازاي بيزيد !؟
والسكر طبعاً عالي 
مَـجبتش دواها الغالي 
واكيد ما خدتش الجرعه 
:- مَـعرفش ..
 تعالي بسرعه 
:- هاتي الدكتور .. وانا جيّ
خليكي معاها يا  ( ميّ ) 
والله انا ما اتأخرت
من بعد يوميها يا امي
انا لسه الوقت الفارق
على اني ألْحق نتفارق 
بيجيلي فى كل ميعاد
انا نفسي اليوم يتعاد
انا خايف امي تكون لسه
مجروحه عشان متودعناش
انا خايف ( ايمن ) يحسبلي
تأخيرتي بــ صاحب ندل مجاش
انا خايف يوم لما اقابلهم
ميكونش مكان للإعتذرات
تفتكري انا باجي فيـ تفكرهم ؟
زي انا ما بجيلِك اوقات
مجنون ..
مجنون  .. لكن مَـكفرتش 
انا عارف  شئ مكتوب 
مش قادر اقول مَـخسرتش
انا شكلي ماليني ذنوب



FB Page : www.facebook.com/MahmoudEsampoet
My Account : www.facebook.com/mahmoud.esam.35




انا اخر واحد حي - من ديوان 36 نسان مَحصلش

Baktblek - بكتبلك قبل نهاية العالم

يارب - انا راضي بيها بكل ديفوهاتها 
بعيوبها هاتها - بشرها هاتها 
هاتها بوجعها و خوفها و اهاتها 
عايزها يا الله - عايزها .

عـشرين دقيقة بقُول كلام عّنِك .

Mkantsh Mogarrad Omnia | مكانتش مجرد أمنيه

رسائل موسيقيّة - 12:00

هذا النص عن مرضي - مريم عزيز

لما اموت ..

كلمات إلقاء : عبدالرحمن أسامة 
الكلمات : كم أنتا جميلٌ أيها الحب عودتني ثم أمهلتني فكان تعودي علي أن أشعُرَ وأهتم 

#مزج #حب #غدر #حزن #رحيل #مآساه #خداع #لوم #مزيج #مزيج_حزن #مزيج_حب #كم_أنتا_جميلٌ_أيها_الحب #كاتب #ميوزك #رومانسي_حزين #رومانسي #عبدالرحمن_أسامه #عبدالرحمن #اذاعة #بودكاست #boadcast #اذاعي 
#music #piano 

هذا النص عن مرضي - مريم عزيز

مريم عزيز

Recent comments

amany_Elsharkawy

Reham Emad

ALaa ALaa

qqqq

Related tracks