العقد

الدلال والغرام عيوني احمد سعدابي

أسرار بابكر  |  أسحار الجمال

عقد الجلاد & كفاكى & kafaki

سلمى | معتز صباحي (الاغنية إهداء إلى زوجته)

مصطفى سيد أحمد - رجعلك قليبي المهضلم

جديد عقد الجلاد - أم آدم

عقد الجلاد - طريتك ليل at Mgd Al-Din

عقد الجلاد - حوش النور.mp3

ما قدرت أوادعك حسه ليك مشتاق
بعدك الأيام قاسية ما بتنطاق
من غير أي مذاق
بس بكرة أعمل آيه لو كترت الأشواق
وأتكويت بالنار الفراق حراق
يرضيك يقيف نبضي كان بهواك خفاق
وأبكي من جواي وأزرف الدفاق
لو تعرف الشوق زاد لوعة للعشاق
خوف من قدر مجهول من زمن فراق
أهي الظروف جمعتنا جات عيشتنا فراق
ما جات لقتنا بعاد

Unknown Album

ما قدرت اوادعك - عصام محمد نور

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

عقد الجلاد - حوش النور.mp3

Zulfa Alshikh

Recent comments

Elsadat

Related tracks