لابسٍ لي عباة الوّد مقلوبة

عبدالله بن عون | يا روح روحي مهجة الروح تفداك

‎⁨اللي مثلك فارقٍ في جيله وفي غير جيله⁩

جعلك بعد بعض الوجيه امحق وجيه | بهاج الاكلبي

الرمش سادات قومٍ في الضحى سجّد - سعد بن جدلان (رحمه الله)

هو طبيبي والرسايل علاجٍ لي

مشاركة الشاعر عمر الودعاني في فقرة الموهبة ببرنامج المعلقة:

الليل ذا ليل لا بعده ولا قبله
‏أضفى ظلامه علي ببشته الضافي

‏الروح متهالكة و الكبد مندبلة
‏أداري الجفن خوفي يبين الخافي

خايلت غيم الشعور وزارني وبله
‏لين استظليت عنه في نحا قافي

أقدّر الشعر وأحاتيه وأطرب له 
‏من عاد لعبي وطيشي بالغ أهدافي 

‏طاردت حلمي مومّل وأترقب له 
‏يا عنك الأحلام ما توفي مع الوافي 

‏إن قام حظي لعب في حالي السبلة
‏حمّل على أكتافي اللي يكسر أكتافي 

‏مجدب مداده خلا ما يجذب الربلة
‏ويمد رمضا الثرى لا مرّه الحافي

يا عمر مانيب لا ضايع ولا أبله 
‏ما غير أجرّ الخطى وأحلامي خلافي 

‏الانسان لا صار عايش في ذرى نبله 
‏ما الله مخليه في صحو البشر غافي 

‏وأنتي يا ملفى الشعر والملح والقبلة
‏أعاتب الحور ولا المبسم الصافي 

‏من بعد سيك المقام وعوده وطبله 
‏أجر صوتي صبا من فوق مشرافي

آمال ليلى وقيس وعنتر وعبلة
‏راحت مثل ريش طير في طرف سافي 

‏ما دام ما فيه لا مشلح ولا دبلة
‏سمحت واللي مضى من طيشنا كافي 

‏نحرك ساحة حرم وشفاهك القبلة
‏لكني آثرت دين آبائي وأسلافي

هو طبيبي والرسايل علاجٍ لي

هـّ