دقيقة حداد...
على روح الحاجات الحلوة في بلادنا.
إذا كان لسا لينا بلاد...

دقيقة حداد...
على الحلم إلي عشنا بيه
وبعديها اتعرض في مزاد...

دقيقة حداد...
على تنهيدة الحب إلي مكتومة في قلب البنت
والضحكة إلي مخنوقة في عيون الواد...

دقيقة حداد...
على أحلام جدع مصري
بإنه يكون له بيت وولاد...

دقيقة حداد...
دقيقة حداد يا ناس على روح نهار أبيض
وسهونا ورشوا فوق بياضه سواد...

دقيقة حداد...
على الفجر إلي بيشقشق.
وبيزقزق مع العصافير...

دقيقة حداد على الدم إلي ما نشفشي هناك ع الأرض في التحرير...
دقيقة حداد. على ابتساماتنا لما بنبتسم ونقول لبعضينا صباح الخير...

دقيقة حداد...
على الحضن إلي ينفع يبقى مية وزاد...
دقيقة حداد...
على بكرة إلي كان فرحان. وكان بيمد.
لجل يرش نوره في البيوت والحي...
أخد طلقة. وما لحقش إنه يتوجع ولا يقول أي...
أخد طلقة ومات. والكدابين لسا بيحلفوا إنه فعلا حي...
وكان لازم يموت في السكة.
طول ما السكة مليانة من الأوغاد...

دقيقة حداد...
على الأم إلي في عنيها دموع سُخنة.
وقلبها في الضلوع مشقوق...
ساعة ما تبص بعنيها
تشوف دم ابنها بيتباع هناك في السوق...
تبص على ابنها إلي تحت.
وتشوف إلي قاتل فوق...
وتسمع ناس. بدال ما يجيبوا سيرة حق مش راجع.
بيرغوا عن الأدب والذوق...
ييجي لها جنان. وتمشي بشعرها عريان.
وتنده أنتِ فين يا جهاد!!!...

دقيقة حداد.
هاقفها يا مصر طول عمري
لكن عندي معاها سؤال
وجاوبوني يا مصريين...
على مين الحداد هايكون؟
على إلي ماتوا وارتاحوا –يا عالم- ولا ع العايشين؟

قصيدة دقيقة حداد للشاعر صلاح عبد الله

عارف القناوى اه يادنيا من مكتبة احمد - 1~1

تعلى في العالي

رميت جمارَ النفسِ في الروح فانثنت .. جهنما ماء وصاحت ضفادع
وأسكن أي أفنى وأفنى عن الفنا .. فأسكن أخرى والمتيم والعُ
وقلبي مذ أبقاه حسنك عنده ..  تحياته منكم إليكم تسارعُ
صيامي هو الامساكُ عن رؤية السوى ..  وفطري أنى نحو وجهك راكعُ
وبذلي نفسي في هواك صبابةً ..  زكاةُ جمال منك في القلب ساطعُ
أرى مزج قلبي مع وجودي جنابة .. فماء طهورى أنت والغير مائع 



الشيخ ياسين التهامي .. تجريد نفسي

1095 
يوم عمل وشعب قرر بأيده يصنع الأمل
حكاية الشعب  فيها هو البطل

مصر 1095 - حكاية شعب يصنع الأمل

МP°