أغاني الانتفاضة الاولى

ام طارق - سجان ابوك يا سجن - فرقة صمود

فرقة العاشقين - ياطالع ع جبال النار

من أغاني الانتفاضة الفلسطينية - ياجماهير الأرض المُحتلة

طار اليعسوب بجناحو 
يا يما طار
وتعالى على جراحو 
بعزم وإصرار
طار اليعسوب يا يما
ورجع عالدار
ونزل على "ترشيحا" في المعسكر
بطائرة شراعية بالعالي طار
وعلى دروبك يا بلادي نزرع نوّار

طار اليعسوب يا يما 
عبر الحدود
عبر ع أرض آبائو
أرض الجدود
قال نضحي بالغالي.. بالروح نجود
وعلى دروب الحرية لآخر المشوار

طار اليعسوب يا يما
وضع اللقاح
في جيب الشراعية وحمل السلاح
قالوا تبقى الخلية رغم الجراح|
والنتيجة حتمية بالإنتصار

طار اليعسوب يا يما 
سلاحو باليدّ
يا جماهيرنا الشعبية: المدّ المد
بالوحدة الوطنية بنوضع الحد
للآلة الصهيونية والاستعمار


طار اليعسوب

مرحى مرحى
للشهدا وللجرحى
مرحى مرحى للصبية
اللي ما اكتفت بالصرخة

حملت حجارتها وشالت
على الصهيونية انهالت
أعلت صوت وصرخت قالت:
أرض بلادي عرس وطرحة

مرحى لكل الجماهير
بتناضل حتى التحرير
دولة وتقرير المصير
يا خيي بتكمل الفرحة

إمي أطلقت زغرودة
وسع الوطن وسع حدوده
قالتلي إحمل بارودة
وهز ركاب المهرة الصبحة

قالت لي الأم الثكلى
عن الواجب ما بتخلى
بدكوا ولادي، أهلا وسهلا
بدكوا دمي، هذي رجحة

مرحى مرحى

يا صبايا زغردن - فرقة الجذور

حجر بلادي مقدس
حجر بلادي أسطورة
على الإرادة بنتأسس
واحنا بنفخر بهالصورة

لحجر بلادي صدى، والشباب لبوا الندا
يا خيي بدم الفدا، بنروّي تراب الحاكورة

يالله يا ختيارية، لا تقولوا القامة محنية
بدنا منكو المعنوية، كل واحد يعطينا الشورة

يالله معي يا حلوين، إنتوا النواة والتكوين
فيكم تفخر فلسطين، من رفح حتى الناقورة

بحجر ونار الكاوشوك، بنقاوم رابع شيلوك
بنثأر للدم المسفوك، بالحجر والقسطورة

حجر بلادي كبريت، من جباليا لبيرزيت
ما بينفع "لو" و "يا ريت" وما تعيد حقوقي المهدورة

أضرب حجر بالمقلاع، ولا تقول لي الوطن ضاع
الحاجة أم الاختراع، أكيد السواعد منصورة


حجر بلادي مقدس

1987 من أغاني الإنتفاضة الأولى

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

نزلوا ما معهم رصاص يتحدوا للدبابة
عملوا فى الشارع متراس وتصدوا للعصابة
وسلاحهم كلوا حجارة
علغاصب شنّوا الغارة
وحرروا للمنارة
بالزنود القوية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

عملوا بوسط الشارع سد بالإطارات الشعلانة
وعلدورية كان الرد كبسية بالقناني

دوّا هتاف الشباب
بالدم منروي التراب
ومنتحدى للإرهاب الشب بحد الصبية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

الحرية مطلبنا وعنها لا يمكن نحيد
من أول يوم ولدنا أتغذينا بفكر جديد
وعلمحتل انتفضنا
وكل المعارك خُضنا
وقضيتنا فرضنا
علهيئات الدولية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

منشور بيتبع منشور والبرنامج مِتكامل
وبيوت الجرحى منزور يوم الإضراب الشامل
مظاهرات وصدام
وكتابة وتعليق علام
إنتفاضة للأمام مستمرة وقوية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

الشوارع مدارس والحصص إنتفاضة
والرياضة منمارس وضرب الحجر رياضة
مهما تمارس إسرائيل
من سياسات التجهيل
جيل بيتعلم من جيل
باللجان الشعبية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

مطلب تقرير المصير وحق العودِة والدولة
بالإنتفاضة منسير للمؤتمر الدولي
صار الفيتو الإمريكي
يقول الصهيوني شريكي
وغني معي يا رفيقي
لا للإمبريالية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

صبايا مثل الورود بتنزل وسط المعارك
تتحدى بطش الجنود وفى الكبسية بتشارك
صبية وحج وختيار
للشباب يجيبوا حجار
وكل ما زاد اطلاق النار
ارتفعت المعنوية

نزلوا صبايا وشبان يتحدوا للدورية
شعلانة الضفة بنيران الإنتفاضة الشعبية

شعلانة الإنتفاضة | ثائر البرغوثى

ما احلى البيدر والدريس
في أيام الصيفية
إيد بتخلع جواسيس
وإيد بتزرع حرية

تتحرك كل القوى
مدينة ومخيم سوى
يا خيي الشعب نوى:
الإنتفاضة يومية

شعبي هب وما في خوف
الحجر صار كلاشنكوف
بنقيفة ومولتوف الكل يقاوم سوية

قالوا بإسم القدر
إنها القيادة تنأسر
المنشور الثاني عشر 
كذب زعم الصهيونية

بالقيادة وثقانين
وحواليها ملتفين
بكل المواقع ماشيين
مع اللجان الشعبية

اللي اغتال ابو جهاد
بوقع بشباك الصياد
اغتالت شخص، الموساد،
وما اغتالتش القضية

ما احلى البيدر والدريس
في أيام الصيفية
إيد بتخلع جواسيس
وإيد بتزرع حرية


Ma7la

من حياتي شرفي أغلى، ومن دمي اللي سال
صوت الإنتفاضة أعلى من الإحتلال

صوت الإنتفاضة عالي، وما بيخرس هالصوت
غير لأجل الحق الغالي، مين بيهوى الموت
مش هدف موت الإنسان، الغاية حب الأوطان
شعب يناضل من زمان، بدو الإستقلال

نزلنا على الشوارع، وبأيدينا حجار
هبينا مثل الزوابع، لهلبنا كالنار
بالصدر نصد الرصاص، صممنا على الخلاص
لازم ينول القصاص المجرم والمحتل

شعبنا حقوقه مهضومة، وعن حقه ما ينام
مبادئ خصمه معدومة، عنصره ما دام
يا كل الدنيا شوفيني، مخيم قرية ومدينة
شوفي الجيش الفلسطيني، زهرات وأشبال


بدهم يقتحموا قريتنا،  سهرنا طول الليل
ت ندافع عن كرامتنا، مهما الليل طويل
أقبل الجيش الجرّار، جبل مسلح بالنار
ملّينا الطريق حجار، وولعنا العجال

من سمّاعات الجوامع نادينا عالناس
والغافي نبهه السامع، قللو إحمل فاس
وتوزعنا عالمحاور، ثوار بنعرف نناور
والصهيوني إله خاطر، يركع للأطفال


من حياتي شرفي اغلى ومن دمي الي سال

والله لأزرعك بالدار - فرقة العاشقين

أغاني الانتفاضة الاولى

غيداء زبن