ماشي في الشارع مش شايف ادامي..لاني زعلان من اللي حصل خلاني 
حزين في احلامي كئيب في ايامي كأن في حد جيه شالني ورماني
لو عشت في زماني هتعرف معاني كلامي في اغاني هتلاقي جناني
شافوني اناني فاقللو بكلامي سكت لان انا ابويا رباني
حط الكلام في الخلاط بنعمل ريمكس فبيعمل احباط
افشخ البيت وزع مغات كلامي ده حصري فأنسى اللي فات
ده اللي فات مات واللي جاي هات ده كلامي حاد طلقات مالسماعات
نص بوصه ؟ اه وانت كوسه ؟ اه اديك تأور الكوسه ياه
اديك تأور اديك تمور اديك تحور اديك تزور اديك تفور اديك تموه
طب بس بس بس
تتكلم تهيس تسرع تفيص سمعتك مش عارف اقوللك كويس
تعبر تأمبر تصوت تزمر بقالك سنين بتراب برضو انت مهيس
مجرد اداء في استعراض مهارات بنشبح عالناس بشوية حركات
كلام بيتسمع بيرن طلقات لو هنسى الموضوع بنديك كلمات
انا فاعل وانت مضاف اليه مفعول بس انا هعمل بيه
اعمل واعمل متقولشي ليه عيلة النسر تشكيل اساسي

فلوهي بريدي بيطلع رسايل بيقدم مواعظ طب اسمع يا فاشل
بالرغم انه هايل ان انت تحاول تشد اللي بيسمع تتنطط تشاور
تخلي كلامك يحور يزاول بس انت بتنسى تحط المحاور
يلفلف عليها كلامك فبترسى ان انت كلامك يتلف في سجاير
وبيطلع متبغ لأنك مستخسر تشغل دماغك وتكبس زراير
فبتنجح في شد انتباه اللي بيسمع نجاح اللي كسب من ورا الستاير
بالرغم انك قادر تشد اللي بيسمع بشوية معاني من جوه احساسك
من اهلك من ناسك من زووم جوه راسك قضيه منسيه بنصيحة للحاير
ساعتها هتنجح في شد اللي بيسمع نجاح اللي نزل في ثورة يناير
موهبة ربنا ادهالك خليها مجالك وحافظ عليها ميراث لأحفادك
ومايكك ادامك عرفت تمامك مستني انك تنجح وتعلي مجالك
لانه راس مالك ميزك ادالك فرصة عشان تنجح وتحقق امالك

تفتكروا فهمنا وهيعرف ينفذ كلامنا تعبنا عشان نعرف ننفذ 
كلام يوصللك المعنى ويفرز حقيقة تعرض مجال انه يغرز
ادامك حالتين اولهم فهمنا اننا بندسه اكيد زي غيرنا 
مع انه لو ركز في كلامنا هيعرف اننا بنلحق موسيقى اشجانا
رجاله بتعرف توصل المعنى يسوق انتباهك ويكبس ويخطف 
وسوقها بيضعف ولازم نتصرف ودة معناه انك لازم تفكر
وتخلي اختيارك التاني وتنضف ونلحق حبال الاصوات اللي هتنشف
غنينا لأن لقينا فننا بيعاني مننا فاخترنا السرينه اساس دخله لينا 
عصام وياه انا محدش قدنا فهدوءنا عمانا والناس دي سمعانا
مش حلمي روتانا لا حلمي ان الناس تبقى دايما جوانا
سمعانا حبانا شايفانا حسانا فيكل مكان بنلاقيكوا ويانا
بلاش تخلي الراب موسيقى زنانه لان الراب ده بالنسبالنا امانه

Bentalla3 Kapt II بنطلع كبت (Produced BY CUPO)

cuponesrfam@gmail.com
Cupo & Essam
فريق راب مصري مكون من :
1- Cupo كبو
2- Essam احمد عصام
مش هممنا تعرف عننا حاجة اكتر ما يهمنا انك  تسمع وتخلى الناس تسمع
3elet El Nesr
Peace

Bentalla3 Kapt II بنطلع كبت (Produced BY CUPO)

3elet El Nesr band ✪