حمد البريدي

حمد البريدي خذني فديتك

حي الله اللي خذا قلبي وخلاني - حمد البريدي

حمد البريدي | فديت عيونك |  at الراشدية اﻷول

و عشقت صوتك ضحكتك وجهك رضاك - و غدت جهاتي بالمحبة جهاتك
غصباً عليك أستاهلك و أتحداك - لأني الوحيد الي فهم منتهاتك
غرامك أغناني من الناس و أغناك - عن كل شخصاً معجباً في صفاتك
لبيك لبى أطلالتك من محياك - جوريك في خدك يغازل شفاتك
تعبت أدور شوفتك قبل لألقاك - و جيتك و روحي قبل لأجيك جاتك
روحي تحبك قبل لا أحب لاماك - و لاماك حببني أكون بحياتك
فديت كبدك يا هوى الحب مغلاك - أرسم على كف الحنين أمنياتك
وينك تباطيتك و شوقي تباطاك - شوقي حياه و شوق لا غبت ماتك
ضم الضلوع الي تعبها محاتاك - و حب العيون الي تموت بغلاتك
أكبر فخر للأرض لا دجت بخطاك - و أكبر فخر للحب أني غناتك
حظ الهوى تتنفسة في حناياك - و حظ العطور الي تلامس عباتك
أنا ضماي العشق و الماي دجلاك - و النيل نيلك و الأماني فراتك
ما صرت أهيم بشوق و أحب لولاك - تحب روحي قبل أحبك و جاتك
ما ودي أحبك عشان أكسب رضاك - ودي أكون أجمل حدث في حياتك

حمد البريدي - ودي أكون أجمل حدث في حياتك

رافقتك السلامه - حمد البريدي

الترفه - حمد البريدي

أجرح الي يعشقك حمد البريدي

تنقي يا بعد كل الخلايق و أطلبي و أعطيش - وضعت القلب بيمينش و سلمتش نظر عيني
تراها كلها فدوه تنقي كل ما يرضيش - إلا شفت السعادة في عيونش كنها فيني 
أنا قلبي مثل طفلاً تضمه بالحنان يديش - عيونه كل ما أبعدتي تقول بصمت ضميني 
غرامش رجع أشواقي ورا لأيام حب و طيش - متى علمي بلحظات السهر يا بهجت سنيني
أحبش قبل لا أشوفش و محتاجش قبل لا أجيش - تمنيتش قبل لا أدري إذا كنتي تمنيني
و حفظت أسرار ما أحسه تجاهش و أعترى مغليش - و علمتش عقب وصلش وش الي فيش مغريني 
على بحر الأماني و اللقاء خل الغريق يعيش - يا كثر العابرين الي ملامحهم ما تسبيني
أنا مدري وش أعبر أنا مدري وش أسميش - لكني أسعد العالم مدام أنش تحبيني
قتلني صوتش الناعم لا سولفتي علي بشويش - أسرني عطرش الي عاد له باقي على يديني
تقاسمنا المشاعر و الصدف لا تسأليني ليش - يا كم حاجة بنفس الوقت صارت بينش و بيني
إذا قلبي و هو قلبي إذا غبتي يسولف فيش - أجل ش أقول عن طيفاً يصبح بي و يمسيني
مدامش في نجل عيني يا جعل العين ما تبكيش - إذا مريت في بالش و ف دقيلي و حاكيني 
أمانه طمني قلبي مدام أن الوصل يمديش - قليلش عن كثير العالم بأسره يكفيني
تراني مستعد فزحمة العالم أضم أيديش - عشان أحرق قلوب العالم الي ما تدانيني 
هلابش كل ما أبطيتي و جيتيني و يا لبيش - يا حي ذا العين من وصلش و نظرة عينش بعيني
أنا أحبش و أحب أمش و أبيش و كل ما يعنيش - و ما يزعلش يزعلني و ما يرضيش يرضيني
طلبتش طلبه و تكفين دام أني مولع فيش - ترى عند البدو عيباً عقب تكفى تخليني

حمد البريدي - تمنيتش

قالت كلامك وشوشه ش القضية ؟ - قلت السلوم و ربي الي عطانا
الشين فحروف العرب الأبجديه - ما جمله يا بنت إلا حكانا
إن جاز لش ف أبرك محبه و نيه - و إن ما صلح لش جنبي عن هوانا
عشنا على عاداتنا الأوليه - هذي مواردنا و هذا وفانا
و أنتي حضريه و الطبوع بدويه - و هذا هو الي في غرامش حدانا
تبدوي و خلي هوى العنجهيه - قولي بري حالي من الي برانا
أنا بدوي بس أكره العنصريه - و يستاهلون الحضر صادق غلانا
عز الله إن فيهم رجالاً وفيه - عنهم و عن وقفاتهم ما أنتغانا
و حنا بدو للفخر فينا شهيه - تعرف فعايلنا و يعرف نبانا
نبقى عزاز نفوس و النار حيه - ما نتبع المقفين و لا نتوانا
و إن عودت فزعه و وقفه و هيه - صدورنا تحمي صدور أخويانا
أمحق خوياً ما يحاوش خويه - نفز لا جانا النذير و نخانا
من يام روس المرجلة و الحميه - يفرح بنا الي محتمي في ذرانا
في ذمتي ما حن نداني الخطيه - لكن على الفزعات نكرم لحانا
من دون قاصر في جميع البريه - الله مميزنا عن الي سوانا
كلش ولا ذكر العلوم الرديه - في ضيفنا ولا بستر قصرانا
حنا كذا من عاد بقعا صبيه - على الفعول الكايدات أنتفانا
نفرح براع المرجله في مجيه - و نحذف غلطات الرفاقه ورانا
يا خيا للبل دون حوض المنيه - أرواحنا تنساق للي دعانا
نعيش بالدنيا بنفساً رضيه - و نموت ما نطلب من أحداً عطانا

حمد البريدي - وشوشه

حمد البريدي - مدري حد قال لش

جديد حمد البريدي - الحب

حمد البريدي - ايه احبك

حمد البريدي لاعتني الدنيا

حمد البريدي ابتسم

حمد البريدي : اخسرتني

الشاعر حمد البريدي المري

اثرني احبـه - حمد البريدي


بافارقك .. لو كان ما اخترك فرقاك - بافارقك .. وآنا فرجوى وصالك 

البعد لو به خير ما كان خلاك ؟؟ - تقطع من عيون المحب اتصالك

ما اكثرك فالصده وفالوصل ما اشواك - الكبر لله .. ( لا يغرك جمالك ) !!

خليتني للبعد .. والبعد قسّاك - خلاك تنسى واحد" قد وفا لك ؟؟

سليت سيف الهجر ؟؟ كني من اعداك - وذبحت شوق الروح شاللي جرى لك

العام ما تصعب الى قلت بلقاك - واليوم من دون المواصيل هالك ؟؟

منت بردي .. حسبي على الوقت ردّاك - غير صفاك / وطيبتك / واعتدالك

حاولت نسيانك .. وعييت لا انساك ؟؟ - لا جيت ابنسى .. ذيب صدري عوى لك

لو انك بترجع كثر ما آتمناك ؟؟ - ما كان ذا حالي .. ولا ذا بحالك ؟؟

كثر الجفا وآنا أستغفر الله اشراك - حبك كفر بي .. لعنبو من صفا لك

خذاك مني البعد ما عاد بقاك ؟؟ - لكن على قول المثل مش حالك

تدري وش اللي يقتل الشوق يا ذاك - لاني بولد عمك ولا ولد خالك ؟؟

الشوق برد .. ودافي الوصل لقياك - وثلج الجفا خرب طريق اللقا لك

علمتني حبك .. وعلمني انساك ؟؟ - لو كان من دنياي .. مابه بدالك

تبغي تضيق خاطري جعله فداك ؟؟ - مهوب انا اللي يعاتبك في حلالك

طلبتني قلبي وانا قلت لك .. جاك - والحين سو بخافقي ما بدا لك ؟؟

حمد البريدي المري - منت بردي حسبي على الوقت رداك

منت بعلـى خبـري .. تغيـرت يآهيـه - برد المساء ما عـاد عانـق حضـورك 

ما عادك أنت إيـاه .. ولا آعـرف  - ولا عاد ذا شوقـك .. ولا ذا بشعـورك 

عنيتنـي لـدرب العـذاب .. ومساريـه - وآنا آتعنى فـي رضـاك / وسـرورك 

لا تسومني دمع الوفا .. صعب تشريه !! - بأيدك هدمت البيـت والسـور سـورك 

انا هديتك خافقـي .. وأنـت تهديـه ؟؟ - للحزن /والليـل العتيـم /.. وغـرورك 

ترى الهديه عيـب تهـدى .. وتنويـه : - ( إن ما آحترمت العهد شـيكون دورك ) 

كنت اشتهي صوتـك وآحبـه واداريـه - والحين مـا آدانـي السواليـف طـورك 

شبيت ضوي فـي رجـا الغنـج والتيـه - وتشب ضو البعد .. يـا شيـن جـورك 

(( الفي عليك بشـوق وتقـول مـا فيـه - ودك بوصلي بس يـا كبـر امـورك )) 

اللي بقلبي من غلا .. خـذت باقيـه ؟؟ - رده علي تكفـى .. أو إكفـه شـرورك 

لا وا خساره ؟؟ .. يا فديتـك ولبيـه ؟؟ - نهيتني يا قلـب .. مـا طعـت شـورك 

يا مجرم جـروح الغيـاب .. بـتماديـه - وقع على صك الوداع .. بـحضـورك 

اهديتـك الدنيـا / وقلبـي / ومـا فيـه - ولا أنت تهديني خطـاك .. وزهـورك 

وسلمتك .. زمـام الهـوى والمشاريـه - وأنت تحفر لجروح صـدك .. قبـورك 

احيّيييه من جمـر انتظـاري و يـا آحيّـييييه - لا ذكرّتنـي بالمحبـه .. عطـورك ؟؟ 

يسقيـك يــا ذاك الـغـرام وليالـيـه - وابكى غرامي فيـك وأبكـي شعـورك 

تضحك معا قفـاك .. لكـن معليـه ؟؟ - أصبـر علـى الايـام ويجـيـك دورك ...

حمد البريدي المري - منت بعلى خبري

عفت الغلا عفت الغـرام ورواجة - و درب يودينـي علـى بــاب بيـتـك 

تبيعني بسوق الغيـاب وحراجـه  - و أنا خسرت العمـر حتـى شريتـك 

ضحيت لكن تضحياتـي سذاجـه - و أنا احسب أنـي فالغـرام أهتنيتـك 

القلب لو يحتـاج و أنت أحتياجـه - بقطع يدي و أمـوت ولا رجيتـك

حـلاك صايـر فـي عيونـي سماجـه - و غلاك ما يشفع ما دامـي لغيتـك 

شربت من ضيـم المعاتـب هماجـه - وغفيت فيك وليتني مـا وعيتـك

لو قلبي مجـرّح وعنـدك علاجـه - نصيت كـل النـاس ولا نصيتـك 

القلب كنت أنت السبـب فـ أبتهاجـه - واليوم صرت أنت السبايب بكيتك  

أمسيت ما أبغي من ورى الناس حاجه - وأصبحت متحسف على أني جنيتـك 

حكرت شوقي وسط عنـق الزجاجـه - وأهلكتني ضامي وأنـا قـد سقيتـك 

بكره ليا هبت عليـك العجاجـه - ونسوك خلانك لا ترجـع فديتـك 

هدمت عرشك وأنكسـر عـز تاجـه - وأنا قرصت أذنك و يامـا نهيتـك 

يذبحني إنك شخـص علـى مزاجـه - ويذبحني أنك يـوم تطلـب عطيتـك 

كنت أحسب أنك للمضيـع سراجـه - وأثرك ليلاً ليتنـي مـا سريتـك 

إلى طلبتـك مـن غـلاك أنتواجـه - سقت العذر و تروح ما عـاد ريتـك 

كانك تحسـب إنـي أحبـك لـحاجـه - أنسى المحبه وأعتبرنـي نسيتـك 

حمد البريدي

3q.3lomk