Sendrilaa
Written by: Mahmoud Hessein
Music: Ahmed Shapaan
Vocals: Mahmoud Hessein
Master and mix by: Ahmed Shapaan
Back Vocals: Omar Khatab
© 2017 Mahmoud Hessein

الكلمات :
من وسط سطور كتيره مشاهد دمع ع الورق.. 
أحزان كسرة نفوس وناس قلوبها بتتسرق.. 
رويات بتدارى روحها خايفه تظهر ع الملأ.. 
شخصيه شبه حيه بعد م كل شئ إتحرق.. 
رافض ظهورى ع السطور معاكى فى صفحه واحده.. 
بشوف سذاجة كاتب أهدر حبره فى المناهده.. 
فكرة كتابتى عنك بالنسبالى صدفة باحته.. 
عقلى الباطن والقلم غيبونى فى التراك دا.. 
كرهتك انتى وأنا لأن أنا بتحبك أنتى.. 
كنت جنبك فى احتاجك فى إحتياجى أنتى سبتى.. 
شكك كونه بيشككنى فى فكرة شكك فيا أنتى.. 
مش بعيب فى حبى ليكى فى حبك ليا أنتى عبتى.. 
انتهت بداية كانتت أجمل من أنها تنتهى.. 
ف وصولنا للنهايه مش قصتنا لأ دى قصتى.. 
شكك فى حبى عيبك أو صراحتى شئ مش منطقى.. 
وعيبى اديتك كل شئ وصباعك مفهوس دبلتى.. 
الم ذكرياتى مش هتحسه تانى معايا.. 
نسجت من خيالى قفله تليق بالنهايه.. 
القصه مش مثاليه ف مش هتشوفها يوم في روايه ..
على وجعى مش بداري افهميها م الكنايه.. 
بكلم عقلك مش بكلم قلبك الي داس عليا.. 
كتمت صراخي فيا يمكن تشوفيه جوا عنيه.. 
كاره مشهد وداعنا والوداع مش ساكن فيا.. 
فكرة كونك ضحيه أصابتني بشيزوفرينيا.  
بتسمعيني وانا موجوع بس صوتى مهزش جسمك.. 
بدعيلك في كل صلاه والدعاء حروفه اسمك.. 
افكار متشابكه بتهتف والسكوت هو ميزتك.. 
كذبة ان كذبي شك مش تحسين لوضع فكرك..
فاكر شكلك لما قولت بحبك مش قادر أنساه.. 
فاكر لمعة عنيكى بحبي گأنى كنت طوق نجاه.. 
فاكر وداعنا مش ناسيه مش حابه يكون فى الذكريات.. 
دمرتيني ببعدك ليه ليه ولغبطتى كل الحسابات.. 
مش عايش دور البرئ مش بستدرجهم فى صفى.. 
رفضتى كل فرصه سحبتى ايدك من تحت كفى.. 
مش حابب أبان ضعيف بس القوه ضعفك انتي.. 
شوهتى رسمه جوا عقلى كانت محفوره بنبض قلبى.. 
أطول قصيده بتنكتب كذب صاحبها وانسحب.. 
قال دا حب قلمي فيها من وريدى بيتنهب.. 
بتناسي انك نسيتى صوتى نسيتي كلامى وحبى ليكى.. كأمر واقع بس الأوهام بتراودنى أسرح فيكى.. 
واقول خلاص سابتنى نسيت شخص الحب كان سماه.. 
بيقل الاكسجين في بعدك طيفك بيقضى ع الحياه.. 
مفيش تناقض بينا واختلافنا أعلن منتهاه.. 
عارف مش راجعه تانى فرضك عنيا مش شيفاه.. 
هديت عشانك ألف سوور لكن مصره تبعدينى.. 
روتين خسارة كل شئ حتي التنفس شئ روتينى.. 
مش مدرك أسباب فراقك إيه السبب إنك تسبينى.. 
وجع على السطور مكتوب الانتحار خارج من دينى.

HoDa - Senderilaa \\ سندريلا

Taree2 Marsom
Written By : Mahmoud Hessein
Music : Cazer Beatz
Vocals : Mahmoud Hessein 
Master and Mix : Ahmed Shapaan
Chores : Omar Khatab
© 2017 Mahmoud Hessein

الكلمات :
اتوجعت لما عرفت مصيرى هتبقى نهايته إيه ..
من كسرة قلبى رجعت ع الوضع الى بدأت حياتى بيه ..
اتوهمت انى أحقق حلمى وأسعى اوصل اليه ..
لكنى جاهل وضع ميسمحش انى اتعب مره فيه ..
طريق مرسوم جاى الحياه علشان تمشى وتكمله ..
طريق مرسوم والمطلوب بقلمك تقعد تلونه ..
طريق مرسوم فكرك عمره ماهيغير يوم ف اوله ..
احلامك وهم وبتعيشها او فيلم لوحدك بتمثله ..
قطر طالع من محطه عارف طريقه نهايته فين ..
مفروض عليه ولازم يمشيه ولو وقف ف السكه مين ..
حياتك أشبه بيه وهتمشى ولو أنت المعادى ليها ..
التزامك بالقوانين مش هيغير فكرك فيها ..
بتضيع من عمرك سنين فى وهم خيالك بتقضيها ..
مش هتعيش كتير فى حضن حاجه كنت بتحلم بيها ..
واقع مر مش قادر تقاومه الأحسن موت ..
او خليك عايش ف بؤسك ومحدش سامعلك صوت ..
.......................................................................
Chores : Omar Khatab
" الميت عايش بس ميت فكره ان هو دا القانون ..
 مش هكابر فى الحياه هموت ببطء او أعيش جواها بجنون .. 
 طريق مرسوم والاختلاف يخليك عايش جوا منها مديون 
 انفصل عن الحياه دا مأمن ليك من طريق مسدود "

Mahmoud Hussein | محمود حسين

Popular tracks