التراك فشيخ  ,, بس البيت معمول ف تراك عارف بتاع صب زيرو

Ba3d El Nesyan

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

*****************
الـــكـــلـــمـــات

صحي في يوم مش فاكر من حياته اي حاجه
سأل نفسه : انا مين! ، و قام يدور علي إجابه
لقي في دولابه صورة صاحب عمره قال "محمد"
"انا فاكرك" ، و بدأ ييجي في باله أكتر من مشهد
لقي موبايله و لقي الرقم ، طلبه بدون تفكير
رد صاحبه بـ :يااه يا صاحبي ، فينك من كتير؟
انا فقدت ذاكرتي
عشان كده اتصلت
خليها تحكيلك إزاي علشانها بعت طوب الأرض
بعد ما اتقفل في وشه سأل نفسه مين اللي أنا
بعت عشانها صاحبي ؟ ، و هو بيسأل نفسه لقي
دبله و تحتيها ورقه ، مسك الورقه و بدأ يقرأ :
صعب عليا أقبل مكونش أم ... أتمني تفهم
إنهار وكسّر كل حاجه جت في طريقه ..إتجنن
فين و فين أدرك إن ده مش حل ..استسلم
بيُحاط بذكرياته مع مراته كأنه فيها
اي نعم ناسي كتير لكنه إفتكر حبه ليها

في حياتنا النسيان يُعتبر مرض و لا نعمه ؟!
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا(x2)

بعد يومين طوال قرر ينزل بين الناس
قعد على قهوه ، قابل عجوز مسميينه الخال
سأله: مالك يا ابني شايل هم الدنيا لوحدك؟!
رد : نسيت الناس ، و الناس نسيتني، إيه اللي يضحك؟
ضحك الخال .. الواد اتنرفز ، سأله: ايه مشكلتي تافهه؟
رد : يا ابني انا ابني رماني في الشارع ،اديني مرضك لفه
في الآخر خده يكشفله و قاله : يا ابني ثق في الله
و الدكتور طمنه : هتفتكر بالوقت و العلاج
رجع بيته و حبس نفسه لمدة اسبوعين
أدوية و تمرينات ذاكره بالكاد إفتكر شيئ
قبل ما ينهار عصبيا قال ينزل يرغي مع الخال
قعد مستنيه عالقهوه و زهق بعد تالت شاي
سأل القهوجي عليه ، رد القهوجي بكره غريب
الخال ربنا افتكره ، و الله ما أعرف ليه ناسيك !
طلع محفظته يحاسب كان زعلان أد ما مذهول
وقعت من محفظته صورة الخال ... بمعني اصح أبوه

اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش(x2)

الجوكر بعد النسيان - el joker ba3d el nesyan

Eljo_بعد النسيان

راحت ي خال ايبك عطاله و بسام عمر جيتار.m4a

mix&master by: seka                                                                                           beat:click clack                                                                                                         lyrics:                                                                                                                                  حددتوا حياتي قبل ما تبدا بارقام في ورق
الشخص اللي مكبوت 18 سنه خلاص اتخنق
بتقولوا اني فشلت علشان مفهوم كليات القمه
ضحكوا علينا لما قالوننا اتعب شويه وانت هتوصل 
فادرس في كليه عمري مكنت اتمناها
علشان مجموعي الوهمي عمرو ميمشي معاها 
فبقي زي كل الناس مجرد شخص الي 
نوم اكل جنس  والقصه كل يوم تتعاد من تاني
عمري مكنت اناني عمري مكرهتكم
اللحظه اللي صحيت فيها حبيت اوصلكم
اني كنت مغيب في مجرد تعليم عقيم
اهدم كل افكار التربيه والتعليم
ضاعت قيمه التعليم لما بقي مجرد سلعه
مفيش مدرسه وحصصي كلها سنتر
فبقي التعليم بس للي معاه فلوس
فاصبح التعليم المجاني مختفي لا يجوز













بيهدموك علشان مبقتش بتشتغل  معاه
بكره ابقي زيك سيبك من اللي بتتمناه
مهو كدا كدا الظهر لعب معاه 
عمل بيت واسره وبقيت انت اللي بتعصاه
في دماغهم عاصي عمروا مهيصرف عليك
ساعد انت نفسك وابنيلك بيت 
هكون اسره ازاي وانا بقبض ملاليم
مهو انت مكنش ليك حظ في التعليم
واللي بتحبك تسيبك مع اول دبله عريس
وتشوفها يوم فرحها مع عريسها بتهيص
طب ليه مليش حظ فيكي 
علي فكره ممكن بسهوله يبيعك 
وتبقي سبتي اللي شاريكي وبقيتي مع اللي باعك
دوري بيا يا دنيا واعزفي ايقاعك
سبتيلي ايه يا بلدي علشان اكمل علي ارضك
علشان اوصل لازم اعرصلك


 
  

تراك بالورقة والقلم

مشتاق وبكذب وبنكر إشتياقى
بدمر الحقيقة .. أو اللى منها باقى
مين المسؤول عن الفراق؟ ميين السبب؟
ميين اللي باع عقد الوصال واتقلب
مين ومين ميت سؤال لإجابة واحدة
بس الهروب دايما وسيله في اولها احلى
انا رد الفعل فعل انتا السبب فيه
انا اقرب حد كنت ليك هاتلاقيه
انا بلومك على قرارك واختيارك
انا لو بس افهم اسبابك وافكارك
كلام كان نفسي اقوله والمضمون كذا جواب
عنوانه اسامى ياما من الحبايب والصحاب لو عاد بيا الزمان كنت هاجيلك واكلمك
اقعد معاك واحكيلك والجواب اسلمك
يمكن كانت هاتفرق وابطل في الوم
لو كنت فيوم بلومك انا بلومنى كل يوم
ياناس جاراتلى .... زاب ثروت/حمزة نمرة

مشتاق وبكذب_زاب ثروت_ياناس جرت لي_حمزة نمرة

Sendrilaa
Written by: Mahmoud Hessein
Music: Ahmed Shapaan
Vocals: Mahmoud Hessein
Master and mix by: Ahmed Shapaan
Back Vocals: Omar Khatab
© 2017 Mahmoud Hessein

الكلمات :
من وسط سطور كتيره مشاهد دمع ع الورق.. 
أحزان كسرة نفوس وناس قلوبها بتتسرق.. 
رويات بتدارى روحها خايفه تظهر ع الملأ.. 
شخصيه شبه حيه بعد م كل شئ إتحرق.. 
رافض ظهورى ع السطور معاكى فى صفحه واحده.. 
بشوف سذاجة كاتب أهدر حبره فى المناهده.. 
فكرة كتابتى عنك بالنسبالى صدفة باحته.. 
عقلى الباطن والقلم غيبونى فى التراك دا.. 
كرهتك انتى وأنا لأن أنا بتحبك أنتى.. 
كنت جنبك فى احتاجك فى إحتياجى أنتى سبتى.. 
شكك كونه بيشككنى فى فكرة شكك فيا أنتى.. 
مش بعيب فى حبى ليكى فى حبك ليا أنتى عبتى.. 
انتهت بداية كانتت أجمل من أنها تنتهى.. 
ف وصولنا للنهايه مش قصتنا لأ دى قصتى.. 
شكك فى حبى عيبك أو صراحتى شئ مش منطقى.. 
وعيبى اديتك كل شئ وصباعك مفهوس دبلتى.. 
الم ذكرياتى مش هتحسه تانى معايا.. 
نسجت من خيالى قفله تليق بالنهايه.. 
القصه مش مثاليه ف مش هتشوفها يوم في روايه ..
على وجعى مش بداري افهميها م الكنايه.. 
بكلم عقلك مش بكلم قلبك الي داس عليا.. 
كتمت صراخي فيا يمكن تشوفيه جوا عنيه.. 
كاره مشهد وداعنا والوداع مش ساكن فيا.. 
فكرة كونك ضحيه أصابتني بشيزوفرينيا.  
بتسمعيني وانا موجوع بس صوتى مهزش جسمك.. 
بدعيلك في كل صلاه والدعاء حروفه اسمك.. 
افكار متشابكه بتهتف والسكوت هو ميزتك.. 
كذبة ان كذبي شك مش تحسين لوضع فكرك..
فاكر شكلك لما قولت بحبك مش قادر أنساه.. 
فاكر لمعة عنيكى بحبي گأنى كنت طوق نجاه.. 
فاكر وداعنا مش ناسيه مش حابه يكون فى الذكريات.. 
دمرتيني ببعدك ليه ليه ولغبطتى كل الحسابات.. 
مش عايش دور البرئ مش بستدرجهم فى صفى.. 
رفضتى كل فرصه سحبتى ايدك من تحت كفى.. 
مش حابب أبان ضعيف بس القوه ضعفك انتي.. 
شوهتى رسمه جوا عقلى كانت محفوره بنبض قلبى.. 
أطول قصيده بتنكتب كذب صاحبها وانسحب.. 
قال دا حب قلمي فيها من وريدى بيتنهب.. 
بتناسي انك نسيتى صوتى نسيتي كلامى وحبى ليكى.. كأمر واقع بس الأوهام بتراودنى أسرح فيكى.. 
واقول خلاص سابتنى نسيت شخص الحب كان سماه.. 
بيقل الاكسجين في بعدك طيفك بيقضى ع الحياه.. 
مفيش تناقض بينا واختلافنا أعلن منتهاه.. 
عارف مش راجعه تانى فرضك عنيا مش شيفاه.. 
هديت عشانك ألف سوور لكن مصره تبعدينى.. 
روتين خسارة كل شئ حتي التنفس شئ روتينى.. 
مش مدرك أسباب فراقك إيه السبب إنك تسبينى.. 
وجع على السطور مكتوب الانتحار خارج من دينى.

HoDa - Senderilaa \\ سندريلا

محبوس في دايره من الأوهام واليأس
 بحاول اتحرر كل يوم مش عارف لا بأس
يمكن لما الناس تتعرف علي أحزاني
 تفهم تقدر تصرفاتي افعالي وجناني  
لا بقي كفايه كفايه كفايه تبرير 
كفايه كفايه محاولات بائسه للتغيير
خلاص مش هسكت هتكلم بدعوكوا 
للسماع هختم كلامي في النهايه بكلمهالوداع  
قررت أسيب حياتكم واسيبلكوا المسرحيه
 افرحوا بالاضواء والتمثيل والنجوميه
وهميه الدنيا اللي كلنا عايشين فيها
 عارفين والغريب بسنانكوا متبتين فيها
انا عارف ان أنا مش أول واحد يتعرض لضغوط
 ولا هبقي اخر واحد ياخد حياته بأيده يموت
مش كفايه طول اليوم نظراتكم ليا 
بتجوني في فكري قبل النوم وفي أحلامياليوميه
اسألتكوا بتنهش عقلي زي الضباع بتحوم
 وازاي ألوم في ضبع  كنت بأمره بالصوم
فا لو سألتوا هرد بأي كلام وأضحك عليكوا
 بزعل لما تصدقوا الكذبه وتكذبوا عينيكوا
يمكن بتصدقوني علشان  ده اسهل علي ضميركوا
 بتسألوني مالك أنتم كتير وغيركم
بس عمر ما حد فيكم اهتم يسمع الاجابه
 ولو فتحت قلبي ليكوا هتقولولي بلاش كآبه  
فسيبوني أروح لعالم تاني اجمل من عالمكوا
 أكون في وسط عالم أعلم بحالي منكوا
الوداع للقوم الكاذبين المدعين
 لا تصطنعوا اهتمامكم كلكم مكشوفين
 
2x
وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي



الوداع للقوم الكاذبين المدعين
 لا تصطنعوا اهتمامكم كلكم مكشوفين
الكلام لمين لكل المستمعين وعلي لسان مين مراهقين بكره يبقوا كبار
قلوب صغيره بتعاني سرعه الاحتضار
 ضغوط الأهل والمجتمع أثرت عليهم 
زرعت فيهم مشاكل أبدا ما كانت فيهم
 من تهميش صوتهم ودورهم فيمستقبلهم من أهلهم  
معاناتهم لو اختلفوا عن مجتمعهم في فكرهم
 ازاي بتلوم في طفل أنت السبب في تكوينه
بتستنكر وجوده بتذل فيه وتهينه 
افعالك في الاساس هيا اصلا سبب المرض  
لو مش عاجبك تربيته المفروض أنت اللي تتحرج
 هرج ومرج جوه عقل الشاب اللى اتدرج
تحت تصنيف مكتئب عايش بيحلم بالفرج
 الاكتئاب ده مرض مش حاله ولا موود 
واصل لربع شبابنا بالأرقام والشهود 
٢٥٪ من الشباب مكتئبين
بيعانوا امراض نفسيه وعن الحياه معزولين 
٦٪ منهم بيفكروا في الانتحار
 وارجع لكتاب اكتئاب المراهقين والاطفال
فمتربوش ولادكوا عالأوامر والتهزيق
 متكسروش مقاديفهم بالكبت والتضييق 
العنف مش بس عنف مد اللسان والإيد
 العنف كسر النفس وتحويلهم عبيد 
فا لو أنت نفسك مش متصالح مع نفسك
 متجبش في الدنيا طفل فيامراضك ينافسك 
 واعرف  وافهم ان البنين زينه فتنه زي المال
 فاللي معهوش فلوس بقي بيكنز في العيال 
اللي غرقوا في مشاكل منشأها البيوت
 انا مش جاحد لفضل أهلي ولا بدعوكواللعقوق  
انا بوصل حقيقه مجتمعنا
 مجتمع أملي وأملهم انه يسمعنا  

2x

مش وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي

أغنية خمسة وعشرين | زاب ثروت & ساري هاني مع هاني الدقاق

اتغيرتي ليه ..احمد فضل و احمد البرش 2018

حصريا اغنية لمين الفل - احمد بدوي & وسام2019

https://www.facebook.com/Abdelrhmankamall/
youtube channel : https://www.youtube.com/channel/UCZnSvrdpSGTkPxE334Q80lQ?view_as=subscriber

HoDa - Senderilaa \\ سندريلا

Mahmoud Hussein | محمود حسين

Recent comments

Amr mohamed

أم حبيبه

Khaled Emam

Ahmed Abd-elmaksoud

Related tracks