رابرك المفضل الجديد 
جو معطّر من بعيد 
كلامي مدكّن تنجيد
راسي محشّى تأتيء
تقتيل الموت ليأتيك
من بين الموج يقصيك
من ايام اللوج مرّيض
من قاد الفوج تهريب 
صاحبي الزين صوّيب الخطوة للهدف غالية
جماعتي حيل الطريق الدفشة منهم كافية
ناسي بالشارع ترويق، بقولوا بدهاش تخطيط 
بمكالمة وحدة منجيب ارواح ان نفسك رايدة

ما بعمره جاني ستريس من ناس كايدة 
المرض الدايما بحس بس صدمات قاسية
قدامي الكون ومصرّ بدي حارة دافية 
قبالي الكوك ما بشم ولا بحب انوف صاحية 
عبالي اشُك بالسر حط اوهامي بخاتمة 
سكين شرياني تحز، ان بكس سنيني الباقية 
بهيك قلب كيف بحب، بسب تعليقتي السايبة
بقلها وحوشي بينا تحد، بفهمش ردت راضية
بضربة قاضية، يا انا يا انا هالسنة حاسمة
احمالي راسية، يا بر يا قبر عالباقي دايمة 
خيبتي حالها بانية رضا من اوجاع باينة 
افكار فانية، بغير قدر بحبة فشك نايمة
اكتفيت من القرف، الوان الغرف بتخري بترف
لون السما حيادي للعما مالوش بالاذى
بضوج من ولا شي شي بتيجيش من الهوا 
بمشّي وبشدّ ايد من حديد بقيس المدى 
تفكيك ضغوط بتعنيف، تكفيف عيون بتقليع
تفتيل عضلات ترجيل بطخ ركبة بخصيه
سكيني ساخنة زبدة كليتك دايبة شريك
سنيني خادمة زنزانة براسي ايمتى الريليس

Iqsaa' - إقصاء | Prod. nasam

كلمات:سربست sarbast
من mixtape أنا
mix & master : alpha blood
rec : sapila studio

لوحات| lohat


رائد :
بيني و بينك في 30 سانتي والمدينة واقعة 
في موت عالحفة احمر بلون حمرتك الفاقعة
سماي ع جبينك بعيدة عن الملاجئ
مستعد يلبسني الذل إذا بحضنك بكون لاجئ
بحضنك بعمر بلد بلا إقامة مؤقتة
جاهر بالغضب ويلي بيحكي معتقل كرفتة 
لا تخافي ستي بتقول عمر الشقي بقي 
قولك هالقد مغري الصمت لحتى ما ضل حكي 
نقي الرعق ع رقبتك .. في شبه توصيف
في ولد ممكن يكون ابنا عرقان ع رصيف
ببيع قائد و والي و عسكر بحفلة ترقيص
تهجير و ضرب و قصف و حصار و تعريص 
فكي الزرد ما بتلبقلنا الأقبية
في سما فوق مفتوحة بتوسع ما بدا ترخيص
تعودت أكون مفجوع ابن مجزرة سايبة 
لهيك لوني باهت بلون كحلتك الدايبة
زمليني خايف من فكرة شريدة 
أخواتي نسيوكي و عشقوا غصب بالبلد جريدة
كوني إلي .. نظامي حريتي وأزمتي 
بيني و بين صفينة بالوطن طريدة ..
..
ابن حواري :

بيني و بينك ؟ ..
في 30 سانتي والمدينة واقعة بيني و بينك 
كل ما الليل هد حيلي .. شدي حيلك ..
شدي كل نجمة لحضنك .. 
شمي همي .. 
كني .. 
خصرك مطرح ما البلد تركتلي حالها ..
شقي كل وطن ك جيبة .. 
تمسكي بروحك ك خيمة .. 
بيني وبينك رب وعالم ..
شكي بالأمل .. 
تزرري كطراف كمام يلي ماتوا .. 
رواحون مين شالها .. 
كرمالون بيع آدم .. 
بيني وبينك زير نالها .. 
ما ضل لجئة ما غنالها .. 
ماطل بالالم .. 
رخالها .. كل وتر .. 
لحالك بأرض لحالها .. 
حالك هالوطن .. كحالها ..
هالك هالظلم .. كهالة .. 
هامة الشعب لهاية الحبس .. 
بس خايف الحبس ندعس عليه بسفل نعالها ..
و العالم بيني و بينك .. و كلشي في كواكب ..
بهالمسافة لسا باقي .. نبي و وحي و شالك ..
و كل تفصيل بالحكي البين الأرض ودم أبي ..
لبيس الأرض اترك هلي ..
و اتركها لي ..
كلي ما لي من الوجود من دمي ..
كل ما بيني و بينك يشتهي ان ينتهي ..
ف انتهي ..
إلي ليس بي ..
ليس بي ..

مسافات  ابن حواري رائد غنيم

Mix & Mastering : Meta Blxxd

rec : sapila studios

أنسى | Ensa|| Sarbast X Meta Blxxd X White Tiger

زُقاق بمحاولة إنتاج ابن حواري
هندسة صوتية : وتر جندي مجهول 
Artwork سليم جويّد  
زُقاق : https://soundcloud.com/user-960791233

زُقاق - سياج - إنتاج ابن حواري

يقظة 
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
كم رغبنا أن نكون قصيدة عن كل من جاعوا و نحن مترفين
هل هنالك من فم لم يسرق الأحداث من صحن صغير
أو من تفاصيل صغيرة كأشلاء تمسك بعضها في ملعقة 
و كنا نحنا من كنا كما كنا , بعيدين
و كنا نحنا من كنا كما كنا 
ندور بها و هذي الأرض تتبعنا
تتعبنا
و نغرق نحن في الراحة
و يبقى الحي في يدنا , فقير
كم رغبنا أن نكون أغنية عن كم رغبنا أن نكون
كم كتبت جروحا لوثتها أصابعي
حاصروني رغم أني كنت أملك من دموعي مدينة كبرى
كيف سدوا كل منفذ
رغم اني كنت أملك من دموعي مدينة كبرى 
و هم لم يملكوا إلا الضجيج 
كنت أنوي ان أرتب من سكوتي باب
و ان أحمل على جلدي كل رسومي و 
أركض خلف ذئبي حتى آخر ناب
و كنت أنوي أن أصلي 
و ان أسمي باسم حب الله
لكنهم كانوا يجوبون الحلم 
موقنيني بأنني سأمر بالأحلام
كم حلمت بأننا لن نكتب الكلمات عن جائعينا مطلقا بعد الطعام
أو عن من تمسكوا بالبساطة و العراء و نحن نلبس أحجية
كم حلمت بأن لي أمي و أبتي و بيت الله أختي و أحمد خبزيَ
كم حلمت بأنني سأسير فوقك جثتي 
و أن قوتي أغنية

13. يقظة

16/60/2014
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :

كل العيون كواكب , كل المسارات ارتجالات شفاه
لمَّ الفضاء قبلة , و انزاح
و ارتاح في حضن المجال
لم يعد لليل داع , لم تعد لليل نجمة
سرقوا له أثدائها 
انسكب فيه خيالها جرحا لطيف المنكبين
كل كتف ألف مطر من شهيتها إليه
مزقوا أسمائها و لم يزل صوت لها مرميعلى مسامع كل ما فيه من جسد
لم يمت أبدا كما فعل الأبد
ذئب روحه
فضة العينين تاهت
مرجح النفس آلهه و انتحل دورة القيامة و انتحب
مات فيها أم عليها , كل ما صارته من موت تماسك قبله
و انتمت للرقص فيه أم عليه
لم يكن يحصي الحديث أو القبل
كل احتمالات الحنين إلى التأني في الغزل
بات فيها كل شك بات فيها
كل ما في الأرض فيها 
كل ما فيه وطن

10. 16/06/2014

المشهد الثالث
كلمات و أداء : ابن حواري 2013
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
الشمس حدة 
شفتها إيدها عدت 
سكرت باب البرد 
و انمدت 
كانون ورا الباب متخبي
و مخبي الغيمة تحت طاولة المتة
لم الهوا بإيديه 
ريحة البيت خبى 
بجيبة قميصو 
استنى 
بين عيون الحارة الباب ما اتسكر 
ما اتذكر حدا يبكي 
عاش و كل الحارة ماتت 
راح يكبر 
الليل راح عم يشرد 
التخت مرجوحة أحلامي 
و أبعد من إنه يسند 
ضهري
عم بنادي رح يسمعني
بمكان الحيطان فيو غيوم 
أرضو سطح السما 
شباكو طيور 
السقف مطلي أمل 
و الحياة على أد المحبة 
لم حبة مطر و زرعها ع كتف الكون 
صرخ "حبني" 
قلتلو بحبك 
قلي "استنى ارجع ضمني" 
بكيت بكفي 
و لك أبكم أنا و أنت حرفي يابا ! 
"الفظني"

08. المشهد الثالث

المشهد الثاني
كلمات و أداء : ابن حواري
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :

الفجر شايب 
الدفا فيه غايب 
كنت حاسس انو اختفى و مو نايم
عيوني غمضتها 
ما نمت , بس غفيت 
ع رموشي اللحن طاغي 
يا بحبسو بشفافي يا بكيت 
انتهى 
نقطة 
صحيت الضو ع وجي دمعة 
مسحتها ب في السقف 
فتحت الباب فقدني الوعي 
شفت الدرج وشم 
ف سبني الوعي 
حملني الحكي ع ضهر الدار 
لفظت الدار بكوة 
فيها كلشي إلا دموعي 
فيها غطى شمس وجودك 
لمحتك عم تنادي 
طفوا ضو القمر 
عديت نجوم السما أقرب من دموعك 
ع كتفي 
و صورتك خيال عم يتمشى بحضن أمي 
صلي لرجوعه 
خلص الفجر 
فيك تغني

06. المشهد الثاني

المشهد الأول
كلمات و أداء : ابن حواري 2013
إنتاج : جندي مجهول
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
المسا مرتب 
شباك عم بلالي
البرادي نعسانين
العلم ع كتف الحفة 
و صوت الآذان قتيل
الغرفة صندوق
الصورة حيط
الكرسي مخلوع عم بصلي
بس يا ريت يطلع صوت غنية ويحكي
طفوا هالمسجلة 
بكرة بتخلص كل العتمة 
منتخبى ورا جدلة شعر أول نجمة 
بسما صافية نتفة 
و على الهاوية نكتب 
هون كان في حفة
انبلعت بالصدفة 
لما كان المضغ هادي 
و كان الموت مو عادة 
و كان أبي يركي راسو على مخدة 
مو ع رصيف بشارع تلاتين 
كان يتغطى بلحاف دافي 
مو برصاص البردانين

04. المشهد الأول

إنتوا | بلا راء
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :


لكل حي مخبى بقلبي كدمة 
لكل حي خبى بقلبو هتاف و غضب لقلبي 

لكل شباك تهمة 
لكل مين ما عم بزاول الألم ك مهنة 
يزول الألم ع كفنا خيا 
حتى لو اعتكفنا خيا
بزنزانة أمم متحدة

لكل حي خانق الحكومة لو بكلمة 
لو بحيط خانق الحكومة لو بكلمة
لكل شعب أصم بوقت الخطاب 
لكل شعب بازق المجلس قبل و بعد الكلمة

للحدود جوا البلد 
و ولاد البلد ال عالحدود
و للبلد بعد الحدود  الع وجوهنا متقسمة

لكل محاولة نجاة 
و لكل شاهدة بلا صليب أو مطمئنة
لكل ضمة وقعت منا
فوق حاء بحبك

لكل حب فوق المسافات كمل
بسمة بسمة

لإلنا نحنا الناس
ل يلي لموا عن وجوهنا التعب و الآس
ل يلي انتبهوا للسواد تحت عيوننا
يلي بيوسع مع الضحكة

للصبح الجاي عالبلاد فينا
لمعنى أسامينا

للحق للخوف للغضب 
للكلمة

01. إنتوا | بلا راء

An Arab rapper who was born and raised in Damascus' Jewish Quarter as a Palestinian refugee until the age of nineteen. In 2015 he went through the asylum journey process in order to reach Sweden, and in 2022 he relocated to Berlin. 

The Palestinian-Syrian environment has always 
influenced Ebn Hoari's work, The outcome was a collection of politically and socially heavy subjects reflected his views and beliefs. 

For him freedom is indivisible and the intersectionality of daily fight is a necessity, personal is political and political is personal. 
Ebn Hoari's approach is defined by a balance of 
harmony in adapting the language and rhythm 
to transform rap from being a musical product to 
a living human experience shared by Arabic speakers. 

He has a musical and poetic sense that contribute to the creation of work in which the 
listener enjoys the beauty of music while also 
cultivating a desire to explore the folds of 
language and underlying meanings.

06. المشهد الثاني

Ebn Hoari | ابن حواري

Related tracks