ياحسام عذبتنا بإبداعك ❤️❤️❤️

وعقد الانسانية اللي انت لابسه من اليورنانيوم مش دهب ولا فضة

سبحانه له حكمه في خلق الرغبه و المقدور 🧡🧡

Hehehhehehe el sound effects moshkela 😂🔥🔥❤️

بصوت حسام ابراهيم .. من ديوان مفيشاليا 
 و ديوان سجن اس اربعة و  ديوان بشيكل فول وبنص طعمية و قصائد اخرى

حسام ابراهيم

لحن التحفجية، أو لحن الحشاشين لسيد درويش

غناء طارق بشير
كمنجة احمد الصالحي
الخواجة نيكوس بيبمس قانون

من جلسات شقة كيلبورن
٢٨-٩-٢٠١٣

التحفجية- طارق بشير

ريما خشيش - بكفيني

اسكندريلا - مصر جميلة

الماريونيت - كلمات فؤاد قاعود

من المرات النادرة اللي أرغب فيها بتسجيل الأغنية في لايف بدلاً من الاستمتاع بها، وده لأن وهبت عُمري رافقتني في لحظات صعبة فحبيت أشكرها وأردلها الجميل بإني أسجلها عشان تسمعوها وتستمتعوا بيها زي م استمتعت بيها وب مريم صالح وحضورها الأخّاذ وصوتها الجميل، كانت ليلة فيها وجبة دسمة من الموسيقى وفن الشيخ إمام خرجنا منها جميعاً بأرواح شبعانة حدّ التُخمة. وشعرت بالصفاء جوايا.

أتعجب من تعلّق أحمد فؤاد نجم بالحشيش، حيث أن أغاني الشيخ إمام مع العود كفيلة ( بعون الله) تطلع بيه فوق السحاب.

مريم صالح - وهبت عُمري ( حفلة أهيمُ شوقاً)

تجمعية أغانى فى دماغى

مقطوعة موسيقية - حازم شاهين
- كات ها تفرق في الوداع - مصطفى إبراهيم
- ع القد - مايكل عادل، شادي مؤنس
- عكس الإتجاه - مايكل عادل
- الموت بيشبه للحياة - مصطفى إبراهيم،حازم شاهين
- كمان و كمان - أحمد حداد،شادي مؤنس،حازم شاهين
- بدون إنذار - مايكل عادل
- نعناعة في كوباية شاي - أحمد حداد، حازم شاهين
- السلام عليكم - مصطفى إبراهيم
- يا رب - مصطفى إبراهيم، شادي مؤنس
- من سكات - مايكل عادل
- معملش حاجة تستحق الذكر - مصطفى إبراهيم، حازم شاهين
- دكتور فوزي إسحاق ميخائيل - أحمد حداد
- أول ميعاد - مايكل عادل، شادي مؤنس
- إبني الحبيب - مصطفى إبراهيم
- تفرانيل - مصطفى إبراهيم - شادي مؤنس
- دولاب الهدوم - أحمد حداد
- بكرة - أحمد حداد، حازم شاهين
- سكريبت - مايكل عادل
- عيني في عينك - أحمد حداد، حازم شاهين
- البنكنوت - مصطفى إبراهيم
- ضربوا القمر - أحمد حداد، شادي مؤنس
- يا عاشقين وجه الجمال - مايكل عادل، حازم شاهين
- صفحة جديدة - أحمد حداد، حازم شاهين

20 - بكرة - أحمد حداد، حازم شاهين

شخص تايه،معندوش فكره بيعمل ايه او المفروض يعمل ايه،حاسس إنه مش لاقى نفسه،عايش حياه روتينيه مفيهاش روح،ماضى وحاضر ومستقبل ملهمش ملامح،حياه غير صالح للإستخدام لحد ما يلاقى نفسه.


Soundtracks:
1-حد يقولى أنا من فين - طرازان
2-Fix you - Boyce avenue
3- آيه وفيفى1 - مسلسل لا تطفئ الشمس
4-تايه وسط دارى - محمود طارق
5-قصيدة المولوية - مصطفى إبراهيم
6-إمتى بقى هعيش - روبانزل
7-تايه ومش شايف حاجه قدامك تايه وسط دوشة كوم أحلامك
8-حاجات مش شبه بعضها - زينب فرحات
9-تايه - كايروكى
10-ياللى تايه فى الزحام - E Mad
11-وحدى - مريم صالح
12-تايه - أحمد خضر
13-حياتى بالمختصر - زياد رحبانى
14-I wanna believe in my - Demi Lovato
15-فى وسط أفكاره - circle band
16-آيه وفيفى2 - مسلسل لا تطفئ الشمس
17-ماذا تنتظرين؟ - ريهام شعبان
18-Run - Moseqar

وتاهت نفسي مني وسط الزحام

Me and Carl rehearsing and jamming 
El khof
Lyrics by: Omar Mostafa
Music & Accordion : Youssra El Hawary
Mandola : Carl Capelle 

El Khoof - rehearsing with carl

رباعيات صلاح چاهين
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي

youtube.com/watch?v=Mu6_IfVh1D8

Quatrain Salah Jahine - Ghalia Benali & Maryam saleh  مريم صالح و غالية بن على رباعيات صلاح چاهين

قصيدة تقرير الوفاة من ديزان " سجن أسّ أربعة " للشاعر حسام إبراهيم
https://www.facebook.com/hosamibrahimm

إلقاء وهندسة صوتية : منّه كُردي
https://www.facebook.com/mennakordii

مكتوب في تقرير الوفاة الآتي :-

جسم الضحية سليم مافيهش خدوش ..
و مفيش آثار للضرب و التعذيب ..
سم الفيران في الدرج مأخدهوش ..
و مفيش سلاح للقتل في الدواليب ..

ساكن لوحده .. الناس مابتروحلوش ..
و مفيش صحاب بتزوره لما يغيب ..

كان عنده عَجَلة معوضاه أهله ..
و بيمشي دايما بيها جنب الحيط ..
في الجري حتى بيجري على مهله ..
و يخاف أوي م الزحمة والتخبيط ..
و ساعات يخاف عربية تندهله ..

أتفه من إنه يبقى له عداوات ..
أو حد صاحب مصلحة في قتله ..
أتفه من إنه يبقى له صداقات ..
أو سيرته تيجي و حد يشتاقله ..
مالهوش آثار أقدام ولا بصمات ..
مايحبش الأحلام ولا البطولات ..
ولا له مقولة هتبقى تاريخية ..
عاش الحياة بالظبط كما هيه ..
ماعملش ويا الخلق أي وعود ..

علشان كدا لما عملها و مات ..
لا لقينا عنده جروح ولا كدمات ..
كان جسمه سالم مية في المية ..
و كأنه لسه من مفيش مولود ..

قولنا ساعتها دي سكتة قلبية ..
و فتحنا 
لقينا قلبه مش موجود ..

تقرير الوفاة - حسام إبراهيم - منه كردي

هندسة صوتية : مصطفى الملواني 
..
( الجيل الخامس )
..

دلوقتي تقدر
ع الشاشات التاتش ..

ف ثانية تحضر ماتش ..
وثانية .. تحضر غيره ..

أو تبقى جوة مُدرّجات التِّتش ..
وبرضه
جوة مُدرّجات San Siro ..
..
دلوقتي
يقدر النايم على سريرُه ..
يروح السوق ..
ويتسوّق ..
يتابع تحديثات الذوق ..
ويتذوّق ..

وهوّ على السرير قاعد وطافي النور ..
يخُش على ال Play store
يحمّل تطبيقات تقدر
تحوّل صورتُه من قهوة (حسين دَعْدور)
توديها لكافييه على حافة الإنديز ..
..
دلوقتي نقدر
عن طريق تحفيز أحد ذرات مُرَكّب ما ..
ندمّر كل ما شوفناه ..
كأنه ماجاش من الأول ..

ندوس ع التاتش
ونحوّل
مدينة بقالها ست قرون ..
في ثانية تكون
مدينة ماجَتش ..
..
نجمع ذكريات الناس ونحفظها ..
بحيث لو مات محمـد صاحبك اللي ماكانش لك غيره ..
تهرّج عادي وتهزّر كأنّه ماماتش ..

وتطلب شركة الروبوتات ..
عشان يعطُوك محمـد تاني متقفّل و ع الزيرو ..
ومتوصّل بشاشة تاتش ..
..

هنا
خَط الحقيقة بيترسم بال Hatch ..
وكلب العولمة السعران مابيفرقش بين stay وبين ال catch .. في العضّة ..

وعُقْد الإنسانية اللي انت لابسه .. من اليورانيوم
مش دهب ولا فضة ..
..
هنا قفل الحقايق صدّى ..
هنا السايق
ماهوش نفسُه اللي جاب الداغ ..
هنا السايق بيتفاجئ مع الركاب بكُل مطب ..

هنا الناس اللي بتعاند إرادة الرب ..
وبتبدّل دماغ بدماغ ..
بتاع ببتاع ...
وقلب وبقلب ..
وتلعب في الجينات علشان تصنّع جندي يبقى شجاع ..
ويوفيلهم وفاء الكلب ..
..

ووسط ده كله بتقابل بمحض الصدفة يوميا بشر واحد ..
مازال بيعاند العالم وبيصارع ..

يوماتي يخُش بلكونته
ويسقي الورد والنعناع
وينزل يشتري الجورنال من البياع
ويعمل شاي تقيل مظبوط ..
ويقعد يسمَع النَشرة ..

مصدق كل شيء لكن بيفشر كل يوم فشرة ..

لمحتُه من يومين قاعد
في قهوة في آخر الشارع ..
وجنبه من الصحاب .. عَشرة ..

..

شوية وقام
وقال : انا ماشي يلا سلام ..
ولسه بيركب العجلة وبيعافر مع البدّال عشان يمشي ..

في ثانية تدوسُه عربية
وجت له ازاي
ماتفهمشي ..

دقيقة ودمُّه ساح تِمًا على الأسفلت ..
وخَد أنفاسُه
واتشاهد
وفقد الوعي ..

وشوف سبحانه له حكمة
في خَلْق الرغبة والمقدور
وخَلْق المظلمة والنور
وخَلْق السعي ..

تخيّل تمشي طول عمرك بعيد عن أي شاشة تاتش ..

ويوم ما تخشّها ..
تدخُل
خلال آيتين
وصورة ونَعْي ..

..
#حسام_ابراهيم

الجيل الخامس - حسام ابراهيم

#جديد / ( محمود بالفراولة ) 
..
من كام سنة ..
كان فيه هنا
عامِل نشيط جدا ..
شغّال على المكنة اللي في الآخر هناك ..
( محمود علي الحجاج )
زي الشيطان في السرعة والإنتاج
وأوّل ما الأدان يدّن .. 
مَلَاك ..
..

ببساطة
كان راجل خلاصة ..
ينتج في ساعة الشغل بالميت 200 مصاصة ..
وف يوم بسجّل إسمي في الكراسة
وانا واقف هناك
بختم على الباركود
بعد انتهائي من ساعات شُغلي ..
بلمح 
لقيت محمود
هناك ع الوِنش
وبيرمي نفسُه في قلب خزان الحلاوة المغلي
وبيختفي جواه
كأنه ماكانش ..
كأنه ماسابش ولا بصمة صُباع في مَكَنته ..
كأنه ماجاش
وماتنقّلش
م العفريتة .. للبالطو ..
كأنه ماقالش ليا في يوم
( يا صاحبي الشخص في المصنع مكَنتُه مكانتُه ) 
..

بخفة وذوق
رحل من بينّا ..  سِنّه بسِنّه .. واتبخّر بكل هدوء ..
بدون ما يكلف التأمين تمن مَرهم .. يداوي حروق ..
خرج منْها 
بلا تأبين .. بلا تغسيل .. بلا دفنة ..
وزي ما خشها حِفنة ..
خرج حِفنة ..
وزي ما كان كلامُه زمان بيتحفنا
وداعُه كان عفيف جداً
وشيلُه كان خفيف جداً
ماسابش علام على كتافنا ..
..
وأذكر وقتها خوفنا اللي شالنا وحَط ..
وطيّرنا أما شافنا خُفاف .. 
ويكفيك شر جن الخوف  .. إذا خضّك .. لقاك بتخاف ..
بتوجع طبطبة لاكتاف ..  في كِتفك لو شبع م الخَبط .. 
..
وأذكر في العزا حسيت 
نزول الدمعتين العُبط ..
وأذكر يومها لما بكيت .. بكيتُه ثانيتين بالظبط ..
..

وقطع اللحظة صوت وشوشني  في وداني :-
سعاتة الباشا في المكتب بيستناك ..

سمعت الجملة وكأني .. سمعت الأولى بتزيع إن بُكرة العيد ..
دخلت لقيتني بتقابل مقابلة شخص لسّه جديد ..
لقيت الباكو والترقية والتجديد 
في إيد السيد المُختص بإدارة مصانع  (بِم بِم) ..

يا نتفاهم ! يا إما هتندم !
رمالي الكلمة راس الغول ..
ورجّع ضهرُه ع الكرسي وعَدَل البدلة واتهندم
وكمّل قول :-

خليك حَمول
وامسح دموعك .. ده اللي حاصل حَصَل ..
فَرَجَك وَصَل ..
والحزن مش مناديل مبوّشها البكا ..
لو ع البكا
ياما ناس بتبكي وهيّ بتخرّط بصل ..

من بُكرة هتعود للعمل ..
الحي أبقى 
والعيال .. بالأمل .. أوْلى ..

محمود علي الحجاج في حضن المولى .. 

لم يبق من جسمُه ..  غير دمه اللي في الخزان .. 
لم يبق من إسمُـه  .. غير ( غ ) اللي في الكراسة ..

ومشي ..
لكنّه قبل ما يختفي ..
لف وضربني سؤال في مَقتل موقفي العيّان  :- 

هل تُصنع المصاصة للإنسان ؟ 
أم يُصنع الإنسان من المصاصة ؟
..

#حسام_ابراهيم 
يناير / 2020

بم بم (محمود بالفراولة) - حسام ابراهيم

(من مستشفى الصفا)
..
حيران ..
إيه اللي ينفع ليا في القمصان ..
مش يعني
كنت خلقتني أعمى ؟
ماشغلش عيني بأيها اختيارات
ألبس مقلم / سادة أو كاروهات ..
أو أي حاجة
ويبقى فضل ونعمة ..

حيران ..
أسمع أغاني ؟ ،، أسمع القرآن ؟
مش يعني
كنت خلقتني أطرش ؟
مفرش سرير/ لـ منير أو لـ مشاري ..
للنوم و أحيانا حاجات أخرى ..
أتحَط بعد الضُهر ع السفرة ..
قدام منير
فيغني مايسمّيش ..
قدام مشاري
يسمي مايغنّيش ..
مفرش بقى / والصوت مايشغلنيش ..
وكل همي
الشوربة ماتطولنيش ..

حيران ..
المية أحسن ولا قرش حشيش ؟
مش يعني
لو ماخلقتش النخاشيش ..
أو حتى مثلا عندها حساسية ..
جيوب أنفية / بتكره الدخان ..
كان الحشيش هيكون مخدّر سام ..
والمية تبقي صديقة الإنسان ..
والحيرة تصبح زينا / فانية ..

حيران ..
بينك وبين مشواري في الدنيا ..
مش يعني
كنت خلقتني جنبك ؟؟

أو بعتّني للأرض سفرية ..
زي المسافر كاره الغربة ..
لا حد عارفه ولا بيعرف حد ..
مشوار صد رد ..
من مستشفى الولادة ع التربة ..
ع السما دوغري ..

***

كل اللي فات منقول ..
مش حقيقة ..
والـ (مش حقيقة) طعمها مُغري ..
أما الحقيقة في دول ..

أنا يوم ميلادي بعت لك ..
رسالة من مستشفى الصفا ..
بتقول ..

يا رب
لو لسه بينا أي سابق معرفة ..
سيبني أتأخر هنا / كام سنة ..
أو علطول ..

مش عايز أجيلك بدري ..
عايز أحبي، أمشي، أجري ..
عايز أطول
شفايف الممرضة ..
اللي باستني على خدي ..
أو واحدة تشبه لها ..
أو بنتها لو بنتها قدي ..

وأدّيني دايما قد ما أدّي ..
مش عايز أبقى الدنيوي المادي ..
ولا عايز أبقى الزاهد الدرويش
عايز أعيش
معايا كأنها معاييش ..

وأخيرا
بلّغ الأطفال اللي لسه ماجاتش
تنتظر ماتجيش ..

هنا المكان غدار
أقنع الإنسان وأقنع الصرصار
يعيش ..

المُرسِل /
ماعرفش ..
لسه ماسمّونيش ..

..
#سجن_أس_اربعة
أبريل/٢٠١٧

من مستشفى الصفا - حسام ابراهيم / بصوت علي سليم

• شاعر عامية مصري ، مواليد 14 أبريل 1994 ، محافظة دمياط
• أنهى دراسته الجامعية في الهندسة المدنية / جامعة المنصورة عام 2019
• أصدر ديوانه الأول بعنوان "مفيشاليا" عن دار تويتة للنشر والتوزيع في يناير 2017
• أصدر ديوانه الثاني " سجن أس أربعة " في يناير 2019 والذي حصل به على جائزة أحمد فؤاد نجم في ديسمبر 2019
• أصدر ديوانه الثالث بشيكل فول وبنص طعمية في مارس 2020 ، والذي حصل به على جائزة المجلس الأعلى للثقافة 2020 (الكبرى)
• أصدر ديوانه الرابع البني أشياء عن دار تويتة للنشر والتوزيع في يونيو 2021
• قام بكتابة برنامج مش مسامح حسين الذي تم عرضه في ديسمبر 2021

الجيل الخامس - حسام ابراهيم

Hossam Ibrahim ✪

Recent comments

Osama Mohamed

Mohamed Ewies Elturky

abdlrhman akram

حماد عبد الستار

Related tracks