sudanese music

ZYIO

منير

Cool sudanese songz

ابو السيد

مصطفى سيد احمد

مصطفي

اغاني مصطفي

فى الاسى ضاعت سنينى

نورا........مصطفى سيد احمد

مصطفى سيد أحمد .,., سفر العمر - أوركسترا

والماهية اف عيشة هاك وكف

في هذا الزمن تف يا دنيا تف

مصطفى سيد احمد - عم عبد الرحيم

اطيب من الالم وارتاح     ...       وليلى الحالك يبقى صباح   
   بدر الحسن هل ولاح            

مصطفى سيد احمد - بدر الحسن

من حقي أغني لشعبي

مصطفي سيد أحمد،،، صديقي الأول

مصطفى سيد أحمد ما بين زمنا متمنيهو

عني مالم صادو واتوارو
 حظي عاكس ولاهم جارو
 غني ياشادي وردد الحانو
 قلبي فر وهاجت اشجانو
 ولاسافر فارق اوطانو
 وسار معاهم اينما سارو
 عني مالم صادو واتوارو
 حظي عاكس ولاهم جارو
 جفت العين والمنام بدرى
 الحبايب بي لو تدرى
 راعو انصافي والهوى العذرى
 ماراعو انصافي وجليل قدرى
 بعد ماطال الغياب جارو

 عني مالم صادو واتوارو
 حظي عاكس ولاهم جارو

مصطفى سيد احمد عنى مالم - تغريد محمد

حاجة فيك
للشاعر هاشم صديق 

حاجة فيك تقطع نفس خيل القصائد 
تشبه اجراس المعابد 
توهتني .. جننتني .. تعبتني .. 
جننت حرف الكلام 
وبرضو ادتني السلام 
حاجة فيك شرف المدائن .. 
في غرف كل السفائن 
جوه في عمق المدائن والعيون 
حاجة زي ما تكون محلق في العواصف 
فجأة تهبط للسكون 
حاجة زي نقر الاصابع لما ترتاح للموسيقى 
حاجة زي اخبار تناغم من جريدة 
حاجة زي وتر المواني 
لم يصدح زي سفينة 
حاجة فيك 
حاجة فيك لا بتنتهي ولا بتتنسي 
خلتني ارجع للقلم اتحدى بالحرف الالم 
واضحك مع الزمن العريض 
وافتح متاريس الطريق 
واعرف متين ابقى المطر 
واصحى متين اصبح حريق 
حاجة فيك

مصطفى سيد احمد حاجه فيك - تغريد محمد

مصطفى سيد احمد شقاء الايام - تغريد محمد

مت في قلبي ولم ابك عليك
فمعين الدمع قد نض قديما
قبل ان !
ادنو اليك

مصطفى سيد أحمد مُتَ في قلبي

لو مني مستني الملام !! يا سلام عليك يا سلاااام

الملام..لمصطفي سيد احمد..اداء نزار الماحي

الهدهد:
--------
   مخدوش الفضا

   طويل الحزن .. مفتول الحنين

   مصاب بالديانات والشرود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
   نوح:
--------
    يبلغ من الطول مسافة يشتهى الغرقان .. شهيق

   لونو زى سرك .. تكلمبو الصديق

   أمو تتوحـّم على طين البحر

   قبال تقابل والدو .. صدفة على الطريق

   عمرو ستة شهور حِلِم

   إنو الأرض مسجونة فى موية .. وكل الناس مراكبية   

   اليابسة …  فِركة .. مدخورة لى يوم فيهو ساير النيل

   قطـّاع رحط كل الجزاير

   والبنات البفتحوا الباب للمطر
_____________________________________

   وأنا جدولك شارف على كل الجداول الصاحية فيك

   والغباش فى دمى منك

   لو كسر ضلعين عذرتو

   لكن نهر كل العصافير البتلعب فى الوريد

   وفنـّاكى جواى زى حجر

   والبينـّا ما فات الدوائر

 ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

   الليل خِمار القمرة .. مجدوع فى الفراغ

   والرقصة لى البت فينا ..

   فوق كل المسامير الندقها فى البساط 

   والرياح حكـّامة بى دلوكة مرّقت الشياطين .. منها

   إتجنن فقير الحلة دقيناهو بى نفس السياط

   كل المجرات .. النيازك والشُهُب

   ودع راميهو الله على السما

   والدنيا زار

 ________________________________________

   ويا هدهد هنا مرت مراكب نوح

   محملة بالبخور

   مين اللى شال من طاقة الطين البعيدة

   قنديل حبيبتى وطيـّب الجرح المثير

   مين السرق من بابا مفتاحو الملون .. والصرير

   منهوبة مقبرة الفواكه فيكى

   قولى معاى يا شرف القبايل .. جر

   الشاف تباريح الطلح فى النار

   شافنى مرقت من عندك ضرير

   أنا ليه تجينى الموية حفيانة ..

   وأدنقر ألبِّسا شبط أخضر

   وأبيت مبلول .. وأصلِّح فى الرباط

   أنا ليه شبابيك البيوت الواجمة .. والناس البُساط

   وليه يرجانى النخل

   فى السكة يفتح قلبى خمارة .. وخلاوى ..

   وبيت بكا
_____________________________________________
 

   تعبت من المساسقة والهتاف .. ياغيمة

   أتبنى جبهة القمرة

   السهر والحمى طول الليل تهضرب

   ويا هدهد لقيت أمك

   ترشرش فى السعف من عينها

   وتجبر خاطرا المكسور عليك

   ينكسر خاطر السعف فى إيدا

   يا هدهد قيام

   من السما الأول قيام

   من السما السابع قيام

   وأنزل مسافة تهبشك غنوة .. وأناولك كاس
_______________________________________________________
 
   ومرت مراكب نوح محملة بالملوك

   ركعت على الموج الجنود

   من كل جندى تفوح ضحية

   ودم مشتت فى الأبد

   دسيت جبهتى من السجود

   بكى فى مخاض الخوف .. ولد

   إشتبهوا فينى ورا الجبل

   شافونى دسيت الهداهد بالزبد

   صفا !

   إنتباه !

   وقعت من الهدهد بلد

   نهبوها .. وإتقسموا الحدود
____________________________________________________
 
   ومرت مراكب نوح محملة بالطيور

   واقف مع نوح الغراب

   ينضم ويأشر فى إتجاه

   باقى الطيور يتوسوسوا

   إلاّ الحمام .. إتوضا مارق للصلاة

   القانقرد فى حزنو يغزل شاله من صوف

   الطواويس شارّة قمصانا المزركشة فى الضحى

   الزرازير بى عراريقا المغبشة .. جات على

   أرجينى يا صالحة !

   ومشيت فى الموج

   يا النبى نوح أصل سالم

   يا النبى نوح أصل ………

   حجر الدُّغُش فى الموية يقلع ضُفرى

   يادم !

   ده ما وكت الرسم واللون

   وجات المغارب حننت إيدا .. ومشت

   سبحانك الأديتنا من حزنك فوانيس

   ــ الغراب يا نوح طفش

   واليابسة وين …؟

   يا الله ما يابس سوى حلقى المجرح بالدعا

   طير يا حمام !

   ـ الحمام يا نوح يجامل فى السما

   وبيّاع مناديل خضرا فى كل العصور

 _____________________________________________________

   أنا ما خلقتك يا ظنون

   شان تبيتى الليل معاى

   وتجرى من فوقى الغُطا

   ما تشُرّى فى حبلى الوساوس

   والمعانى الداكنة .. والليل والشتا
_______________________________________________________
 

   الهدهد تميمة الموت

   معلّق فى بيوت الناس .. نعش

   من خرافاتن تعال

   من دياناتن تعال

   نفّض نعاسك من كل بيت

   من كل حجوة حكوها عنك

   فى الليالى الباردة والأطفال نيام

 ___________________________________________________________

   مين يشترينى من الملوك الخايدة فى الدم القديم

   مين يوصف بيتنا لى هدهد يتيم

   مين النبى القادم؟

   من مكة !

   أو من دكة !

   فى شارع حميم

   مين اليوصف للنحل ريق الحبيبة

   وحبة القمح التقوم فوق محفضة حبوبة

   فى الزمن اللئيم

   مزيداً من الطين يا إله

   أبنى خوفى عليك .. ومنك

   أبنى آخر بيت  .. حرام

 
__________________________________________________________
   ومرت مراكب نوح محملة بالحجيج

   ــ وين ولدك ؟

   ــ تركتو على الجبل .

   ــ وين بلدك ؟

   ــ ضربتها فى مثل .

   ــ وين نحن ؟

   ــ مرقت على عجل .

   ــ يا نوح تخلينا

   زيتونك مخلل بالشمس

   نار الله والرِجل الغريبة

   نحن البلاد الشاكية جرحها للصديد

   جاتنا القوافل بالضجيج

   جرتنا من حلبة رقيص

   ورتنا كيف صلبوا المسيح

   ورتنا كيف كتلوا الحسين

   وبكينا أكتر منها

   ساقتنا فى الآخر .. عبيد

   مين يشترينى من الملوك

   الخايدة فى الدم القديم

   مين البوصِّف بيتنا لى هدهد يتيم

 
_____________________________________________________________
   يا هدهدى المهدود

   مين هدهدك .. نمت

   كل الطيور غنت .. منك يجينى سكوت

   مين الهداك للناس

   أو هدّ فيك الموت؟

   يا أوسم الجايين .. أنا قلبى حِلّة حنين

   والشوق فتحنى بيوت

   يا صالحة

   لا جنبك .. لا فتّ منك فوت

   دايماً معلق بين ..

   بين الحياة والموت

   أدخل ضلام الناس

   نورك يجينى خيوط

   وقبّال أقع فى الضو

   جوّاك سندنى خِفوت

   أنا برضى حلة شوق

   لكنى فى التابوت

   ومرت مراكب نوح محملة بالعبيد

   الجنة .. زى هدهد معلقة فى الكتاب

   ونحن العبيد

   باب الحياة السرِّى

   حرير فى فكرة الدودة الموجعة .. بالنسيج

   وصيوان عزا نوح

   .. المكفّن بالوعود

 ____________________________________________________________________

   هدهد يرك فوق دفــّة المركب .. يدندن

   الريح سكن خيمة حريمو الأربعة

   النيل رجع فى اللوحة

   للوادى القديم

   البحار مكتوفة الأيدى

   .. الشموس فاقت

   ونوح بعاين فى مفاتن اليابسة

   تغسل فى حصا .. ومتبرجة

   سبحانك الأديتنا من ملكك سلاطين .. وإختفيت

   هاك أنبياءك سالمين

   وأنزل مسافة توجعك .. غابة

   رقيصنا الحى

   طبولنا…

   وليك شبال

   من اليابسة الممشّطة بالملح

   … وهدهد

سيناريو اليابسة - مصطفى سيد أحمد

كلمات: صلاح حاج سعيد
لحن وأداء: مصطفى سيد احمد
----
ومرقت من قلبك مشيت
طفت الشوارع والمدن
لفيت حواري الدنيا جيت
فتشت في عيون الزمن 
لي سكتك وكم من مشيت
لا لقيتك انت ولا بقيت
القى المواعيد يصدقن
لا بعدك الايام صفن
لا قدرت أعرف وجهتك
**
و سرحت في خاطري 
وسهيت في ذكرتك 
سفرك و مشاويري
وتباريح سكتك 
خرز السبح
ممدودة في جيد 
الاماني المستحيل
شقهة حروف اللقيـا
في غفلة أسى 
الزمن البخيل
رنة خطاك 
سايقاني للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل
**
أصحى ومعاي 
يصحى الشجن
ويفيق أساي 
واساك يجن
والقاكى يغلبني الكلام
ويشرقني بالاسف الحزن
و يكفيك خيال 
في غمرة 
الاسى والمحال
القاك شقى العمر اللي فات
و القاك فرح في غفلة مات
و يلقاني فيك مسدار 
يغنيلك أساي
دوبيت يجر نمك 
علي حرقة حشاي
قمرا طلع في غيم سماي
بقّ وخبا وحاريهو 
في الزمن اللي جاي 
وحاريهو في 
الزمن اللي جاي ..


مرقت من قلبك مشيت- مصطفى سيد أحمد

Elhoot محمود عبد العزيز الحوت-نور العيون

لو يزور طيفك خيالى ,, يبقى وعد اللقيا قرب 
اصلى مغرم بى عيونك ,, قلبى فى بعدك
معذب 
اصلى فى ايام غيابك ,, ما بزور النوم عيونى 
طالعة فى انفاسى اه ,, غير هواك مصدر شجونى 
ياما ديمة بغنى ليك ,, انتى يا الهام فنونى 
تشرق الامال فى قربك ,, وياما بيكى يضوى كونى 
دنيا غير دنياكى قاسية ,, انتى صادقة وديمة ناسية 
ياااما شوفتك لى شافية ,, و ابتسامتك لى عافي

وعــــد اللقيــا

Download American Authors debut album "Oh, What A Life" on iTunes - http://smarturl.it/iOWAL

Click To Subscribe - http://bit.ly/1jdvbRw

Sign Up: http://smarturl.it/SUAmericanAuthors
For upcoming tour dates, visit - http://smarturl.it/AATourDates
Official Website - http://weareamericanauthors.com/
Facebook - https://www.facebook.com/americanauthors
Twitter - https://twitter.com/aauthorsmusic

مصطفى سيد أحمد مُتَ في قلبي

A Jaafer