أنا إللي شايل جوه مني ساكت مبشتكيش 
لو اتكتب كلامي ف كتاب صفحاته متكفيش 
أنا إللي عايش جوه صورة أنا إللي دموعي مبتنتهيش 
أنا........... أنا إللي مش عارف أعيش 
أنا إللي في كل وقت دايما بيكون لوحده 
أنا الانسان إللي الحزن واخد كل مساحته 
أنا صوت كمان حزين وقت في وسط وحدة 
أنا الشاعر إللي بيكتب كل كلمة توصف حالته 
أنا الصمت الطويل أنا الكهف المهجور 
أنا الوحيد أنا المريض أنا اللي عايش ورا السور 
أنا إللي لو فكرت كتير مش هتلاقي ف وصفي كلمة 
أنا الخيال وقت الليل والاكتئاب وسط الضلمة 
أنا إللي كلي عيوب مفيش مميزات
 أنا إللي كلامي عبارة عن سكات
موجود دايما ف الركن كفيف عن أي حاجه 
أنا إللي عايش شكلا لكن في الحقيقة مات 
علي سريري قبل نومي بفضل صاحي بالساعات 
بغمض عيني واتخيل وافترض سيناريوهات 
بعيش حياة تاني غير الحياة الواقعية 
برسم حياة بايدي مش حياة مفروضة عليا 
ممكن أقابل شخص عايز اشوفه وصورته تتجسد قدامي 
وابدأ أحكي معاه والاقيه بيستمع لكلامي
وافضل مستنيه يتكلم لكن مبسمعش صوت 
عشان للاسف دي مش حقيقة دي صورة موجودة ف خيالي
أنا إللي ف وقت الليل بتبدأ حياتي
ركن الاوضة الضلمة وشوية أغاني 
وافضل أقول كل ليلة بعد اكتئابي
أنا مش حزين.... أنا عادي
أنا إللي كرهت اللمة أنا إللي مشيت لما 
عرفت إن وجودي مكنش فيه منه فايدة 
أنا إللي اختفيت أنا إللي انتهيت 
أنا إللي بقيت مش موجود فجاة 
.
 بكدب واضحك وارسم وش fake
والاقيني بقول لنفسي يابني العيب مش فيك 
إمشي وكمل لوحدك والوقت هيناسيك 
وارجع للركن الضلمة دي الوحدة اولي بيك 
أنا الصفحة الفاضية إللي جوه أي كتاب 
أنا الميت إللي مكانه في التراب 
أنا اللون الاسود إللي بتلاقيه في أي صورة 
يتكتب في وصفي كل كلمة بتوصف الاكتئاب 
فقدت الاحساس بالوقت مبقتش محتاج حد 
همشي في الطريق لوحدي حتي لو نهايته سد 
كل شيء أصبح باهت كل ذكري ممكن تمشي 
ناس كتير بتقول عليا اني بقيت مريض نفسي

Mareed Nafsy_ Elblyatsho _Rap_مريض نفسي_ راب

Rap Artist
I love to write songs because I talk about what's inside of me 
I hope you like it🖤

Mareed Nafsy_ Elblyatsho _Rap_مريض نفسي_ راب

Elblyatsho - البلياتشو