Mix & Master > Polo

Beat Prod By Polo > soundcloud.com/polo-emperor

3ezbt al hip hop > https://soundcloud.com/al3ezbaa

Godzee | الوصيه

من اول نظره حبيتك حسيت بالامان فعنيكي 
و احلوت الدنيا و بقيتي الملكه الي فحياتي 
ولا عنيكي الي خدتني فعالم تاني 
و ضحكتك الي بتنسيني همومي فلحظه مابتدحكي 
ولا قلبك الي ياما 
خد مني هموم الدنيا و بدلهالي بأبتسامه 
و لمسه ايديك الي حسستني بالامان 
فعز ماكنت حاسس ان الدنيا غابه
و روحك الي بتفرحني و فزعلي بتبطب عليا 
تقولي مالك وافضل اشكي 
ولا حبك الي لما حبتيني 
كنت حاسس ان مافيش فالدنيا حد ادي 
ولا خناقنا الي بيخلص بكلمه حلوه 
و فأخرو بحبك بحبك و اسمع صوت كسوفها 
و أغمض عيني و اسكت ماشلش هم 
هو ايه فحياتي احلى من اني انام على صوتها
... 
أغرق في بحر لمها . تموت تنشف دمعها 
شببها الي راح هدر . وانت لساك ماتصونها 
بتسأل لسه عنها . عايشه و ازاي احولها 
ماهي لو هتموت مالبرد . مش هتسيبك تاني تحضنها

...
وتعدي ايام ونتوه مابين افراح احزان
و تزيد احزانا و مابيقيناش مع بعض زي ماكنا زمان
و يجي اليوم الي الدنيا تعند فقلوبنا 
و يبقي الحل في هو الفراق 
و ازاي اعيش . ازاي اعيش من غيرك انتي 
و ازاي اكمل من غير نصي التاني الي مكملني 
بس خليكي فاكره لما قلتلك 
ان انتي روحي و نبض قلبي الي معيشني 
بس افتكريلي الحلو  ماتفتكريش اوجاع 
عايزك تنسي الاحزان و متقوليش مين باع 
انا اسف لو يوم دمعه نزلت من عيني 
مكنتش قد المسؤوليه ان امسحها و اهد جبال 
بشوفك كل لحظه فبالي ديما
قدر ربنا انو يجمعنا و فلحظه يفرقنا 
كان نفسي فرحتنا تتم 
بس بصحي علي امل انو يكون حلم و اقول هنرجع

Abd elrahman Atef ft Ahmed Kamel | هى

Floating Between Blocks

شوف فيديو التراك الجديد على يوتيوب : https://youtu.be/MYQHCevcIDU
Singer : Tika El-khouly 
Rapper : E. Evil 
Beat. By : RaKan

Rab El Osra Mol7ed

Hip Hop Afandy - Rab El Osra Mol7ed | رب الأسرة ملحد   ( Prod. By Rakan )

Prod By : wessam mohamed

V1 : @wessam_mohamed_official
اسمعوني ارجكو متقفلوش وتمشوا تسبوني 
مش باقي ليا غيركو لما اتعب اشكيلكو همومي 
ما كلو سابني ابويا امي حبيبتي وصاحبي 
عشان فاشل ولا اناني ولا بحب نفسي 
وناس بتبعد وتسيبك وقت ما انتا ضعيف 
ماشي في طريق كلو نور وحاسس اني كفيف
خلاص كفاية مش عايز حد يعيش ويايا 
كل القلوب عاشقين وانا قلبي عاشق موت معايا 
باعوني ومحدش همة ان بكدة قتلوني 
دة اكتر وقت احتجت ليهم حسو بيا سبوني 
بكيت علي ناس حسسوني اني اتحبيت 
بس الحقيقة كنت ماشي في سكة واتغميت 
كان نفسي اكون جنبكو كان نفسي اكون وسطكو 
كان نفسي لما اقول اسمعو اقلي اهتمام منكو 
عدي النهار علي كل هم بكون انا صابر 
موجود جنبكو بس الحقيقة مكنتش حاضر

v2 : @king-saiko 
لوحدي همشي و مش هتفرق بيكو او بغيركو
لوحدي هعيش لوحدي هكمل حتي لو بعدتو
ما انا ياما كنت لوحدي طب كنتو فين ساعتها 
هكمل عيشة لوحدي و مستغني عن رفقتكو
فاكرين في عز نجاحي كنتو جمبي كنتو معايا
فاكرين في عز فرحي قولتولي مش هنسيبك
مع اول كسرة في ضهري ملقتش حد معايا
لممنا الفرح بس الحزن لوحدك بس يصيبكك
و في وسط اللمة كنت لوحدي و لدوشتكو مكنتش سامع 
وسط فرحي كلكو جمبي في الحزن محدش باقي 
كمل و لوحدك عيش كمل و استقوي بنفسك
قلبك خلاص فاض بيه روحك معادتش ملكك
يارب كن في العون و اغنينا عن احتياجهم 
مش عايز جنس البشر مش عايز اكون انا بينهم 
كرهت كل الكون كرهت حتي كلامهم
لوحدي همشي و مش عايزكو ابعدو و عيشو حياتكو 

V3 : @ahmed-sniper-4
تايه مابينكو وخايف مالكلام فبيصرخ اكتر
رد القلوب ميعنيلوش غير انو مخلوق ابكم.
لا غيوم سماكو يفرق ولا هغرق فالبعد عنك
يعنى انتى تسقى الكون ووقت عطشى جف قلبك
يا دنيا طاوعى قلبك خلي قلبى ليكى مرسى
افرش بستان مالورد ليكى يهل خريفك قبلك
نهرك ماليه عشاق واموات وبردو اسبح وحيد
لو كان البكا روايه فانا مؤلفاتى فين 
فاسرح بعود وناى شحات رضا وحب وحنين
كفاينا بكا يا زمن انا قلبى تاه وسط السنين
انقش جدرانك بالساعات وانسى ايه الى اتكتب 
مقولتش انى مصد لموج حامل جروح البلد 
ده انا عايش بينكو ومش حسسنى وبردو بخاف البعد
انا مليش مسكن يتاوينى طير هاجر مع كل سرب
احبسونى وتوهونى بينكو ومتبكيش يا جفنى
قولولها متخفيش انا هبقى احلى عريس فكفنى



Wessam - Saiko - Sniper   لوحدي

prod by : S_lam Shetoz
V1 : @king-saiko
V2 : @mohamedmox
V3 : @wessam_mohamed_official

Saiko - Mox - Wessam _ ماشيين

أسباب | Asbab
Godzee / RC ( KasanoVa, KaiseR, Snoop)
Produced By RC (Kato Beats)

RC Family :
https://soundcloud.com/rc-hip-hop-records
https://www.facebook.com/RCFAMRAP

Godzee:
https://www.facebook.com/Godzee-Yakuza-Fans-Page-1663462330605477/
https://soundcloud.com/godzee-yakuza-new

#ana_RC

اسباب | asbab - Godzee Ft. RC (KasanoVa, KaiseR, Snoop) Prod.By RC (Kato Beats)

Godzee | جــواب

Mix & Mastring By : Mahmoud Afifi 
Beat : Free
Spical thanks to : ( Zara & Iko )

Godzee : قلمي

Awga3 - أوجاع Crespo Ft, Ahmed Kamel ,, Dida ,,3 -[ Mymusicroad.net ]

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

Abd elrahman Atef ft Ahmed Kamel | هى

Abd el Rahman