joooo

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

الــكــلــمــات

قلتهالك قبل كده اللى بيننا ده اسمه زنا
عمرى ما اقتنعت إن قوضتك عش حبنا
بدنـدن الحقيقة المرة سدى ودنك واهربى
عمر ما فقد شخص يهز شعرة فى منطوى

تملى أقول الحق عشان لقيت سعادتى
فى إنى بسقيكوا القبح والبركة فى سحر معلقتى
كرة حبى ليكى تذكرة رجوعى ليا
وحبى ليكى كان حنين لحاجة ماتت فيا

كداب ... حبيتها بس كرهت كونك مش قوى
لولا إنك ادمنت نفسها كان زمانك بودرجى
وأهى بعدت أبعد من أبعد حباية بى فى السطر
لطخ بشارة رابعة صورة السيسى رئيس لمصر

لو مش قد الكلام ده أسمع اللى غنى
غنوة تسلم الأيادى لكونها أجلت إدماننا
بضيف حقيقة لكدبهم سخريةً من واقعهم
مش همضى كطرف تانى وعـ الطرف الأول توقيعهم

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

لو موتتى مش هدفنك هفضل طول عمرى اكتبك
بتحدى طبيعة ما بعد الموت ... مش هتتحللى
سيبيهم يتهمونى بالجنون مبيؤلمنيش كلامهم
هو المجنون مبيفهموش ناس قدر يفهمهم ؟

فى نارهم مش هتحرق أبص لأصنامهم تتفلق
لو محلش الطوفان ده مش معناه إن محدش غرق
الذئب مكلش مذهبى شموا الورق تعرفوا
بإيمان يعقوب استنوا مش محتاجكوا تتصرفوا

لو عين اللى بيسمعنا مش هتلمح أى معنى
كانت عين المار - عمق البير- عن شوف يوسف منعها
كان لازم قارى ودارس يبقوا غلاف منتج موهبة
قصص مش شبة بعض لنفس الجرح ... فاهم كده ؟

بدقق أكتر .. وأفكر .. فعايش أبطئ
هى عارفة ليه أبسط سطورى معقد
سيبوا المدينة تتحرق وأنا لوحدى اللى فيها
مش هقدر أمشى منها مدى كلمة للأميرة

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

___________________________________________

Nafs El-7aga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Nafs El 7aga - نفس الحاجة

الوداع و البتاع

الـــكـــلـــمــــات

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

___________________________________________

Emsho

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Emsho - إمشوا

Release date : 2014
تراك : إنعدَم وجودى
اداء :  مؤمن إبراهيم و نادر سليمان
كلمات : مؤمن إبراهيم
هندسه الصوت : نادر سليمان 
..
En3adam Wogody 
Lyrics by : Momen Ibrahim https://www.facebook.com/Momen.25Jun
..   
Verse 1
بصِّيت فعيون الناس .. ملاقيتش لنفسى صوره
صرخت لكن صوتى تاه فِ وسط أصوات مَغموره
جرَّبت أكتب لكن لاقيت كل السنون مكسوره
حاولت أجرى لكنى كنت بجرى جوَّه كوره
..
أنا مُت ولا ده كان كابوس ولا إنعدَم وجودى
من هم لِ هم لِ إكتئاب كانت هى دي حدودى
و ببكى و أشكى و أحكى لكن محدِّش سامع صوتى
شوطى فِيَّا يا دنيا شوطى مَهو إنعدم أمل نهوضى
..
خيوط مالعنكبوت تفوت تدور حوالين رقبتى
و حِبال من الإزلال أغلال تحبس مفهوم كرامتى 
تحليل لإهانتى من اللى أعلى منى دون إثبات إدانتى
لِمجرَّد إنى قُدَّامُه واجب عليا صمتى
..
ضغط ضغط .. زادت الخيوط و زاد الربط
إلى جانب هم الكبت لو إعترضت أكون أذنبت
فَ إتسحلت و إتطردت من بوابة السعاده 
و إتكتب عليا أعيش فدنيا ساده بدون إراده
..
chorus 
عايش تمثال .. صنم سراب وَهم و خيال
واقف فمكانى أخرس ثابت و مش عاجبنى الحال
دنيا بلاستيك مفيش أفعال و كله إفتعال
فَ مين جمل و مين جمَّال و مين أمين و مين دجال
..
verse 2
..
لكن إنعدام وجودى بالنسبالى كان لُه فايده
كنت مزهول فالبدايه متفاجىء و دماغى شايطه
فجأه جاتلى فكره جامده .. أشوف الدنيا عالحقيقه
من غير قناع ولا إصتناع وِش الطفله البريئه
..
شوفت القلوب من طوب .. شروق من الغروب
بسم السلام بتقوم حروب شوفت الجشع مطلوب
شوفت الممنوع مرغوب .. شوفت السافل محبوب
و شيطان بيقول لكل واحد "إبقى بُكرَه توب"
..
شوفت القريِّب ليَّا .. بيتكلم عليا
مابقتش عارف أفرق مين حبيب و مين رزيه
شوفت الأزيه غيَّه .. شوفت الحُرِيَّه حيَّة
شوفت الأسود بتجرى من ثعالب صهيونيه
..
و أخيرا شوفت نفسى .. ملفوف فقماشه بيضه
متشال على الأكتاف و ناس بتبكى و ناس سعيده
ولا اللى بكى رجَّعنى .. ولا اللى ضحك وجعنى 
رِضاك يا ربى عنى هو بس اللى هينفعنى
..
يا رب تكون عجبتكم ^_^

Download Mp3

https://app.box.com/s/1xzuzr8zbyh8c2mv23rc

Momen Ibrahim & Nader Soliman - En3adam Wogody /  إنعدَم وجودى - مؤمن ابراهيم و نادر سليمان

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

احمد الشبكشى /حافظ عليها

كمل يا جوكر 

Lyrics : #ACE 
Beat : Free Beat 
Master : #ACE 

الكلمات : 

كمل يا جوكر ) .. بقيت فى قلب كل فان )
دول ناس عاشقينك .. بعد ما بقيت الادمان 
تبعد دلوقتى ؟ طيب ليه مابعدتش من زمان 
حابب تسيبنا و تسيب المركب غرقان
 
اثبت مكانك وثبت جوكر فى الودان 
شايفك دلوقتى لسفينة الراب بقيت القبطان 
عليت بالراب فوق و وصلته لكل العقول 
و حلفت انك هتكمل و تكون وسطنا على طول
 
ده مش كلامى .. دى بارات ليك فى كام تراك
من اللى حبيناهم وسمعنا و مشينا وراك
على نفس البييت قولتها و بطرف لسانك 
(كل ما اقول هعتزل برجع فى القرار علشانك)
 
ماشورتش على البر وسايبنا فى مركب غرقانه 
واقف مع مونليزاتك واقلامك سايبانا
شايف الجمهور بيشجع اللى مغنى الغنوة 
مش بس بيرجع اكتر حته شايفها حلوه
 
غيرت كتير فى  فان الراب لحد ما عشقوك 
حتى اللى بينافسوك 
فبدأوا يحترموك
وبطلوا يحاربوك
لحد ما بقيت فوق 

شايفك فى المرايه شخص عرفنى البدايه 
هفضل عايش على طول طول ما انت عايش جوايه
مش عايز منك اى حاجه بس تكون معايا 
اعملى حفلة عيد ميلادك و عليا الهدايا 

(الكبت) وصل لمرمى نفسنا اقصى حد 
بس لما عرفنا خبر انك اعتزلت !
تفكيرى بيكون فوق و انا بسمع لـ (نفس الحاجة)
مفيش غيرك يدينى نفس هرمون السعاده
 
قولت للأخوان (امشوا) وقبلهم فلول مبارك
(نفس الحال) حاربت السيسى وخضت ضدة معارك 
غبلت دافنشى بقلمى وابدعتلنا موناليزاتك
(تفاحة حوا) مالهاش طعم لو مش من جنابك

(اخترت مكانك) فوق واتربعت على عرش الراب 
وجيش (عمو الجو) كان بينزل بالعقاب 
على ظهر كل واحد فكر انه يعمل نمره 
اخر الحرب يلاقى نفسة خسر كل جوله 
 

(الحرف) و (الانفصام الحاد) و (الضغط) و (الواقع)
تراكات عاشقينها ناس شايفنك نجم لامع 
دول (كام كلمة)  ياجو من واحد حب تراكاتك 
مستمتع جدا بس و هو شايف موناليزاتك


شايفك فى المرايه شخص عرفنى البدايه 
هفضل عايش على طول طول ما انت عايش جوايه
مش عايز منك اى حاجه بس تكون معايا 
اعملى حفلة عيد ميلادك و عليا الهدايا

#ACE  kamel Ya Joker

غربة

حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني 
ودعها وسافر ، سنتين واكتر بيعافر 
18 ساعه شُغل ، وياكل أرخص شئ يتاكل

ويصبر نفسه بفكرة حوش أكتر ترجع أسرع 
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات

قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه 
مفادهمش بحاجه ، ومحتاجوش دليل إدانه 
علشان يرموه في زنزانه ، لحد ما كل التحقيقات تتقفل

إترحل لبلده بعد عذاب 16 شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو ... صدقت ؟

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ ... رد بعجز: اتجوزت
ثار و سأله: الاقيها فين؟ ... رد: إعقل ، موضوعكوا خلص

لفتره إكتئب بس لإنه مؤمن غلب 
الإكتئاب بفكرة لو كانت ليا كنت اتجوزتها 
و بدأ من جديد بطاقة اول مره إشتغل 
و استوعب بالتدريج ان النجاح وليد الفشل

من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم

و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك

El Joker - 24 2irat l الجوكر - ٢٤ قيراط

Helmna wahed zap tharwat ft ahmed sheba ft el esilly حلمنا واحد زاب ثروت والعسيلي واحمد شيبه

akoam.com

كاريوكي كنت فاكر غناء/ashraf ayman

Artists : 
Classic Singer : Abdullah Ghattas | Bido 
Rapper : Mahmoud ElNager | MD ElNagar 
Lyrix : 
Course :
حبي ليكي مش كلااام 
كلااامي مثلاً كله ازااي 
كلااامي معااكي عاامله حدوود 
خاايف القلب بيكي يسوود 
خاايف  اعييش معااكي بدااية جديدة 
بداااية جميلة بس آخرهااا  الموووت 

Verse 1 :
خاايف قلبك بيااا يدق 
ولماا امشي يبطل دق 
ذكري ف قلبك منحووتة 
ذكري خاايفهااا تكوون سوودة 
مش عاايز اسيبلك بعدي جرااح 
جرااح من قلب اصلااً مجروح 
معااكي حبيبتي قلبي بيرتااح 
وبتترد فيه الروح 

Verse 2 :
شفتك يوم وعيوني لمعت
ركزت اكثر اذاني سمعت
دقة قلبي لما طلعت
وعيوني عليكي لما طبعت

شفت فيكي توأم روحي
تكوني معايا تداوي جروحي
 خفت تتركيني وتروحي
وانا معاكي كان طموحي

نبني بيت وحياة سعيدة
أبدأ معاكي بداية جديدة
لكن روحي عنك  بعيدة
والفراق كان نهاية اكيدة

حبك ليا ماكان مفهوم
وكل يوم يزيد هموم
زي القلب مرمي بالسهوم
واكون وحيد تحت الغيوم

Abdullah Ghattas - جرح مدفون Ft. MD ElNagar

اول اصدار من البوم (Brain Hack)

Lyrics Video On YouTube:
https://youtu.be/I3VSMeW8i9Q

Mahmoud Esam's YouTube channel:
https://www.youtube.com/channel/UCWGVYk_tuhic_VO0D4UuXPg

VOCALS
JO-TREK|الغول
Mahmoud Esam

LYRICS
JO-TREK|الغول
Mahmoud Esam

MIX AND MASTER
JO-TREK|الغول

MUSIC PRODUCTION
FREE BEAT BY Retnik

LYRICS VIDEO PRODUCTION
JO-TREK|الغول

RECORD 
JO-TREK|الغول HOME STUDIO

Special Thank: 
JO-TREK fam🔥

JO-TREK Instagram account:
https://www.instagram.com/jo_trek197/

#ACE kamel Ya Joker

Frozen Ph么ntom

Recent comments

kholud el gmaheir

Ahmed Khalil Elkholy

boksh

Hussin Hossny

Related tracks