Name: قصيدة آسفين ياريس by AbdAllah Hassan‎‏
Duration: 2 min 17 s
Description: الشاعر عبد الله حسن

جديد __ قصيدة علشان إنتى مصر - عبد الله حسن

قصيدة باللهجة الصعيدية المصرية
//////
أمريكا قالت:
"يا عرب..
العلم قال.. انّ السما من غير عمود"
احنا العرب..
قُلنا: "دى قُدرة ربّنا"
أمريكا قالت:
"يا عرب..
العلم قال.. الكون ما بتحدُّوش حدود"
احنا العرب..
قلنا: "دى حكمة.. ربّنا"
أمريكا قالت: "يا عرب، العلم قال..
القدس من حق اليهوووووووود"
احنا العرب..
قلنا: "يبارك ربنا"!!!
***
مليون قصيده يا عرب
مليت خلاص من دى القصايد والخطب
مليون قصيده عفّنت
وريحتها فاحَت م العطب
مليون قصيده يا عرب
***
مليون قصيده ع الورق متستفه وْ..
متحنتفه وْ..
لسه الإيدين..
متكتفه وْ..
متلفلفه..
بقيود ولكن مش حديد
دى قيود يا ناس من نوع جديد
طب هيّا إيه؟!!
جندى يهودى
جاب لبانته اللى في بقه
و شدها زى الخيوط
قاموا العرب مدوا إيديهم ناحيته
قام لفها حوالين إيديهم
أصبحت هيّا القيود!!!
ميته إيديكم يا عرب
تقوى على الخيط الضعيف؟!!
و تقطعه بنفخة هوا
من صدر واحد منكم
قلبه صحى..
أو مستحى..
مليون قصيده يا عرب
كان نفسها
تتقال في يوم الإنتصار
كان نفسها
تهرب من الليل.. للنهار
كان نفسها
تخرج عن السطر الضريح
و تسابق الريح اللى رايحه
تحرر الأقصى الجريح
كان نفسها وكان نفسها وكان نفسها..
لكن كسرتم نفسها..!!!
ميته تفوقوا يا عرب؟!!
و القدس اهه
محبوسه في أوضة يهودى بتغتصب
و انتم خواتها
و بكره ييجى الدور عليكم
و هتدخلوا أوضة اليهودى
اللى بناها بجبنكم من غير حيطان..
ما انتو اكتفيتم بال.. قصايد والخطب
يادى القصايد والخطب
خلتنا نهزم إسرائيل..
جوا الكتب!!
ورق القصايد والخطب
بتقطعوه
و تلفلفوه
علشان تسدوا بيه ودانكم
لاجل ما تسمعش صرخة مستغييييث..
ندل وخسييييس
كل اللى عرضه راح هدر
ما مسحش عاره
كل اللى أرضه بتنسرق
و ما خدش تاره
مليون قصيده يا عرب
قالت لكم:
"قوموا نحاااااارب.."
ما سمعتوهاش
قالت لكم:
"قوموا نجرب نبقى رجاله
و اهى الدنيا تجاااااارب.."
قلتم:"بلاش"
قالت لكم:
"القدس بتنادى ( كفاااااايه!!
دايمًا عليه
حاولوا يوم تبقوا معاااايه!! )"
ما فهمتوهاش..
*****
لفيت على كل العرب
و باقول لهم:
"قوموا يا فرسان العرب للمعركه..
قوموا يا فرسان العرب للمعركه..
قوموا يا فرسان العرب للمعركه.."
اللى يقول لى:
"لو نحارب
مسكونى سيف ( عمر )
و احنا ضرورى ننتصر"
يا سيف ( عمر )..
ما تقول لى إيه السر فيك
حدادك اللى صنعك
ركب زرار النصر فيك؟!
خلاك تحارب تنتصر
حتى ولو في إيدين جبان؟!!!
و اللى يقول لى:
"لو نحارب
ركبونى حصان ( صلاح )
و تلاقوا عصر الظلم راح"
يا حصان ( صلاح )..
ما تقول لى إيه خلاك بطل؟!!
كات وكلتك
وكلة ميتين م الاحصنه؟!
ولا تلاقيك بعشر رجول!
ولا براسين!
بتخش أرض المعركه
و بتنتصر
حتى ولو كان اللى راكبك
ماسك الخمره وحاضنها بين شفايفه!!!
*****
المعجزه مش في الحصان..
و لا عمرها كانت في سيف..
عايزين نجمع يا عرب
من كل دوله ميت جنيه
و ننقى حتة أرض (( طاهره ))
نبنى عليها مصنعين
واحد يصنع لينا جيش مابينهزمش
يركب على ضهر الحصان
و التانى يعمل لينا كام دستة إيدين
علشان تحارب بالسيوف
لو مامعاكوش..
لو مامعاكوش حق المبانى يا عرب
أنى مستعد
أتباع في سوق النخاسين
و ادفع لكم
و لما تبقو أغنيا بين الأمم
ابقوا ساعتها ردوها لى
*****
و بالمناسبه..
قبل ما اخلص كلام..
أمريكا باعته لكم سلام..
بتقول لكم:
"متشكرين
لولاكم انتو يا عرب
ما كانتش ليا منزله بين الأمم
إنتو اللى وطيتم عشان
نركب على اكتافكم سنين
و عشان كده
بنقول لكم من قلبنا
متشكريييين..
و عشان كده
راح اوصى إسرائيل عليكم
علشان تبطل ضرب فيكم
.. يا إسرائيل.. يا بنيتى
اطمنى..
مافيش سلام..
لكن بلاش الضرب في بلاد العرب يا إسرائيل
دا مش عشان انتى رحيمه وطيبه يا بنيتى
لكن عشان..
( الضرب في الميت..
.. حرام.. )
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة (مليون قصيدة يا عرب ) للشاعر مصطفى الجزار

هشام الجخ - خمسة الصبح

رابعه والنهضه-الشاعر عبد الله حسن

أنيس شوشان _ محاولة للنوم

الطناش/هشام الجخ جديد

مولاى إنى ببابك .. اداء حازم إيهاب

بنتغيَّر 
صغيَّـر قبل ما تتساب
كبير ساعة ما بتسيبهم
خلاص مبقتش بتمنى اشوفهم حتى لو صدفه
كتير الرد في السابق  
و في الحالي كلام بحساب
انا المتساب 
علاقة صمت فرديه 
دراما حزينه مبكيَّه
تصدَّق قبل ما تتساب بتبقى الدنيا ورديه
سابوك يا حزين 
حياتنا شبيهه بالموقَف 
وكل ما فينا عربيه 
كلاكس مطب قوم لابس 
و مخَّـك ذاته ميكانيكي
ضروري تغير المتصاب 
في حُزن اتملِّك الأعصاب 
وفيه القلب كام خَـبطه
يقول العقل في حوادثك 
أصلَّح ايه دي مش ظابطه 
يا حول الله 
ده شكله مطَب ولبسته 
عموما يعني دلوقتى انا دبِّـستُـه بالايام 
غريبه يعني على حالك تعيش بالقلب ده تاني 
هيمشي معاك لكام ذِكرى
وبكرا يفكرك تاني 
حطاني كلها تواريخ 
وشوهت السنه بيهم 
أذوك ولا مره بتفكَّر بكلمه حتى تأذيهم 
يا راجل ده انت تديهم 
ايديهم  في السلام بتقل 
عينيك مـ الهم مش عارفه تشوف الدنيا بالألوان 
حوادثك كلها تقرف 
اقولك بس لو تعرف 
تفُـكك مـ العشم والناس 
مفيش طيب بيحترموه 
ولو غاب صُدفه عن عينهم في يوم ينسوه 
لا ينفع تتكسر ليهم 
ولا ينفع تناديهم يكونو معاك 
ضروري ضروري نتبدِّل
هتتعدِّل في يوم ده اكيد 
عقول الناس بيوت من طين 
يـمُـر العمر يبنوها 
يهدو شروخ يشدوها 
عشان بالوقت تتحمِّل 
تضفلها ناس فـ تتجمِّـل 
ديكور زينه ولون يتحب 
يكونو الباب باحضانهم 
بإحسانهم و كلمه ترد فينا الروح 
ترُد بروحنا ما فاتها 
بنزعل لو مشو إجبار 
تشوف المشهد الحالي 
نكون احنا البيوت ذاتها 
ويفضلوا فيها حبايبنا لكن زوَّار 
يغيب الناس وهي هي برضو بيوت 
بنتغيَّر لكن بالفعل مش بنموت 

#كلاكس_مطب  
#مصطفي_حمادة 
   

بنتغيَّر مصطفى حمادة

قصيدة آسفين ياريس

قصيده جديده للشاعر عبد الله حسن " مين فينا " من برنامج البلد على قناة صدى البلد 
مع الإعلاميه رولا خرسـا
29/5/2013

قصيدة مين فينا

الشاعر عبد الله حسن 
قصيده إبن الشعب 
--------------------

الصفحه الرسميه للشاعر عبد الله حسن 
www.facebook.com/Abdallahhassanfans

قصيدة آسفين ياريس

AbdAllah Hassan‎‏

Recent comments

Regina zaky

RAMY THARWAT

Related tracks