كلمات : أحمد عساف 
أداء صوتي : هاجر الابياري
أخراج صوتي : فلافيو

أنا و أنت

القصيدة


#إتنين 
إتنين صحاب متفرقين
بين القناة و القاهرة
كانوا زمان متجمَّعين
بينهم علاقة مُبهرة
فضلوا لـ سنين عايشين سوا
يتنفسوا نَفس الهوا
لو كان يصيبهم أي سوء
يلقوا فِـ عيون بعض الدوا
(الحَج سيد مُنتَصِر)
كان حتة مِنُه (الحَج نصر)
كان اللي بينهم يختصِر 
كل الكلام عن معنى مصر ..

#صِفر
صِفر الشمال بيساوي صِفر
صفر اليمين بيكونلُه قِيمة
مصر الجديدة بتنعزل
عن نفسها فِـ مصر القديمة
و النيل بيبكي مِـ البلد جوا الصعيد
النيل بيخلص يا بلد مبقاش يفيض
و كأنكم مانتوش هنا !
أسيوط و الاقصر جُم قِنا
يشكوا مشاكل مُزمِنة / ملقوش علاج
المنيا زارت يوم سوهاج
لما طرح غصن الزتون
أسوان تقول للقاهرة
النوبة مش ممكن تهون
النيل بيشهد عَ اللي دار
بين الصعيد و القاهرة
راح الخبر على بورسعيد
عرفوا الحقيقة المؤلمة
الأرض بور جوا الصعيد / كل الأيادي مِسَلِّمَة !
و الكل عارف إنما
نسيوا الخبر أهل القنال !
و الصفر بعد ما كان يمين / يرجع شِمال !

#واحد
واحد عجوز شاف السما
صافية و فيها هدوء مخيف
و الوقت كان (عِز الخريف)
حَب الرصيف جداً عشان
ملقاش ونس غير الرصيف
مشهد سخيف / إسكندرية بحالها ليه سايباه كدة !
مع إنه لافف –كعب داير- أرضها
قادر يقيس طول المدينة و عرضها
كل الشواطِئ كلها
كانت تهيج لو يوم مجاش
قلبه الحزين لو كان قُماش
كان فصَّلُه مليون جاكِت
و يوزعه على كل أم زمان بكِت
علشان حريق القاهرة !
هل تَعرِفوا !! هذا العجوز !
كل الشوارع و الحواري و السواري في السفينة فِـ كل مينا تعرَفُه ..
كان نوتة قدام الأصابجي يحب دايماً يعزِفُه ..
هل تفقهوا !!
هذا الزمان بلّغ رسالة للعجوز (إسكندرية بتكرهُه)
كدِّب ودانه وقتها و راح ع الرصيف
مشهد لطيف / إن العجوز دا كُلما
يطلع بروحُه للسما
يرجع يزور نفس الرصيف !

#أربعة
أربعة و نص إلا خمسة
ساعة الغدر اللعينة
لما مات خمسين شهيد من جنودنا فِـ قلب سينا !
سينا يمكن من زعلها 
سَرسِبِت – مِ الوِحدة – دم !
سينا ماتت ألف مرّة 
من وجودنا اللي إنعدَم ..
سينا تايهة فِ العريش
بَعْدَمَا تاهت فِ طابا ..
سينا من كُتر الطيابة
نفسها تفضل تعيش !
من مسلسل ( مصر آمْنَة ) 
خارجة من جوا الأفيش
طالعة تجري عَ السما !
مالها هي و مال زحام العاصمة !!
سينا قاعدة هناك فِ خيمة 
إمّا تبكي أو تنوح
كل شِبر فِ سينا يشبه 
طفل عايش فِ السطوح
كل ما نقرّبلُه ، يبعِد .. كل ما بنبعِد يروح
يتخبط فِ الحيطة يرجع / يبكي من كُتر الجروح .

فَصلة ( ، )
اللي فات قادر يلخَّص الحقايق اللي حاصلة :
القاهرة مبقتش هي القاهرة.
أهل القناة مبقوش خلاص بيدَندِنوا.
ابن الصعيد مبقاش بيظهِر معدنُه.
النوبي رافض نبقا واحد فِـ اللغة.
و إسكندرية البرد فيها مصلحة
يحمي الجِتَت قبل أمّا تدخل مشرحة !
سينا بتنزف دمّنا يسقي التراب
يطرح أمل بنروحله فِ بيطلَع سراب
نص الشباب بينام و يحلم بالمطار
و الباقي راح للبحر يشكي عِلِّتُه
و النيل وحيد ، مقابلش حد فِ سِكِّتُه / أُحبَط
سخَّر فروعُه للبكا و الباقي للسُلطة !
نقطة .

تأليف و إلقاء : أحمد عماد
Profile FB : https://www.facebook.com/omda.revolutionist
Page FB : https://www.facebook.com/ahmedemadpoet
ميكساج: أحمد سعيد
https://www.facebook.com/a7mdbeso

أحمد عماد - نقطة (2014) | Ahmed Emad - No'ta (2014)

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

, واغنيه   لـفيرووز   adele  ♥ مزيج  بين اغنيه

جوانا باند - القهوة والليل

عندما يكون العتاب عزف

عذب بما شئت - رشا ناجح

مع السلامة ياحبيبي و ف أمان - cover

عنوان حلقة انهاردة #خلينا_صحاب .. اسمعوا طاهر سُلطان هيقول إية !!

مع السلامة ياحبيبي و ف أمان - cover

Abdallhghreeb

Related tracks