و انا يا بحر يوم اصد و اخفي دمعتي معذور

يا معذب الاحباب / عبدالله السميري
يا جميلة / سعد بن جدلان
حلفت باللي غيّب الشمس منّاك / عوض الرشيدي
لي وليف مذهل الشيب / حسن الزهيري
المارد الشعري / محمد ابن الذيب
مرحبا مرحبا / سلطان الهاجري

غّزل | Mix

للحزن ساحات بصدري مثل ساحات القتال
‏فيها الاصيل من المهار تعود بخيالها 

‏ولا يطفي حر مابي من حرايق وأشتعال
‏الا الدموع اللي من عيوني يهل هلالها

‏لازال فيها فيها عبرتين للفراق ولاتزال
‏ذكرى هنوف كل يوم أحطها وأشتالها

راحت عسى الله مايلحقني مشاريه الرجال
‏تقول كني ماخلقت من التراب الالها 

‏عزالله أني مانسيت أفعالها بنت الحلال
‏لعل ربي مايجازيها بسو أفعالها

‏أكبر جريمه ترتكبها فالهوى من وسع بال
‏أول ضحايها بصدري شيدوا تمثالها

وشلون تهجرني وأنا مالي على الهجر أحتمال
‏وشلون تهملني وأنا مانيب أطيق اهمالها 

‏وشلون تقطعني بسيف البعد قطاع الوصال
‏وأنا لو أقطع عرق قلبي ماقطعت اوصالها

‏وشلون ماتشتاق ، ماترحم ، ماتذكر ، ماتسال
‏وشلون ماتطلق يدين كبلت بأغلالها

وشلون مايطري عليها لاتفيت فالظلال
‏متشبث لاوقفت جنبه قعد بظلالها

‏لو المفارق صعب والنسيان ضرب من الخيال
‏ارخى ياراسي لايروق ولا يحلالها 

‏احفظ لها قيمة غلاها وأنتظرها من شمال
‏ واذا نستني هذي الدنيا وهذي حالها

اما أني انساها نسى الله من نسى ذاك القبال 
‏ياصب روحي صب دلتها على فنجالها 

‏قولولها لا ستخسرت فيني ريالين أتصال
‏تهدي على جمعية الصم البكم جوالها .

مدغم ابوشيبه

للحزن ساحات بصدري مثل ساحات القتال - مدغم ابوشيبه

سولف ياصوتٍ يموتني و يحييّني 🤍

كنت أحسب إنك من جروح الزمن طبّي

احبك ايه احبك وان بغيت انساك ‏كيف انساك |ضيدان بن قضعان

أبغفى كنّي الطفل*

يابو عبدالله على الهاص يوم انزل سبيت
عذري اكبر من ملامك ومشروه مهدي

عذري اني من لعبنا وانا انزل مادريت
وش نزلت وكم نزلت وكم اللي في يدي

جالس معكم مهوجس وسجيت وسريت
رحت كلي مابقى الا عيوني وجسدي

ضاربٍ لي وادي لضربته ما صحيت
لين يندهلي بساط الجليس الاحمدي

واديٍ منشاه نجد ومصبه في الكويت
فيه اغرب و واتمادى واهوجس واغدي

وأتذكر من عليها قصيدي بيت بيت
يرد ميراد الضوامي على جال المدي

جادلٍ نسيانها بين لو وبين ليت
وان تهقويت المواصيل يا قل اجهدي

وكل ما كني دلهت وتشاويت ونسيت
هب نسناس الشمال وتذكرت وعدي

ضيدان - هب نسناس الشمال وتذكرت وعدي

الصدور أطرافها متراميه والليل هادي
‏لايروح الليل قبل أستنطقه وأخذ جديده
‏كل ماسقت القدم بين المبادي والمبادي
‏أعترض لي طاري الشوق وخذيت الشعر بيده
‏أرتجل للشرد من الصيد عن صهوه جوادي
‏وأعتق الي من سهوله صيدته كلٍ يصيده
‏لاخذتني غايتي وابطيت ياغاية مرادي
‏والمسافة كايدة والحب باقي له شريده
‏أحتريني والبسي لي كل لون الا الرمادي
‏الرمادي كل ماشوفه عرفت انه مكيده
‏ودّي أضحك من بعد طول المعاتب والتمادي
‏ضحكه الي يضحك من أدناة حاجه من حفيده
‏زمّليني من هواجيس الغياب الّا أرادي
‏إن ذبحني طاري الفرقا وش أنتي مستفيده ؟
أعبري بي لا غدي عادي و أنا مانيب عادي
‏الحريص تورده للموت غلطته الوحيده
‏ياعنيده مامعي صبراً مثل صبر المهادي
‏لا تعذرّتي مثل عذر المعقّد بالعقيده
‏في رجا الله مايخليني لـ جّدي وأجتهادي
‏مارجيت الا وعده ولا خشيت الا وعيده
‏لا أستوت فـ عيونك الثنتين قربي وأبتعادي
‏والظروف أقسى من الماضي على الي يستعيده
‏المصافح فالقلوب أصدق من مصافح الأيادي
‏أسمحي لي كل يوم أصافحك وأنتي بعيده
‏لا تحاتين الضمى والجوع في رحله جهادي
‏الحظوظ مقسّمه والذيب ماياكل وليده
‏شاعرك لا هامو أصحاب الشعر في كل وادي
‏مستعد يوقّف الدنيا على مطلع قصيده

صالح النشيرا المرّي

ودّي أضحك من بعد طول المعاتب والتمادي / صالح النشيرا

أنت يعني لا نويت تغيب، بوقف عند بابك؟

ما اعترضت استغفرالله انا عبدٍ خشوع - حسين العلي

بديتك ولازلت عاجز انتهيك.

ضيدان - هب نسناس الشمال وتذكرت وعدي

Abdul

Recent comments

حَ

miss

iixe2

iixe2

Related tracks