Turath

الأبنودى

نونا فريد

ربيع البركه

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

ربيع البركة

السيره جابر ابو حسين

أم كلثوم - سيرة الحب

youtube.com/watch?v=YkA3rZ1PCCs

السيره الهلالية جابر ابو حسين سيرة بني هلال في بلاد المشرق العربي  الحلقة السابعة

youtube.com/watch?v=ST4e3SYqf14

السيره الهلالية جابر ابو حسين سيرة بني هلال في بلاد المشرق العربي  الحلقة الرابعة

youtube.com/watch?v=LTRXBmhezk4

السيره الهلالية جابر ابو حسين سيرة بني هلال في بلاد المشرق العربي  الحلقة الثانية

youtube.com/watch?v=Z3xiu20QQyg

السيره الهلالية جابر ابو حسين سيرة بني هلال في بلاد المشرق العربي  الحلقة الثامنة

مدح النبي من السيرة الهلالية جابر أبو حسين

ربيع البركه على مين

Donia Massoud - men alseera - دنيا مسعود - من السيرة

‫السيره الهلاليه-جابر ابو حسين-الحلقه الاولي‬

‫السيره الهلاليه - جابر ابو حسين - الحلقه الثانيه‬

غنى الملك مشرف على ماجراله

اهين من جور الزمان واه

اهين من جور الغروره ومرها

ولا ضاحك الا اما الزمان بكاه


وتلتميت بنا ما بيسووا كاحل

يا ويل من كحتت وراه عداه

من عاير المبلى لابد يبتلى

ومن عاير الاعمى بوليا بعماه


ومن شق جيوب الناس يشق جيوبه

ومن عاب فى الناس يلعنوله اباه

لا خير فى مال البخيل اذا كثر

ولا خير فى ولد يعيب فى اباه


ولا خير فى انسان يمجد فى نفسه

ولا خير فى رجل قليل حياه

اشكو لمن رفع السماء بلا عمد

الهى تعالى محتجب فى علاه


على ما جرالى يا ويح قلبى لما جرى
الامر كله باحتكام الله
وكل مكتوب عليا يصيبنى
لو كنت فى قمقم عليه غطاه
جرى اللى جرى والغلب غلب كاونى
على ولاد عمى راحوا بدم قناه
بوجد فى قلبى لو شكوت الى الجبل
كاد الجبل منه يهد علاه
بوجد فى قلبى لو شكوت الى الحجر
كاد الحجر منه يطير شظاه
بوجد فى قلبى لو شكوت الى البحر
كاد البحر توقف قطاير ماه
بوجد لو اشكو لسوق حابك
فالسوق يترك بيعه وشراه
بوجد كالمجنون وبوجد عاقل
و بوجد من لوعه الزمان وكواه
من عاشر الجربان وجلس ناحيته
لابد ما برضه الجرب يعلاه
ومن عاشر الحداد يحرق بناره
وبعض الشرر يوقد لها لهباه
استغفر الله العظيم من الخطأ
الهى تعالى لا اله سواه


مقتطف من السيره الهلاليه(غنى الملك مشرف..) بصوت جابر أبو حسين

وصف ما دار فى بركة الطيور و تمنى خضرة الشريفة ان يرزقها الله ولد مثل الطير الأسود  

خضرة الشريفة و بركة الطير _السيرة الهلالية_الابنودى و جابر ابو حسين

السيره جابر ابو حسين

abdullah abdelmoneim