نفسي أنام فينك؟

يا ام الرموش عنقريب

(العنقريب سرير يصنعه اهل النوبة من الجريد)

ماتدمّعيش عينك

الفرح جاي عن قريب

إزاي بتتحمّل؟؟

أنساها .. وتجيني

أسقي بنات الدنيا إلاّها

ولما العطش يكويني ألقاها

هي اللي تسقيني

تهديني يوم وردة

أدِّيها لفلانة

تجري على حضني

احكيلها عن نانا

إزاي بتتحمّل؟

غمز البنات

واوعر من غمزهم ردِّي

جاياني ملهوفة ما تلاقي غير صدِّي

أحزن في أحضانها وافرح هناك وحدي

يا ام القليب اتخلق معرفش غير يِدِّي

يا ام الفؤاد ولاّد معرفش غير يعشق

الصبر عدّى وزاد يا قلبها المتقاد

ما عرِفت يوم تزهق

كانت بتلبس لي اجمل فساتينها

ترمي ف صحاريا أفتن بساتينها

تِدْمع رياحينها

ولا قلبي يوم يشفق

وإزاي بتتحمل ؟؟

كُتر الكلام عني بحكاوي وانا غايب

الليلة كان سهران

الليلة كان سكران

الليلة كان عاشق والليلة كان دايب

يا ام الرموش طايشة

وام العيون لامّة

حضنك ما حيسعنيش

انا بَلْوِتي طامّة

أربع سنين يا هوا مِلْكِيّتي عامّة

كل البنات اتلبنوا بيا وتفُّوني

ورسموني خروف معلوف

وسمعوا قصايدى وابتسموا

وصحيم بدري يوم العيد ودبحوني

بقالي ييجي اربع سنين مسمار في غيط شواكيش

دَقُّوا على راسي لكن مثبتونيش

يوم التقي مرسى وسنين ياخدني الطيش

كل الالم فيّا ولا قادر اتألم

وبتصعبي عليا ومش بقدر اتكلم

انا نفسي بس افهم

كل البلاوي ديا ازاي مابعّدوكيش

سامحيني لما اغلط

وانا تاني رايح اغلط لجلٍ تسامحيني

احلى ما في التوهان اول ما باجي اوصل

واحلى ما في الاحزان انك تضميني

يا مسكناني ضلوع

جواكي راح وبراح

ما بينلهاشي رجوع

شكلي حاموت سواح

كان نفسي فيكي زمان أياميها كان لي قلب

كانت الحياة خضرا النخلة والبقرة

والقلب طين ابيض بينام على القرآن

وبيصحى وقت الحَلْب

أياميها كان لي قلب

ايه اللي قلب النور ضلمة وليل راسي؟

واشمعنى فوق راسي يحلا العذاب والقلب؟

واشمعنى سابوا الناس بقلوب خضار وعمار ؟

وف قلبي نِزْلوا سَلْب؟

انا اول اللي اتصلب بس التاريخ كداب

مفهمش معنى الصلب

ركعوا البنات ليا واتّنوا قدامي

وفي حفل اعدامي ضحكوا وقالوا كلب

انتي اللي دمّعتي

جمّعتي جسماني من مملكة ايزوريس

ويا ريت ما جمّعتي

طب كنتي سبتيني ادخل هنا غزوة

واعمل هنا هُدْنة

وما دمت انا ميت ايه تِفْرِق الدفنة؟

ما البحر راح يسبق لو مهما جدّفنا

انتي اللي بتعاندي

عشمانة في الجنة والجنة مش ليا

إزاي بتتحمل لوم الصحاب فيا؟؟

على ايه غرامك بيه؟

ده التبن من تحتيه باقي الماعون ميه

تضحك على قولهم وتبص في الساعة

وتقول زمانه صِحِي

زيدي كمان نورك يا ام الجبين الضَّحِي

جَنّنِي صوت حزنك إياكي يوم تفرحي

لا الفرحة تسرقنا

لا انا حِمل مهرك ودهبك

ولا جاي معاي عاجِك

ولا حمل توب من حريرك

ولا ماسة من تاجك

ده انا بالكتير حاجج

من وسط حجاجك

جيت لك في شهر حرام فمتهدريش دمي

ماتقربيش مني مانتيش كِفَا همي

وَلِّي لحجاجك يا ام الجبين عرفات

حبك كما الصلوات والقِبلة مش يَمِّي

يا معلماني الهوا ومسَكِّنة التباريح

حبك نخيل طارح ميهزهوش الريح

أرمي الحجر جارح تنزِل رطب مجاريح

إزاي بتتكسر اشواكي جواكي

ابكي على صدرك القى البكا تفاريح

إزاي بتتغير دنيايا جوايا

اول ما اكون جنبك

وإزاي يجيلك صبر تنشفي بكايا

والذنب مش ذنبك

انا الاعمى

جفاني الحب ونسيته على ايدين اللي تتسمى ما تتسمى

قطع راسي على خوانة ولا كَبَّر ولا سمّى

ولا سابني اموت مستور

ولمّ عليا ميت لمّة

وذنبك ايه بقية السكة تقضيها بعجوز اعمى؟

انا اللي الناس بتخشاني هوا ومنظر

هموم الدنيا خاشاني وبتمنظر

وعايش عيشة خشّاني وبتغندر

وبتلكلك في حضن الليل سُكّيتي

عواصفي فوق حدود وصفي

وبابك صعب يتحمل عواصف مهما سَكّيتي

انا المدبوح

ولما تقولي حبيتك بحس دماغي واكلاني

اردّ بايه على بنيّة في كل كيانها شايلاني

انا المجرم وانا القاسي

وانا اللي نسيتها ميت مرة ما نسيتني

ومشيتها في دروب مرة ما ملّتني

وداست ع الطريق حافية وسلّتني

وصحيت بدري وقت الفجر صلّتني

ارد بايه؟

وقلبها سابها في متاهة

قليل الاصل غَيَّاها

وقلبي التاني قسّاني

وقلّ باصله ويّاها

غرامك يا ام طيف مخمل بيتجمّل

ويفرش صدري بالعنبر وبالمحمل

انا المعشوق يا كل العاشقين غيروا

تحبوا شيء جميل طبعا

لكن تتحبوا ده الاجمل

حبيبتي احلى من شعري واحلى م الحروف كُمَّل

ولا بتهجر ولا بتغدر ولا بظلمها تتململ

لكني في حيرتي بستغرب

انا ازاي مش بغني لها ؟

وهي ازاي بتتحمل؟؟

. هشام الجخ إيزيس

-

www.facebook.com/mayoo2013
www.twitter.com/mayoo2014

-

3bdelra7man m7md _2oli 3mlk eh 2lbi | عبدالرحمن محمد_ قولي عملك ايه قلبي | aحmD ♪

مقطع من سهرة اليوم مع اخويا خالد الاشقر في كافـيه فَـلَـكْ (: 

اعتذر عن جودة الصوت ..

مقطع من اغنية ابعتلي جواب - أحْمَـدْ الهَاشِـمِيّ

ياسمينا العلوانى - انت عمري

ام كلثوم - بعيد عنك

امانة عليك. يا مسافر بورسعيد.ogg

فات الميعاد - ام كلثوم

cover عبد الحليم حافظ 

جبار

عبد الحليم حافظ ..جبار

https://www.youtube.com/watch?v=jgk1n-h7uAk

دويتو زي العسل بالطبلة والربابة

وردة الجزائرية -الوداع - خلك هنا خلك

مافاضلش حاجه معاك تهون م الطريق
غير مد شوف عمال يضيق
 ويضيق معاه النفس 
على كام تراك متعاد 
مابقوش يردوا الونس 
والفضفضه الساكته 
هي كل ما حيلتك
والضحك والنكته 
لو تفتكر موقف
 مابيسندوش ميلتك 
والماضي والذكري 
بيخفوا من شيلتك
مايخففوش العلل
السكه عمر طويل  
والصبر مات م الملل 
والناس سلام حواليك 
وانت اللي فيك الخلل 
والحظ دا ابن حرام 
ماسك عليك الذلل 
كاسر عينيك وعينيك 
خاضعين خضوع الشلل
هاين على دموعك 
تنزل تخف مافيك  
هاين على ضلوعك 
تطلق سراح حكاويك ...
تفتح عليها القفص 
بطلت تاخد نفس 
غير اللي ع القهوه 
بطلت تتعشم ...
كون العشم شهوه 
بطلت ياما حاجات 
من خير ماتهوى
ماشي ف ضل الحيط 
مش لافت الانظار ..
مهدود م التخبيط 
وتقمص الادوار 
ومسايسة الجمهور 
مش لاقي وقت أثور
 مع اني ثورة غضب
فرق المراد م الفعل .. 
فرق الجبال م الهضب 
عايز .. بدون ماعمل 
وان جيت عملت .. 
بمل واميل لحبة زهد 
بفرط وبستعمل ..
كافة طاقات قلبي 
في أقل بذلة جهد 
والدنيا يوم عن يوم
عماله تترازل
فايقه وانا المسطول
فارغ ومتخاذل 
والفرصة بنت بتول 
هي اللي بتغازل
وانا زي عادتي كسول 
وطموحي في النازل
 فمتزعليش م الغول 
علشان بيتنازل ...
بعد اما كان بيصول 
في العركة وينازل 
سيف الحياة مسلول 
وانا جندي في المعركة
أعزل بدون عازل

3DLi

وردة الجزائرية -الوداع - خلك هنا خلك

Abdullah Ahmad Atawneh