القوم القوم البدرو
هوي ومناي ليم السرو

البدرو
عصروا الكتوف ما اتبتروا
حملوا الخراطي ومتروا
في سيرهم ما اتعتروا

اتدردروا
سايفين رقاق ما اتهجروا
كجر المظلم قنبروا
فرشوا الجلالة وتجروا

الأصعدوا
قطعوا الردود واتبعدوا
في الخشة فارشين عددوا
هم والاسود اتواددوا

الجبلوا
فرق الحجار اتسبلوا
انا شوقي للما قبلوا
في الله عميرهم سبلوا

الساري سار
فارش على ظلط الحجار
كل ليلة جدد ليهو دار
في جلوسوا يأتيهو الخبار

السددوا
الخلوات ضحي واتهجدوا
مسكوا الملولب سردوا
شرط الككر يا شيوخ هدوا

القفلوا
الخلوات ضحي واتنفلوا
العارفين ما اتطفلوا
طاهر المجالس حفلوا

انغامهم لي جن
احين جنانس الاندجن
نعم اني ماسك منهجا
سوو لي لولالي العجن

طال سمعهم
في الله زايد طمعهم
بي خشعة سارف دمعهم
اشتغلوا في ضي لمعهم

طال ونهم
جلسوا البيدهش دنهم
خيل المشارق جنهم
محمود بدافع عنهم

من الشروق
جني كما لمع البروق
محمود ابوي عند اللحوق
بتجزأ في سروجن يحوق

لي خدمة الطيب عبيت
بقدل مشنق ما دبيت
كساي بدل ماهن توبيت
فوق لي زحل سوو لي بيت

لي خدمتم طربان طرب
صرفولي وروني العجب
صارفين لي شيك ولا دهب
بقدلبو في يوم التعب

انا جوني فرسان المفاش
ربطو لي ماهية ومعاش
صارفين لي شيك ولا قماش
بقدلبو يوم الاندهاش

قوم الضمان
وفو العهد صانوا الجنان
محمود ابوي قايد العنان
للدربهم حزب الامان

تألفوا النفوس
شرح المدون في الجلوس
جيلي البجكن جن حبوس
منو المثيلك جدو غوث

صلاة غير فصول
ترضيك يا اصل الاصول
بها المكاوي ينيل وصول
اقبلا واقبلني يا رسول

القوم القوم البدرو - الراوي شيخ مكاوي - أداء علي الشاعر والأمين القرشي

Abdullah Elsherif