لَيك يا حبيبي لَيك
شو صاير لَيك
مجموعة عالم حولَك
عم تضحك عليك
ناوي تكفّي هيك؟ 
كفّي هيك
أنا قلتلَّك لَيك..

عم قلَّك هيك لأني بعزَّك
وأكتر من هيك لأني بحبَّك
عم قلَّك هيك لأني بعزَّك
يا مجنون لأني بحبَّك
عم قلَّك لأني بخاف من كل شي حواليك

عم قلَّك هيك لأنَّك عندي
موجود كتير أكتر ما بدّي
عم قلَّك هيك لأنك عندي
باقي بالروح أكتر ما بدّي
عم قلَّك لأني بشوف وبقشع بعينَيك
لَيك يا حبيبي لَيك.

ليك يا حبيبي ليك :: زياد رحباني

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

دليتيني ع الخمارة… تركتيني وما فتّي…
لما سكّرتيني يا جارة… خفتي ومني هربتي…
غدروني عيونك غدارة… وبتقولي ما غدرتي… 
يمكن زمانك خسارة…
خسارة ع الـ حبوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

عايش على حبك إتسكع… وليالي سكّرونا… 
وبشوفك كل ما بتطلع… بنسوان الماخورة… 
زرت الما عادت اللي بتنفع… تشفلك شي صورة…
ما خلوا ولا صورة إلا… منها سرقوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

ثورة بعينيكي - زياد الرحباني

زياد الرحباني - عطل و ضرر

حن الحديد حن الحديد على حالو وانت ما حنيت حن الحديد على حالو وانت ما حنيت لو كنتَ تدري بحالي من زمان أنيت من زمان.. من زمان أنيت..
حن العريس عالعروسة وقبَّل الخدين حن العريس عالعروسة وقبَّل الخدين غيرو ما حدا يبوسا لا اليوم ولا بعدين غيرو ما حدا يبوسا لا اليوم ولا بعدين ولا بعدين
حن الحديد على حالو وانت ما حنيت حن الحديد على حالو وانت ما حنيت لو كنتَ تدري بحالي من زمان أنيت من زمان.. من زمان أنيت.. من زمان.. من زمان أنيت..

حن الحديد - زياد الرحباني وجوزيف صقر - مسرحية نزل السرور

يا نور عينيا - زياد الرحباني

زياد الرحباني_تابع لشي تابع شي _ الجزء الاول

بعد بحث طويل على مسرحية نزل السرور عشان أحضرها للأسف ما لقيتها فاضطريت اسمعها سمعي... وبعد ما سمعتها حاولت الاقي اغانيها في مكان واحد اسمعهم مرة ومتين وتلات وللأسف كمان ما لقيتهم هون او عاليوتيوب.
فقررت أقصهم من المسرحية وأنزلهم لعل وعسى حد خاض نفس التجربة زوحب يسمعهم فما يروح يقصهم من المسرحية من أول وجديد.
ما حطيت كل الموسيقى اللي كانت بين وقبل وخلال الاغاني والمسرحية لأني حسيت هيك بضيع هيبة المسرحية وعشان تكون دايما هاي الموسيقى عناية خاصة ونكهة ما حد بجربها الا اللي بشوف او بسمع المسرحية كلها.
وتحت عن المسرحية في شرح صغير.... مش كثير موثوق يمكن عشان من الويكيبيديا بس هاد الموجود والجود من الموجود.

نزل السرور هي مسرحية من تأليف زياد الرحباني إخراج عام 1974م وهو من 
بطولة جوزيف صقر (بركات) وكارمن لبس وسامي حواط وزياد الرحباني (زكريا). تدور أحداث المسرحية حول نزل السرور وهو فندق يجمع فيه زياد ابطال المسرحية ال 13. القاسم المشترك بينهم هو التعتير والخنوع ويأتي عباس وفهد في وقت الإضرابات المفتوحة والمظاهرات ليقتحموا الفندق ويتركو النزلاء امام خيارين : اما البدئ بالتحضير للثورة أو الموت للجميع, يقنع النزلاء عباس بتأجيل الثورة(بمساعدة رؤوف منظر ثوروي شغلته الكلام) حيث تتم رشوة عباس بسوسن (مع انها مخطوبة) ومال امها عبلة صاحبة الفندق.. تهرب سوسن من عباس لاحقا وتعود للفندق لتنبه النزلاء ان عباس سوف يعود إلى الفندق ويقتل الجميع, الكل بيهرب ما عداالرقاصة تحيات وزكريا يللي كان محشش وعم يحلم بمستقبل أفضل لأولاده بعد ما اقتنع بضرورة الثورة.. بالنهاية يصعد عباس وينام مع الرقاصة ويرفض زكريا الهرب بعد حوار (كتير مؤثر) بينه وبين فهد الذي يقنعه بالهروب. يلعب الراحل جوزيف دور بركات (المطرب) وهو غنى معظم الاغاني.

مقدّمة مسرحية نزل السرور

Sharw