طربيات 💘

احلى تقاسيم عود وغناء وسلطنه من النسباطى ..تسجيل نادر

رياض السنباطي - عودت عينى

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي ( اللؤلؤ) بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام يُسلطن كل عين تعشق حليوة

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل ..
وأنا العليل ..
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي ..
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان ..
مشتاق أنا والحلوه مش مشتاقة
والذل شين
الذل شين والأرض بكر عفية
يوم الحصاد وعروسه متحنية
لو شفتها بالقمح متغطية
ح افرش عبايتي واقابل
أم السنابل
وح اضم أملي بعد شوق بعيني
وبالإيدين
وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنة ..
يا تبقى ثورة في الصدور ومراجل
والوعد دين
الوعد دين

وهبت عمري للأمل

يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربة
م الهوى دبنا
وأنتو فى الغربة
جوه قي قلوبنا 
اوعوا تفكروا
إننا تبنا
مهما فرقونا
ولا بعدونا
يا حبايبنا

أحمد فؤاد نجم

الشيخ إمام - يا حبايبنا

محمد عبدالوهاب - يا حبيبي كحل السهد جفوني

الشيخ إمام - البحر بيضحك ليه - نسخة صافية

ده مش لون عنيكي 
ولا دية ايديكي 
بدل م اخاف عليكي بخاف منك ي بلدي

يا عزيز عيني

الشيخ إمام - أنا أتوب عن حبك Cheikh Imam

الشيخ إمام  يا حبايبنا فين وحشتونا

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

وهبت عمري للأمل - الشيخ إمام

لإبراهيم ناجي ورياض السنباطي

الأطلال - ختام الحفلة الأولى | إبريل 1966

تسجيل آخر للسماعي كاملا بعزف فرقة الإذاعة التونسيّة: https://soundcloud.com/aesamk/kxoou1bfxlss

سماعي راست  محمد القصبجي  - المقطع الأخير | فرقة أم كلثوم للموسيقى العربيّة

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

‫اذا الشمس غرقت‬ - الشيخ إمام  و الشاعر أحمد فؤاد نجم

البحر بيضحك ليه
وانا نازله ادلع املا القلل
البحر غضبان ما بيضحكش
اصل الحكاية ما تضحكش
البحر جرحه ما بيدبلش
وجرحنا ولا عمره دبل
مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو فى المية عسل
والبحر بيضحك ليه … ليه
وانا نازلة ادلع املا القلل
ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل
والبحر بيضحك ليه … ليه
وانا نازلة ادلع املا القلل
فى بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
والبحر بيضحك ليه ليه
وانا نازلة ادلع املا القلل
بيني وبينك سور ورا سور
وانا لا مارد ولا عصفور
فى إيدي عود قوال وجسور
وصبحت انا فى العشق مثل
والبحر بيضحك ليه
وانا نازله ادلع املا القلل

الشيخ إمام يا حبايبنا فين وحشتونا

Abdulla Maghrabi

Recent comments

amrelzoughby

Asmaa Karem

غ𓂆

احمد هيثم

Related tracks