العشق زين بس الهموم سباقة :((

امتى تطول العيدان.. ده من زمان

وبالايدين المعروفين يامناجل

والصبر فين يا سنين طوال وليالي

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي ( اللؤلؤ) بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام يُسلطن كل عين تعشق حليوة

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل ..
وأنا العليل ..
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي ..
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان ..
مشتاق أنا والحلوه مش مشتاقة
والذل شين
الذل شين والأرض بكر عفية
يوم الحصاد وعروسه متحنية
لو شفتها بالقمح متغطية
ح افرش عبايتي واقابل
أم السنابل
وح اضم أملي بعد شوق بعيني
وبالإيدين
وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنة ..
يا تبقى ثورة في الصدور ومراجل
والوعد دين
الوعد دين

وهبت عمري للأمل

كلمات : أحمد فؤاد نجم
غناء و الحان : الشيخ امام عيسي
انتاج: 1984
ممنوع من السفر 
ممنوع من الغنا 
ممنوع من الكلام 
ممنوع من الاشتياق 
ممنوع من الاستياء 
ممنوع من الابتسام 
وكل يوم فى حبك 
تزيد الممنوعات 
وكل يوم باحبك 
اكتر من اللى فات 
حبيبتي يا سفينه 
متشوقه وسجينه 
مخبر فى كل عقده 

عسكر فى كل مينا 
يمنعني لو اغير 
عليكي او اطير 
اليكي واستجير 
بحضنك 
او انام 
فى حجرك الوسيع 
وقلبك الربيع 
اعود كما الرضيع 
بحرقه الفطام 
حبيبتي يا مدينه 
متزوقه وحزينه 
فى كل حاره حسره 
وف كل قصر زينه 
ممنوع من اني اصبح 
بعشقك .. او ابات 
ممنوع من المناقشه 
ممنوع من السكات 
وكل يوم فى حبك 
تزيد الممنوعات 
وكل يوم باحبك 
اكتر من اللى فات


الشيخ امام و احمد فؤاد نجم - ممنوع من السفر | Sheikh Emam& Foad Negm - Mamno'a mn El Safar

الشيخ إمام - البحر بيضحك ليه - نسخة صافية

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

وهبت عمري للأمل - الشيخ إمام

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

‫اذا الشمس غرقت‬ - الشيخ إمام

أهو دا اللي صار - الشيخ إمام

الشيخ امام ... مغني الثورة والرفض

اهيم شوقا اعود شوقا الى لماكي وسلسبيلي 
ياسمرا ياللي الهوى رماني 
وتهت فيكي وضاع زماني 
يحدفني بحرك لبر تاني 
يجيبني شوقي او تندهيلي 
اهيم شوقا اعود شوقا الى لماكي وسلسبيلي 
هربت منك لقيتني فيكي 
بعدت عنك قربت ليكي 
سهرت وحدي اتونست بيكي 
غلب حماري وتاه سبيلي 
اهيم شوقا اعود شوقا الى لماكي وسلسبيلي

أهيم شوقًا - الشيخ إمام

الشيخ إمام - البحر بيضحك ليه



شيد قصورك ع المزارع ... من كدنا وعمل إدينا

والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبه ... دقت ساعتنا وابتداينا

نسلك طريق ما لهش راجع ... والنصر قرب من عنينا


وهبت عمري للأمل - الشيخ إمام

Nohayr Emad

Recent comments

Marouane Sadiq

Abanob Safwat

asmaa saber

asmaa saber

Related tracks