مساكين بنضحك من البلوة والله  !

رب العالمين الشيخ امام

سارقاها من السكين حموه

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي ( اللؤلؤ) بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام يُسلطن كل عين تعشق حليوة

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل ..
وأنا العليل ..
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي ..
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان ..
مشتاق أنا والحلوه مش مشتاقة
والذل شين
الذل شين والأرض بكر عفية
يوم الحصاد وعروسه متحنية
لو شفتها بالقمح متغطية
ح افرش عبايتي واقابل
أم السنابل
وح اضم أملي بعد شوق بعيني
وبالإيدين
وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنة ..
يا تبقى ثورة في الصدور ومراجل
والوعد دين
الوعد دين

وهبت عمري للأمل

كلمات : احمد فؤاد نجم

اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. ومصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
اتجمعوا والعشق نار في الدم ….. نار تحرق الجوع والدموع و الهم
نار تشتعل لما القدم ينضم …. لما الايادي تفور في لم اللحم
قدم العدو غارسة في لحم ترابي … و الكدب عشش مخبرين على بابي
و المخبرين خارجين كلاب سعرانة … بيجمعوا العشاق في الزنزانة
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

الشيخ امام - اتجمعوا العشاق ف سجن القلعه (جوده عاليه | Sheikh Emam - Etgama'ao El Oshak

الشيخ إمام - البحر بيضحك ليه - نسخة صافية

ليلى مراد - ماليش امل ( اسطوانة )  2

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

وهبت عمري للأمل - الشيخ إمام

طلع الصباح _ الشيخ إمام

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

البحر بيضحك ليه-الشيخ إمام

Just.Sharif

Recent comments

Mohamed Allam

Don leo 🦋

Don leo 🦋

Don leo 🦋

Related tracks