كان قلبي يومها ضايع
بيدور في الشوارع
نفسه يلاقي النور
عاجز وحقيقي حاسس
إنه مهزوم ويائس
طير بجناح مكسور
***
وناديتني في عز همي
قوتني وشلت عني
نسيتني طعم الخوف
قولت لي أنا لسه جنبك
افتح لي بس قلبك
صدقني وانت تشوف
***
وَلَقِيتَنِي بِطَيْر مِن تَاني
أَحْلام لَبَعِيد وَأَخْدانِي
ما بقاش فِي حُدُود منَعانِي
إِحْساسِي بِيك قَوّانِي
***
أنا كنت ساعتها خايف
وخلاص ما بقتش شايف
أي أمل موجود
مش قادر أقوم وأكمل
في متاهة ومهما بعمل
في ألف باب مسدود
***
لحظة ما بقيت معايا
اتغيرت الحكاية
رديت لي تاني الروح
مش مصدق عينيا
شايف في اللحظة ديا
باب السما مفتوح
***
وَلَقِيتَنِي بِطَيْر مِن تَانِي
أَحْلامِ لَبَعِيد وَأَخْدانِي
ما بقاش فِي حُدُود منَعانِي
إِحْساسِي بِيك قَوّانِي

Hateer Min Tany - Vocals Only

Abdulrahman Babiker