ييتك حبيبي اريد ارضاك
من قلب ما يحتمل فرقاك
حقك على عيني و راسي
ولي مزعلنك عساه افداك

لك فالحنايا غلا مكنون
مهما اختلفنا و مهما يكون
انته ذهب غالي و مخزون
ادراك مثل النظير ادراك

دنياك ما شي فيها خير
تمشي شرا الريح واحنا انطير
وإلا تبا الصح والتفسير
عن باكر يكون وش دراك

ترا التسامح على الانسان 
واجب ومن خصلة الرحمن
ولي يطلب العفو والغفران
اعفه ولو ياك مهما ياك

قلبن يحبك يشوفك وين
يا اعز واغلا من الغاليين
رضاك لو ينشرا بالدين
ابيع روحي عشان ارضاك

ان شفت عينك يزول الهم
افراح روحي علي اتلم
واللي طلبته فداك وتم
اعطيك واحب منك اعطاك

انا حبيبك انا المجنون
وانا غريم الهوا المفتون
من لجل عينك تهون اعيون
لولاك سبت الهوا لو لاك

اترا المحبه سبب نوحي
واتفيض بدموعي اجروحي
والبعد والصد والشوحي
خلا حبيبك على الادراك

غالي ولا يرخص الغالي
ولا ارخصك لو حال ماحالي
ليتك اترفق على حالي
اباك مهما اتكون اباك .
.

ييتك حبيبي-

- ييتك حبيبي   عبدالرحمن الجنيد   كلمات سعيد بن مصلح

القناة الرسمية للمغني عبدالرحمن الجنيد
Official Channel for Singer Abdulrahman Al-Junaid

- ييتك حبيبي عبدالرحمن الجنيد كلمات سعيد بن مصلح

Abdulrahman Al-Junaid عبدالرحمن الجنيد