أنا كنت تِرس...
الاختلاف بيشقّقه 
حاول زمانة يِعَشّقُه 
قام عَشّقُه... 
في الناس و ليلهم و الغناوي و القمر 
عاشر بشر 
و امّا اتحشر 
كسّر سنون كل اللي سَجَنُه و صَدّقُة
و شَتّ عن كل التروس 
حرّر خلاصات الدروس 
و حلف يدوس 
علي كل جرح و كل طوق 
وعاش بدهشه و عاش بشوق 
و برغم كل حموله... برضو نَطّ فوق
و نادىَ علي كل التروس المُحبَطة 
يا كل مَتروس في الحياه 
يا كل عشمان في الغطا 
عيش و ارتعش 
في مواجهة البرد الحزين
ماتخافش من بُطء الخُطا 
ما تخافش من جَري السنين 
و لا عَصرِة القلب البتول 
و اصرخ و قول... 
شهد البدايات في التعب 
فشل التجارب كان سبب 
للمعرفه 
ثم الوصول
الاختيار مالهوش اصول 
الاختيار محتاج جنون 
ياتعيش مِعشّق ع الطريق 
ياتعيش عشيق 
من غير سنون 
و انا كنت... ترس
‫

ترس- للشاعر أحمد شبكة _ أداء مروة سامي

Radio Station

و أما نصرةُ الحقّ و إعلاءُ مناره ، و طمسُ الباطلِ و خذلانُ آثاره ، فهو أمرٌ قد التزمناهُ فى كُلِّ فَنٍّ .

"ابن النفيس

ترس- للشاعر أحمد شبكة _ أداء مروة سامي

Abgadyya