كلمات : سيد حجاب 

إسكندرية الصبية.. بنيَّة إمبارح
أموت فى عودها السرَّح.. وف رمشها السارح
شرح هواها.. وشعورها.. شبك وليل طارح
ع البحر.. والبحر فى ننى العيون بارح
دى اسكندرية عروسة بحرها مالح

***
يا اسكندرانى.. يا بستانى ف جناين الريح
يا قانى جواك سما.. وشمس.. وغنا تباريح
أحلى ما فيك يا وله.. إنك جدع وصريح
وطيب القلب.. تضحك.. حتى وانت جريح
وان عاندك الموج.. تداديه انت وتصالح
دى اسكندرية عروسة بحرها المالح

***
يا اسكندرنية.. يا مياسة محنَّية
يا بنت بحرى يا ساكنة فى قلبى وعينيا
فى الحر.. ع البر تجرى.. مستأنية
يُرشك البحر ميه.. تُرشّى حنية
على وشى .. ويصيب حشايا سهمك الجارح
دى اسكندرية عروسة بحرها المالح

***
يا رب.. وافرجها ع المبلى والمحووج
وكون سندنا.. ومددنا.. فى السنين العوج
واكتب لنا نعود لها.. والحب بينا يسود
ويعود قمرها يلالى فى الليالى السود
دى اسكندرية عروسة البحر.. ست الموج

***
محلاك يا صاحبى يا فارد فى الهوا قلوعك
يا اسكندرانى .. يا طاوى البحر فى ضلوعك
لما الليالى يدوروا بِنا .. وْما يدروا بْنا
هيه الفنارة اللى تهدى قلوبنا لدروبنا
وعشقها ف دمنا.. وْمع حلمنا.. ممزوج
دى اسكندرية عروسة البحر.. ست الموج

إسكندرية الصبية (البحار مندى) حنان ماضى - ياسر عباد الرحمن

اللقا اكيد من بعد الوداع ✨

 ابقَ حيثُ الغِناء .. فـ الأشرار لا يُغنُّون!!

Electronics and Communications engineer
Adore soft music
Love photography

إسكندرية الصبية (البحار مندى) حنان ماضى - ياسر عباد الرحمن

Abeer Nabil