مصطفاي

crimnal

وردي

favorite

كلمات اغنية الليلة مسافر
الليلة مسافر أنا أنا - ما جبر الخاطر لي أنا
شوف عيونه كحيلة وحواجبة غزيرة
  علمني الغير وسكن الجزيرةحبيبي انا
  انا عارفو حبيبي متوب لي نصيبي
  لازم اوصلو حتي في الكاريبي حبيبي انا
الساعه5ياحبيب ماتنسي في محطة5 موعدنا 
لبعيد وداني سابني وخلاني* مابحب انا غيرو حبيبي السوداني حبيبي انا
السيسبانا خضرا ورويانا ياعمار بي أمانا* ريان عجبانا وبحرسا
حبيبي بريدوا ابقي ساعه في ايدو*اضبطلو مواعيدو يحصلا

سامي المغربي -الليلة مسافر

نحن رفاق الشهداء - محمد وردي

قلت أرحل 
اغنية للاستاذ محمــــد وردي 
اداء نانسي عجاج

قلت أرحل ...
أسوق خطواتي
من زولاً نسى الإلفة 
أهَون ليل ... أساهر ليل 
أتوه مِن مرفأ لي مرفأ 
أبدل ريد بعد ريدك 
عشان يمكن يكون أوفي 
رحلت وجيت في بعدك لقيت 
كل الأرض منفى ...

عيونك زي سحابة صيف
تجافي بِلاد وتسقي بِلاد 
وزي فرحاً ...
يشيل مني الشقا ويزداد 
وزي كلمات بتتأوّه 
تتوه لمن يجي الميعاد 
زي عيداً غِشاني وفات 
وعاد عمّ البلد أعياد 
وزي فرح البعيد العاد 
وزي وطناً وكت أشتاقلو
برحل ليهو من غير زاد 
بدون عينيك 
بصبح زول بدون ذكرى
وبدون ميـــلاد ...
رحلت وجيت ... في بعدك لقيت
كل الأرض منفى ... 

زمان الفُرقة والتجريح بسيبو 
بسيبو عشان تشيلو الريح 
بسيبو عشان صحيح الذكرى
بتّوِّه عُمرنا صحيح 
انتِي معاي لا بندم
ولا بقضي العمر تبريح 
أصلو العُمر شوقاً كان
حزناً كان ... وصبراً كان 
فسيح وفسيح ...
أصلو العمر كان
درباً مشيتو كسيح
وكان غرساً ...
سقيتو بُكى وقبضت الريح 
رحلت وجيت ... في بعدك لقيت
كل الأرض منفى ...

قلت أرحل

مع الطيور - مصطفى سيد أحمد

الحب والثورة - محمد عثمان وردي

بعد ايه - محمد وردي

جمال الدنيا - محمد وردي

النص الكامل لقصيدة الراحل الشاعر الكبير محمد الحسن سالم حميد :
كلمات اغنية ست الدار محمد النصري

لقد عجبت جدا حينما قيل لي ان محمد النصري غنى هذه القصيده
ولم اصدق حتى سمعتها فاصابتي الدهشه 

محمد الحسن حسن سالم (حميد)
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده 
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
واللا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا .. 
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاص البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا 
ولا نبقالك مشغولية
زيك واحد مستورين وما ناسين المسئولية
هي يا الزين زغرد 
ما قتلك ...
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا هباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير
أم أولادك ست الدار بت أحمد جابر
ست الدار بت أحمد كيفك
جاني جوابك مفتوح شارع
جاني جوابك وانا بتصور في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور 
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف.. المصنع فيهو خساير
وقالوا يخفضوا مائتين عامل
مائتين عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي القاع تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية 
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية 
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عديتن جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراقة في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان
(بعد الحاصل والإتحصل ست الدار بت أحمد تكتب) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. وأرجع أميز
فرحانابك يا أحزان 
فرح النار بي لوح الزان
مبسوطابك يا المبسوط
ما هزاني مصيرك
قدر ما أذوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض ..بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيت؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ثم اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص 
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار بت احمد جابر
تلغرافات :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
\\\\
الخرطوم .. الخرطوم بحري .. كشك الشعلة \ الزين ود حامد
راشد راقد والواطة جعفر طالق فيها بهايمو
ست الدار بت احمد جابر
\\\\
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
\\\
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد


محمد النصري - ست الدار بت احمد

بت العرب النوبيه - مصطفى سيد احمد

والله مشتاقين - محمد وردي - عود 

مصطفى سيد أحمد "اطيب من الالم

رحلت وجيت
في بعدك لقيت
كل الأرض منفى ...

محمد وردي - قلت أرحل

فاقدنك

كلمات غناء والحان : احمد امين
مقدمه : Foogy
تصوير: Ali Saad Ali 
تم التسجيل باستوديو: Go Production

http://www.alisaadali.com | http://www.facebook.com/ASAwebsite

Fagdinnak - Ahmed Amin | فاقدنك - أحمد امين

الحب والثورة (بشتاقلك كتير والله)

محمد وردي - الريلة

عفاف حسن امين (ناس حلوين جواك) بكائية الرحيل والوداع 

عفاف حسن امين (ناس حلوين جواك) بكاء الرحيل والوداع

مصطفى سيد احمد شقاء الايام - تغريد محمد

نبدأ من الصفر - فرفور

سيف الجامعه ورائعة
أبوي محجوب شريف
     مريم ومي
ــــــــــــــــــــــــــــــــــــــــــــــــــــ
رائعة ابوي محجوب شريف
مريم ومي
ــــــــــــــــــــــــــــــــــــــــــــــــ
مريم ومى بنياتى وحشتنى ولعبتن بى
تحياتى تصحو امامى اشواقا تهز النبض وتاتى
عميقا من شعاب النوم الاقى الذكرى بتاهى
سلام يا حمامتى اسكنن فى مسامتى
سلام يا غمامتى البتدني ابتساماتى
مريم ومى بنياتى وحشتنى ولعبتن بى
مسافر قلبى صوت يرن يسابق الريح
قلب الوالد انت صحيح تحن وتهم
حذراك من الجواك وحذراك من جرح التبريح
حتهرب منو جلدك وين ويوماً ما حتسكت تم
واخت رأسى
وافارق دنيتى وناسى
واخلى وراي كراسى
وما أسود سطر بالشين
وما تعود اساك العين
وما تشمت عدو فينى
مريم ومى وبنيتى وحشتنى ولعبتن بى
طريق الشعب اوسع زحام؟
وقلب الشعب ارحب من رحاب الضو
ونبض الشعب كله حلم بداه بتم
تطلع من شقوق الارض الاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
صبايا وفتيه يمرحوا فى صباح الغد
عيونهم برقهم لماح سؤالهم رد
خفاف ولطاف وثابين اوان الجد
دفاعا عن حياض السلم والافصاح
سلم لى عليهم == سلم لى عليهم
جملة حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوق
نقاشين فى جدار الصمت
نساجين خيوط الشمس كهربجية ؟
واجمل ما تكون الدنيا
رسامين حفاريين مجارى العصر
نصرا حروفو
واه حلالى تشمهن ترتاح
ح حرية
ت تغيير
ت تعليم 
ك كتاب 
م مسمار
ح حرية 
ت تغير 
ج جرار
سكة حديد وتهز وترز
ب بحارة بحراً عب وثار
وطن مدرار جرت تتلاحق الانهار
كما تتلاحق الاعراف
كما تتمازج الالوان
كما تتصافح الاديان
كما تتمازج الالوان
هجين من سلالة الفخار والعز
مرور النسمة وعند هبة الاعصار
علم فى نشرة الاخبار
وهيبة على امتداد الكون
علما فى حماه الوردة حتى الزهرة والمريخ
شبح حرب النجوم انزاح
ايادى القهر خلف الظهر مكتوفين
افاعى السحت حيث مزابل التاريخ
سلم لى جملة حتى اللسة قبل الخلق والتكوين
بشوفهم كلهم حسه
عصافير ترك جنبى
مواسير اً ترش قلبى
حمامتى بتشرب حسه من ايدى
مريم ومى بنياتى سمعتن صوتى جيتن لي
مريم ومى بنياتى سمعت حسى جيت لي
طلعتن من زوايا السجن كاللبلاب
وبين السنكى والترباس وبالرقاق وخلف الباب
عبر السور ذى النجمة والعصفور
تجرن جدولاً رقراق
من حبل العشم فتلات
من حقل الوطن شتلات
امكم الفى قلب جبتن لى
من تيابه شراع
منديل خيوط شعاع
وكراسا مسطر بالضحى اللماح
وخط ايده وشعور الحى
وقالت لى قالت لى وقالت لى
سلام يا ابو مريم ومى
ثباتك شعلة فى ايدى
بناتك خلى راسن فوق
وحاشاك الكلام النى
وحاتك ماانكسرن وراك
ولابد من يعود الحى
وفجراً كالكرب حيبين
وشعباً تب ترب حيقوم
ويملا شوارع الخرطوم
وتجري مدامع الحلال
تجر النم تسوى القوق
فوق سودانا فوق سودانا فوق
بدل شاهيك اشرب دم اذا قلت الكلام النى
وانا الما عندى ليهن شىء
لا فى البنك ولا فى الدين سوى الكلمة المابتنداس
ولا بصبح مكان الرف ولا عصفور جو الكف
ولا صقر يحلق فوق وينزل كف
نبض الشعب اجمل من بريق الماس
واجمل من حليب الستره ما حبيت مشارب كاس
دم القمرية بين اغصان اشرف من موائد ناس
واقرب للوطن من ناس
وخير جانى ما عم البلد وسواس
أذن فلتقرع الاجراس
مريم حضرى الكراس
أميرة ومى تعالن جاى نغنى لاخر المشوار
نغنى لاخر الانفاس
نغنى لاخر المشوار
نغنى لاخر الانفاس
رائعة ابوي محجوب شريف
مريم ومي
ــــــــــــــــــــــــــــــــــــــــــــــــ
مريم ومى بنياتى وحشتنى ولعبتن بى
تحياتى تصحو امامى اشواقا تهز النبض وتاتى
عميقا من شعاب النوم الاقى الذكرى بتاهى
سلام يا حمامتى اسكنن فى مسامتى
سلام يا غمامتى البتدني ابتساماتى
مريم ومى بنياتى وحشتنى ولعبتن بى
مسافر قلبى صوت يرن يسابق الريح
قلب الوالد انت صحيح تحن وتهم
حذراك من الجواك وحذراك من جرح التبريح
حتهرب منو جلدك وين ويوماً ما حتسكت تم
واخت رأسى
وافارق دنيتى وناسى
واخلى وراي كراسى
وما أسود سطر بالشين
وما تعود اساك العين
وما تشمت عدو فينى
مريم ومى وبنيتى وحشتنى ولعبتن بى
طريق الشعب اوسع زحام؟
وقلب الشعب ارحب من رحاب الضو
ونبض الشعب كله حلم بداه بتم
تطلع من شقوق الارض الاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
صبايا وفتيه يمرحوا فى صباح الغد
عيونهم برقهم لماح سؤالهم رد
خفاف ولطاف وثابين اوان الجد
دفاعا عن حياض السلم والافصاح
سلم لى عليهم == سلم لى عليهم
جملة حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوق
نقاشين فى جدار الصمت
نساجين خيوط الشمس كهربجية ؟
واجمل ما تكون الدنيا
رسامين حفاريين مجارى العصر
نصرا حروفو
واه حلالى تشمهن ترتاح
ح حرية
ت تغيير
ت تعليم 
ك كتاب 
م مسمار
ح حرية 
ت تغير 
ج جرار
سكة حديد وتهز وترز
ب بحارة بحراً عب وثار
وطن مدرار جرت تتلاحق الانهار
كما تتلاحق الاعراف
كما تتمازج الالوان
كما تتصافح الاديان
كما تتمازج الالوان
هجين من سلالة الفخار والعز
مرور النسمة وعند هبة الاعصار
علم فى نشرة الاخبار
وهيبة على امتداد الكون
علما فى حماه الوردة حتى الزهرة والمريخ
شبح حرب النجوم انزاح
ايادى القهر خلف الظهر مكتوفين
افاعى السحت حيث مزابل التاريخ
سلم لى جملة حتى اللسة قبل الخلق والتكوين
بشوفهم كلهم حسه
عصافير ترك جنبى
مواسير اً ترش قلبى
حمامتى بتشرب حسه من ايدى
مريم ومى بنياتى سمعتن صوتى جيتن لي
مريم ومى بنياتى سمعت حسى جيت لي
طلعتن من زوايا السجن كاللبلاب
وبين السنكى والترباس وبالرقاق وخلف الباب
عبر السور ذى النجمة والعصفور
تجرن جدولاً رقراق
من حبل العشم فتلات
من حقل الوطن شتلات
امكم الفى قلب جبتن لى
من تيابه شراع
منديل خيوط شعاع
وكراسا مسطر بالضحى اللماح
وخط ايده وشعور الحى
وقالت لى قالت لى وقالت لى
سلام يا ابو مريم ومى
ثباتك شعلة فى ايدى
بناتك خلى راسن فوق
وحاشاك الكلام النى
وحاتك ماانكسرن وراك
ولابد من يعود الحى
وفجراً كالكرب حيبين
وشعباً تب ترب حيقوم
ويملا شوارع الخرطوم
وتجري مدامع الحلال
تجر النم تسوى القوق
فوق سودانا فوق سودانا فوق
بدل شاهيك اشرب دم اذا قلت الكلام النى
وانا الما عندى ليهن شىء
لا فى البنك ولا فى الدين سوى الكلمة المابتنداس
ولا بصبح مكان الرف ولا عصفور جو الكف
ولا صقر يحلق فوق وينزل كف
نبض الشعب اجمل من بريق الماس
واجمل من حليب الستره ما حبيت مشارب كاس
دم القمرية بين اغصان اشرف من موائد ناس
واقرب للوطن من ناس
وخير جانى ما عم البلد وسواس
أذن فلتقرع الاجراس
مريم حضرى الكراس
أميرة ومى تعالن جاى نغنى لاخر المشوار
نغنى لاخر الانفاس
نغنى لاخر المشوار
نغنى لاخر الانفاس

سيف الجامعة - مريم ومي

محمد الامين ياحاسدين غرامنا2

كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة ..
لا بدلت ملامح صوتى
لا غافلنى وهادن فنى ..
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا ..
ونازفة بغنى
أطمن روعة .. وأهدّى دموعة
لبسمة بكرة اللاّها تمنى ..
ولا مصنوعة
للاطفال النازفة ضلوعة
وناشفة بغنى
********
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب ..
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
***********
أغنى الناس الما بتسمعنى
المِنِّى بعيدة .. ومبعدة عنى
ا نادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية
****************
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ·

الحب والثورة - محمد عثمان وردي

Saddam Gwdawa