جزء كان تعبان وخف
وجزء لسه للأسف
كان زمان عفريت دفنته
بعد فترة رجعلي ألف
مش يا ماضي لسه سايبك
إيه بقى تاني اللي جايبك
كنت ماشي خلاص كويس
مرّة واحدة شريطي سف

تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى آخرك
ما هو يا انا يا انت الليلادي

مش قفلنا الصفحة ديا
واتفقنا خلاص يا وحش
مش ردمنا على قديمنا
غطيناه بتراب وقش
شفتني عايش في وِحدة
قلت ترجع وحدة وحدة
كل حبة تغيب وتيجي
تنطلي وعاملني عِش

وتاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى آخرك
ما هو يا انا يا انت الليلادي

عارف اني مش سليم
لسه غارز في القديم
لسه كل ليلة بدخل ويا نفسي
في سين وجيم
قلي عاوز ايه جاوبني
روح لحالك ليه تاعبني
مرّة واحدة سبني أمشي
وادوس على الماضي الأليم

وتاني تاني
ارجع واكسرني تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى آخرك
ما هو يا انا يا انت الليلادي

Hamza Namira - Mesh Saleem | حمزة نمرة - مش سليم Vocal

3reedy