الكلمات :

مش معنى ان انا رافضهم يبقى هقبل بيك رئيس
مش معنى انك مشيتهم يبقى تعمل دور عريس

لا مشيتهم بس قتلت ناس كتير ملهمش ذنب 
مش هضخم الكلام هوضح ليه انا واخد جنب

منكو .. من ساعت لعبه قذره كنتو فين ساعتها تحمو
اللى منكو لما ماتو و اهلهم قاعدين بيبكو

مبقتش الأزمه فالتفضيل بين انضف الاوساخ
بقت فدوله فيها العرص يحمل فيها عالاكتاف

بقت فى دوله صوت شبابها مكتوب عالحيطان
بدم شهدا .. وبدم ابرياء و دم شرطه

حسيت احساس الاخ اللى اتمزق على اخوه مالفرقه
كان لازم وقت مقولنا لأ مرسى كنت تفهم

ان الشعوب متموتش بموت حاكمها لا دى بترجع 
اقوى من الاول وبتتحول لما تجيب اخرها

لما خيرها يبقى لغيرها .. وعواجيزها اللى بيدو الصوت 
يبقى اموت وانا فالميدان احسن مموت من السكوت

----------------------------------------------------------
قادر بس تخلى ميدان قادر تنسف الاخوان
لكن تيجى عاللى يجي علينا تتحول جبان

اسف مش معاك .. لكنى برضو مش معاهم 
لما يدو فتوه بحرمانية اختيار سواهم

----------------------------------------------------------

اما الاعلام وده اخطر من الف مخطط 
خلوك تتخدر زى مقالو عالثوره منظر

خلوك تتناقش مع عيلتك فيقولو مجنون 
معذوره الام . ثقافتها من التلفزيون

انتخب صوتك امانه .. ممتنع البس غرامه 
هصوت لكن صوتى مش هيدل على علامه

شوفتو !! صور شباب الثوره وهو رايح ينتخب 
كام فيديو لواحده بترقص يلا خلى الناس تنجذب

يتكتب ... بيان بحظر كل اللى هيتقلب 
تتوقع بعد ده كلو ازاى ميكونش الشعب غضب

حركات سياسيه اتوقفت تأمينا لسياسه الدوله 
سته ابريل اتحظرت تمهيدا لرجوع الدوله وحكم 
ميدلش على العدل حكم بمعنى الاستعباد
عرفونا ازاى نكره عيشتنا و نتقسم لبلاد

مش هقبل بعد الثوره انى اشوف مصرى بيتهان
حكمك زى الحكم السابق نفس الهيكل و الكيان

----------------------------------------------------------

قادر بس تخلى ميدان قادر تنسف الاخوان
لكن تيجى عاللى يجي علينا تتحول جبان

اسف مش معاك .. لكنى برضو مش معاهم 
لما يدو فتوه بحرمانية اختيار سواهم

----------------------------------------------------------

Mayet Mayet - 3ly El-Sha3er | ميت ميت - على الشاعر

Ahmed Abd El-aziz 2