to7fa

مريم صالح - حلو الحلو

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

الحرام - دينا الوديدي

النفس تشكو - الشيخ سيد النقشبندي

Celine Dion cover's Adele during her first show back to the Colosseum on June 9th 2012.

Celine Dion - Rolling in the Deep

عصفور - عايدة الايوبى

التسجيل الرسمى .. جودة عالية 

العرس - دينا الوديدى و مريم صالح (HQ-Official)

Jean-Marie Riachi - Fly me to the moon

قالولى هان الود عليه ونسيك وفات قلبك وحدانى 

رديت وقلت بتشمتوا ليه هو افتكرنى عشان ينسانى ؟؟


‫هان الود عليه‬. محمد عبد الوهاب

مريم صالح - سرعة الأيام

عاشق سارح في الملكوت - ريهام عبد الحكيم


الشاعر/مصطفى ابراهيم
ادين بدين الجدعنة وبدين رفاق الدرب 
وبقوله احنا مش انا فى المعمعة والضرب 
وبدين ماكنت مصدقة فى المعركة الأولى 
وبدين جثث فى المشرحة اساميها مجهولة 
وبدين من ساب على الأسفلت اخواته مقتولة 
أقول التوبة مقبولة الا فى وقت الحرب . 

الشاعر / جرجس شكرى 

زينو جسمه باللى عندينا 
ما احنا سبايا وراحوا أهالينا 
زينو جسمة باللى سابوه 
خربوا بلدنا والطفل قتلوه 

الموسيقين
الحان وغناء / دينا الوديدى 
بيانو / محمد صالح 
جيتار / محمود صيام 
باز / سيكا 
كمانجا / نانسي منير 
اكورديون / وائل السيد 
درامز / محمد رأفت 
شكر خاص لمهندس الصوت 
وماستر وميكساج 
محمود ديااز 

وشكر خاص 
استوديو الحجار تسجيل 
استوديو وسط البلد ماستر وميكساج 


ادين بدين الجدعنة

لطفى بشناق - سراييفو

دينا الوديدى , غالية بن على | انا إبتليت , هيمتنى

هشام الجخ - أنا إخوان

شادية - إن راح منك يا عين

ماس ولولي Diana Haddad Ft. Cheb Khaled- Mas We Louly

..اجرى اجرى... ياما جريت..خدت ايه
حياتك متعلقه فى لحظة ممكن تبدأ وفى لحظه ممكن تنتهى
نفس طالع ونفس خارج.. ممكن تموت وممكن تعيش
بس ياترى لو عشت 
هتفهم؟؟
يا رب
انا عايز فرصه .. فرصه واحده
اجرى لحد نهاية الطريق وزى ما تكون النهاية 
المهم يبقى فى نهاية
اجرى اجرى
_________________
احمد حلمى - من فيلم على جثتى

اجري - احمد حلمي

http://www.youtube.com/watch?v=FILBKqh3LJc


البنت قالت لأبوها جالي ثلاث خطاب و زيادة
الأولاني كتير المال وعنده يابا مال .. و زيادة
والثاني بديع الحسن والجمال  ..  و زيادة
والثالث فقيــر الحال ...  و زيادة

قاللها يا بنتي كتير المال  هزيدك بمال وزيادة
اما بديع الحسن والجمال هايزيدك دلال وخفة 
اما فقير الحال هايخدك معاه لفقره وينسى

قالتله يااابا يابا انت ماتعرفش في صنف الرجال حاجة
كتير المال هايتجوز عليا واحدة واتنين وتلاتة .. وزيادة
اما بديع الحسن والجمال هاتحبه واحدة واتنين وتلاتة .. وزيادة
اما فقير الحال مادام بحبه وبحبه هعيش معاه في سعادة

to7fa

Ahmed Abd Elmaksoud 2