ايه

هشام ودح

معافرات

اغنية مبروك عليا  - بوسي - فيلم جوازة ميري

قال جاني بعد يومين - آدم

Mohamed Nour - Nehaya Tabe'eya | محمد نور - نهاية طبيعية

اغنية محمد نور - نهاية طبيعية 2015 | النسخة الاصلية

Akher Oghneya- اخر أغنيه

الله الله الله
اللَّهُمَّ جنبني الحزن 
و سوء الحضن
و خدعة السجن
لما يبقى في توب الحرية
اللَّهُمَّ جنبني سوء النية
و خلّي بيني و بين دروب المتاهة
بحق نبيك الكريم المصطفى طه
و حق كل لحظة عشق عشناها
و لا خدنا منها غير ذكرى تعذبنا
يا رب خلّي ما بيننا بس لا تسيبنا

أما بعد من باب الأمّا بعد ......

فأنا يا سَيّدي  
أضعف من قولة اهتدي فـاهتدي
و انت الوحيد اللي عارف امتى ييجي الأوان
و انا الوحيد اللي مش عارف موعدي
فإذا كان مقدرّ لي أموت تايه
فالافضل اني أموت تايه 
في موضع مسجدي

المهم .... مش قادر احدد مكاني من مكانك
بـطير بعيد لكن في أحضانك
و بشوفك في كل حاجة.... كل حاجة مش بهوّل
انا كنت أضعف من إني اتحوّل
لملاك بيفرد جناحه يعبر الأراضين
في غمضة عين
و اضعف من اني أكون إنسان
بينشر السلام و الرحمة وسط البشر
اللي بيضربوا في المليان
و في الفاضي
و مؤمن اني أقل من اني أكون قاضي 
على نفسي حتى
مش على خمسة ستة اصحابي 
قاعدين بيشرحوا فيّا
انا كان في قلبي ساعتها حتة مطفية
و مارضيتش أردّ الصاع صاعين
مع إني كنت اقدر
 و انت عارف
و عارف كمان
 أني مش أول تايه 
في هذا الكون المجنون
اللي بيتحرك في عشوائية.... منظمة 
زيي بالظبط
و زي النرد
و انا يا سيّدي 
انا فرد .... حمام تاه من سِربُه
مالقاش غير الحرب في دربه
حارب لما اتنتّف ريشه
و اتفاجئ انها مش حربه
بالمناسبة صحيح
كنت انا و الريح بنتنافس
مين يطيّر شعرها الأول
مين في عز الغربة هيأوّل
حلمنا قبل اما نتحوّل
لـ ضلّ باهت في الخيال الفسيح
بالمناسبة صحيح
ربما ....
لو في مكان جوه السما
 فاضل لنا
علشان نطيّر حبنا
بعيد بعيد عن زحمة العولمة
انا كنت ممكن أبات في ليلة سعيد 

ربما كمان انا اكتر واحد بيحاول
و آخر محاولاتي في الرد على نداء الحياة
كانت اني قطّعت الوريد

ماكانش ضروري أبداً أبص في المراية قبل ما انزل
عشان أبدأ يوم جديد
لأني ببساطة أول ما شوفت التجاعيد
افتكرت اني كسرت الخمسة و عشرين
و ده رقم مش كبير انا عارف
بس عارف برده ان الموت مش بعيد 
 
الدكتورة قالتلي لو مابطلتش سجاير هتموت
و انا بصرخ الدخان بعلو الصوت
و الجري و النهجان يقول النوبة دي فاتت
بس المرة الجاية مش هتفوت
و انا عارف اني كده كده ميت
بس فيه ناس لو مابِتّش سليم مش هتبيّت
عشان كده انا بطلت سجاير
و بطلت أفُكّ الضفاير من شعور البنت .... بنتي 
اللي طلعت بيها من ضوضاء مدينتي
و اللي حلمت بيها يوم ما أمي سابتني 
و الوحيدة اللي لما شافت حنيّتي
ماقالتش عليّا عيل متني

و ليعلم الله أنيّ
مش مِطَمّنّي
قولة اني بعيد عنه
و عنّي
بس هو الوحيد اللي قادر يعينّي
اني أرجع 
قبل ما العيون تدمّع في المفارق
و ليعلم الله إني سارق
من الزمن لحظات
لحظة بحنّ فيها للصمت
و لحظة بئنّ فيها للبحت
و لحظة بجنّ فيها مع الجنّ على الأسفلت
و اللحظة المحوريّة في حياتي اللي طلعت فيها ببنت .... بنتي .... أيوا انتي
 
عموماً .... 
انا يا سيّدي 
مجرّد شخص مجرّد من كل وسائل الدفاع و الهجوم
و لو حبيت أحوم 
حول الحمى بقع فيه
و بلاقي في كل خطوة التيه قدر مكتوب
انا محض انتهازي سفيه و عمري ما اتوب
و يوم ما أحب أبات غالب بابات مغلوب
و ده بيدوم ...... و بعده هروب
و لو حبيت أحوم حول الحمى .... بقع فيه
انا محض انتهازي سفيه

عيوني فيها ضلمة و تيه
عيونِك فيها وعد صريح
ماهوش صدفة و لا تلميح
تخليني أدور لـمّا 
أشوف لي شبيه
و كعبي يدوب و قلبي يتوب
و أقصولها طرق و دروب
عشان الاقيكي في الزحمة
 و أحبِك زهرة في البساتين
و احبِك زحمة في الميادين
و احبِك ... بس مش عارف
عيونِك فين !

عيونك فين !!

احمد سعد - كلامى انتهى

مديون.

قصيده رثاء من هشام ودح للي للاسف لسه حي احمد عبد الرحمن .

أرض الخوف

خايف يارب.

والله ما كنت اقصد

حاولت

نحاول ننتصر

خليك هناك !

الشبح تحت سريري لم يعد يخيفني يا أمي انه بداخلي 

قصيده رثاء من هشام ودح للي للاسف لسه حي احمد عبد الرحمن .

Ahmed Abd Elrahman