شكرا لتامر محسن وإللي معاه...كل مرة بتعملوا حاجة حلوة بتدونا أمل إنه ينفع...بصرف النظر عن قلة الإمكانيات و سوء الظروف...بتثبتوا كل مرة إن بالموهبة والاجتهاد ينفع يطلع حاجات حلوة....٣٠ يوم عشت معاكو جوه المسلسل ومع الشخصيات بشكل مافتكرش حصل معايا قبل كده في أي مسلسل تاني....بجانب عناصر كتير حلوة في المسلسل...أعتقد أهم حاجة شدتني هى الصراعات والتناقضات اللي كل شخصية بتعيشها مع اللي حواليها ومع نفسها...صراعات وتناقضات علي قد ما هي عنيفة وصادمة...بس حقيقية ومنطقية وهاتلمس أي شخص عايش في المنطقة دي من العالم سنة ٢٠١٧
كشخص باحب المزيكا ومهتم بيها بشكل خاص...ابتديت اشتغل علي ساوندتراكس بتعبر عن الصورة اللي أنا كمشاهد رسمتها لشوية شخصيات من اللي أتأثرت بيهم بشكل خاص في المسلسل والصراعات والتناقضات اللي عايشة بيها ومعاها

أول شخصية
سمير

موسيقي: أحمد عبدالوهاب

موسيقى تخيُّلية لشخصيات مسلسل هذا المساء - سمير - أحمد داوود

Ahmed Abdelwahab