Sudan

نوتاريمخ

زهره روما

Just listen

💛

الكاشف

oldies but goldies

الكاشف-الليلة لاقيتو

العطبراوي - نسانا حبيبنا عود

أسألوه- سيد خليفة

"نتلاقى فى الزمن المريح
ميعادنا فى وش الفجر
يا مشرع الحلم الفسيح" 
- أزهرى محمد على

مشرع الحلم الفسيح - مصطفى سيد أحمد

مصطفى سيد أحمد - يا مطر عز الحريق

مصطفى سيد أحمد - سافر

مصطفى سيد أحمد - عم عبدالرحيم

يا بت يا نيل - مصطفى سيد أحمد

شهيق - مصطفى سيد أحمد

بقول غنوات - مصطفى سيد أحمد

مصطفى سيد أحمد والخالدي وسيف الجامعة - قلبي مالو اليوم - عود وإيقاع

عبدالعزيز داؤود - نعيم الدنيا

نانسي عجاج - شجن

الف نهر ونيل من البوم موجه

نانسي عجاج - الف نهر ونيل


الشاعر محمد الحسن حميد
الضو وجهجهة التساب


وداها فوق قوز الرماد
كان ظنّ يوم .. يومين .. تلاتة
الموية تنزل والبحر يشرد شراد
يفضل ترا
يبراهو بالسلوكة من ورا
والعيوش والخير يعم .. يرقد رقاد
والناس تخم خم السرور .. وماهو البرا
ناساً كتار .. فاكرين كدي
يومين .. تلاتة .. الحالة ترجع حالتا
ويبنوا البيوت هو وشفعوا .. وأم العيال
وينجمعوا .. ويسترجعوا الذكرى وشتاتات السواد في صالتا
شيتاً ضحك .. شيتاً بكي
ويبقى الخراب ده رهاب .. رهاب
عبرة وحكاوي بتنحكي
بلدك متل كمين بلاد .. بدت الدقون فيها الختا
نجّس ثراها المسرفين .. كترت مواعين الفساد .. وكان كلمة الإسلام غُتا
جات اللّت الله .. وشالتا
كان ظن يوم .. يومين .. تلاتة .. مشى السبوع .. والتاني جا
والموية كل ما ليل تزيد .. بيقل رجا
وقوز الرماد الكان قريب .. فات بعيد .. بقى ما بتخوج
قوز الرماد يا الضو فضل .. جزيري ضارب فيها موج
حصار .. حصار .. كيف النجا
عاين البلد دي دمار .. دمار .. فيها إيش فضل
لعبة قصب في إيدين طفل
الحيطة وكتينا التقع .. تقع ألف وجعة على الضلع
دخانا يمرق في السما .. آهاتو تنزف في الأرض
بحر الصبر والإحتمال بيناتن إنقطع ترع
لا يلقى يربط لا يحل
لا حولة يا الكتب .. الكراريس المكرنة في الشتل
التختة .. أقلام الرصاص .. كنب المدارس كور يلوج
باب الفصل كاسحبو موج
لا قوة يا ورق الجرايد .. يا المصاحف
والصحيحات المطفحي في الزبل
ورافعين دواليبن بعيد .. طابلين خوازيقن طبل
لا حولة حال .. ما بتنقبل
يا مسلمين .. وين لي تساب عشرة .. وتساب كم واربعين
ده يمين خراب كمين سنة
يا الضو منو الفي الكون بصدق كان هنا
ليلة ذكر .. حلقة مديح .. دارة غنا
هيصة ورقيص
القرمصيص
سيرة عريس .. وحلاة عروسو محننة
يا الضو منو الفي الكون بصدق كان هنا
شفّع بيلعبو جنب بعض .. ديك لِفّتُن في الدشي غبشي مشكنة
واللا الشتل خايف لها .. فارد جرايدو وحاضنا
فيق ... لا تضيق
بات الفريق بهجي ومتمسحة بألمي .. وين يا الضو نقاقير الهنا
وينن مشاوير الفرح .. غزل البنات .. الهودنة
حش البراسيم العصر .. الليل ونستو الشيطنة
وعند الفجر .. كم ميضنة
وهذر التلاميذ الصباح .. بي جنب رواكيب الحلب
يا الضو بيوت الناس .. حياتا مبشتنة
الحلِّي كلها في البحر
كسر البحر .. ؟
واللا انتحر ؟
قلب المياه إنكبّ قبلك وحدك
ضاداك في بلدك .. شردك
نفدت قوافل الأغنياء .. جملك على الحصحاص برك
مرتاح حمامن في البروج
وإنت اب حماماً طاش يلوج
لا سوى عش .. لا ركّ ركْ
يا الدنيي كيف متقلبنة
تصحى العصافير الوديعة مع الصباح متخلقنة
شر الكلاب متمسكنة
وين (جنرتا) وهوهيوا وين ؟ الليلي غابْ
كلب الجناين زيو زي كل الكلابْ
كلب الغلابة المستغلين العبيد .. الليلي سيد ريس مهاب
كلب أب زهانة تهينو هانة .. من المهانة تقول له تكْ
حكم إنقلابات التساب .. دوارة دنيا فرندقس
ننجارى فيها صبق صبق .. نخسر بعض في هين تراب
نتلاوى عِنْ فتح اللبق .. فاكرين برانا أهل العقاب
تاري البحر عوافي عندو معانا حق
يا الدنيي زي سكرة وتفك .. من راسو فك
بعض المسافات إتلغت
الفارغي طمبجا .. والملاني إتفرغت
الدندهوبات زي بعض .. شكل العديدي ورصّها
نفس العناقريب نفسها
عفشك ده .. حق غيرك تشك
يدخل في بالك ألف شك
ما الحالة أصلاً من بعض
كل إنقلابات التساب .. الدنيي كلها حلتك
تنضم مع الفي آخر البلد .. من غير تفوتا محلتك
تحكيلو قصة تقصها
إن نفسو فيها تحسها
إن ماها فيها تحسها
حتى الأحاسيس نفسها
ما الحالة كلها من بعض
إلا المساخيت الدقون .. ختوها بين أهلك قرض
بالدين وبالطين بالنسب
بالمايكرفونات بالخطب
بالبنطلونات بالرتب
(فرق تسد)
تاخد قناديلك تفوت .. وإنكتلو في حزمة قصب
ويوم التصد .. تلقى البيوت في أزيارها باني العنكبوت
والحزمة شاهد في الترب
حرسك يظمبر منها
وفرسك يكد..لا أسيدها تسأل عنها.. ولازول يرد
أرخيلى أضانك يابلد
مرة أسمعينى من البعيد وإنطارشينى وللابد
فى حبلى ماتت شتلتى .. مات بيتى ماتت حلتى
لكنى يوم مات إتولد جواى الف إنسان جديد
وانا ذاتى من ذاتى إتولد
ورتنى ملتى ملتى
والمويه بدلت الوجوه
يابلدى من بيتك تتوه
تضهب ضهب
لو بابو مافى أو العتب
تحسبلو من قوز الرماد
أو بيت أمير المؤمنين اللسة حيطو تسوى رب رب در.. درب
والدندهوب إندك دك
هرس القزاز .. الموية جاز .. والجاز ودك
بينو الدقيق إتلك لك
ضلف الدواليب الكبار .. عايمات خشب
المكحل .. الكتشنة .. ميزان الدهب
ضوق الغضب
ضوق المذلة الدستبا الناس العزاز
سدك دخرنالو المطر .. اما إنت يكفيك الرذاذ
ويجى الجراد ... ويجى الجراد
خدرت تاني يجي الجراد
أقوى الحقيقة من المجاز .. وهنا المحك
يا أرزقي .. يا نسل حمالة الحطب
يا مستفيد من بزة أطفال السواد الما نزل فوقن ملك
بالسكر .. العيش .. السماد
الموية أولى من العباد ؟؟
في يات كتاب دين .. يات حديث
يا فاجر الله بيسألك
يا حسرة الإنغشى فيك .. كبر وراك .. جاهد جهاد لامن هلك
يا حسرة الصدق صلاتك وموعظاتك في الفساد .. بان الشرك
ايواتا لك .. ايوة ايوة يا بحر التساب .. ما أعدلك
شكراً جزيلاً يا بحر .. رغم الكساد
بحت لنا العفن المكرن في الزمن من عهد عاد
والضو وليداً ما قرا .. خرجتو منك باقتصاد .. قانون .. فلك
جف المداد .. ما أعدلك .. ما أعدلك .. ما أعدلك
بالسكر.. العيش .. والسماد
الموية أولى من العباد ؟؟
يا شارع الثورة القصاد أهلي المسالمين البعاد
يا بندقيتو .. هنا المحك
قبل على القبلة ونده
قبال يمد إيدي إنتبه
حس المطر بين الشدر
والضو مع الفيها إنشده
برة المطر .. في الدندهوب برضو المطر
خت البرش فوق راسو .. لكن المطر أوووو والهوا
راس تمرة فوق عفش المسيكيني الجريد
رمى دندهوبا العدي فاتت بالبحر
برش الصلاة اللافحو الهوا
إبريق يترتر بين كرر
يا الله .. ستها في السفر
والضو ينط من دندهوبو يجيبو صاد صوت المطر
في إيدو كوز .. سبحي .. وككر
حلة ملاح .. كراس غنا .. إعلان قضية .. علم طلب
برواز قديم ..
حاضن عروس وعريس وسيم .. بين كم نفر
السبحة والكوز مو اللتا .. تشبه أمير المؤمنين
باكر يقولو سرقتها .. فننن .. يفنها في البحر
أقوى البحر ؟؟ واللا المطر ؟؟ أو الرياح
بتصحي في الجو الجراح
بتحت من الجوف الفكر
يشفي الوعر
عش قمري بي فرخينو كان من حظ ورر
يا رازق الحيوان أخو ..
الينجا من كيد البحر .. ما ينجي من إيد المطر
والينجا من إيد المطر .. ما ينجى من كيد الرياح
والينجا من كيد الرياح .. ما ينجي من كيد الفقر
يي دي القدر.. يي ده القدر
ما أعتى حربك يا بشر
إنت الغريب .. والموج يشيل غادي ويجيب
وينكربش النيمة الدبيب
والضو مو جايب لك خبر
طق .. دندهوب ناس ستي نور .. عودو انكسر
وفات بالبحر
تحت السموات مافي إرض
في الموية .. في الريح .. في المطر
في الدابي .. في التمر الختر
إنسان يطق قبل السنة .. عراقي والوشي .. والشعر
غير وقفتو .. الدندهوب زالف هبر
يا غيمة هووووي .. ده وكت مطر
وارتج جوف الجو رعد .. يا الضو كفر؟؟
يا الضو كفر ؟؟
من بعد ما نفد الصبر .. والإحتمال في الجوف دشر
صن المطر .. والجو صفا
بنقر حجر بت الرسول .. لكن بعد ما الضو كفر
ضربت شعاعات الشمس .. في دوشة فوق قوز الرماد
كلبة مديني .. نعيجتا
ديك العجوز .. وكديس عماد
وطيرة بقر .. ودحيش غريب
شوف الظروف .. دحشك .. حمارتك والضيوف
قلعن .. يحفتن في الرماد
بالسكر العيش السماد
الموية أولى من العباد ؟؟
وبالفيتريتي العيش حكم
الموية أولى من البكم ؟؟
وملص العريريقي ولباسو .. ومصرن
ما غيرن
خمخم عقاب الكسرة واللابري القديم
من دندهوبو المنتكل .. في النيمة شال باقي الأكل
خم الدبيب في القفة مو جايب خبر
خم الرياح .. خم المطر .. خم الجراح
لفالو فرعين منقة بالمنجل هبر
حشحش صبايتاً هن صفر

الضوء وجهجهة التساب - مصطفى سيد احمد

Ya Lateef - Nada

نورا........مصطفى سيد احمد

ابراهيم الكاشف - انا افريقي انا سوداني

رسائل أو كما تعرف بـ حبيبي أكتب لي 
الحان التاج مصطفى
أداء ابراهيم الكاشف

ابراهيم الكاشف "رسائل" حبيبي اكتب لي - عود

الكاشف - الليلة لاقيتو

إبراهيم الكاشف - إنت عارف

مكارم بشير- أغنية أعلي الجمال تغار منا -أغاني وأغاني 2015 -الحلقة الاولي Low

مصطفى سيد أحمد - ابداك من وين

الكاشف - الشوق و الريد - التوزيع الأول

العاطفة النبيلة (باسم الحب اقدم ليك حياتي)
كلمات سيد عبدالعزيز
الحان وغناء ابراهيم الكاشف

الكاشف - الشوق و الريد - التوزيع الأول

Ahmed Adil