بيحب كل الفصول .. 
صيف او شتاء ..
في المنطق المعقول .. 
ايامه متثبه ..

معزول عن العالم .. 
وعن نفسه ..
بيَنتصر لـ رمل الطريق .. 
وبينافسه ..

علي مين الدنيا هتطيره .. 
اسرع ..
علي مين الدوسه هتخليه .. 
افظع ..

علي مين مساحته اصغر .. 
ومتداري ..
علي مين بياخد كل يوم .. 
شكل انهياري ..

وبينكمش وبيحتمي ..
وبينتمي .. 
لـ رمل الطريق .. اكتر من التاني ..

رمل الطريق - احمد ضيف

بالمختصر المفيد ...   Zeina Coutry ~ زينة القطري

ليه الكمانجا -أمنية حسن

قصيدة لـ إيمان الميهى 
https://www.facebook.com/eman.abdoullah

أداء : منّة كُردى وإيمان الميهى 
https://www.facebook.com/Kawkabmashy

من ديوان : فردة حلق 

معرض الكتاب 2015

قصيدة: بلوزة تريكو
النهارده ...-
 كات عيوني واسعة جداً
عايزة تلقُط نور كفاية
- دبّة النملة كمان
كات ملازماني ومعايا
-راسي -وبرغم انشغالي-
 كات حِمايا
-أمّا كل شعور فـ قلبي..
كان كفاية عشان أخاف
...
-رغم خوفي
كنت ماشية ثابتة جداً
مؤمنة ان الحق ضيّ
وان ذُلّي ماكانش وارد
طول ما عزّي فـ قلبي حيّ
-دنيا كانت ليل وضلمة
رغم برد ماكانش جامد
كنت لابسة هدوم كتير
كنت دفيانة بضمير
كنت خايفة
أي حد يشد فتلة من البلوزة
فجأة كل الخيط يكُرّ
-كات هدومي الشتوي واسعة
كنت خايفة اتعرّى فـ عيون
شايفة طعم العِزّة مُر
شايفة إن البنت "عورة"
وان جهل الأنثى "ستر"
...
-اتّاخدْتْ..  
فـ المواصلة
لما شفته حامي ضهر مراته جامد
بس لمّا بنت تركب
كان بيخبط فيها قاصد
...
-انهزَمْتْ
لما شفته بيقرا حادثة
بنت كانت راكبة تاكسي
وانتهتْ جوّاه بكارثة
طبّق الجرنال وتمتم:
تستاهلها
أصلها لو باحترامها
كان لايمكن طال ضافرها
...
-زيّ ما انت
-لسّه فارس جوّه قلبي
-لسّه دمّك حامي ضهري
-لسّه بتداري عليّا لمّا اصلّي فـِ الميدان
-آه صحيح معرفش اسمك
بس باتغطّى بعيونك
اللي كانت واسعة جداً
عايزة تلقُط نور كفاية
-لجل مبدأ
كان يوميها 
جاي معايا

ـــــــ
إيمان الميهي*
من ديوان: فردة حلق
27-12-2011
(إهداء لـ ست البنات)






بلوزة تريكو _ إيمان الميهى _ منّة كردى

(shimaa sadek)روَّح لـ

أهواك - تقي طاهر TUQA

الكليب
https://www.youtube.com/watch?v=yE_EpeyH0As
يا ساعة ليكي فـ الكون دا سطوة
من يوم ميلادُه بتكتكي
وكل تكَّة فـ العمر خطوة
وفـ كل خطوة بنشتكي

يا ساعة ليكي فـ الكون دا سطوة
من يوم ميلادُه بتكتكي
عايزين فتوَّة فـ إيدُه مطوة
يضرب بقوَّة تتفرتكي

ضرب الفتوَّة ووراه فتوَّة
ومطاوي ياما اتكسَّرت
والتكّ لسَّه شغَّال بقوَّة
ولا شوفنا ساعة اتأثرت

ضرب الفتوَّة ووراه فتوَّة
ومطاوي ياما اتبعترت
والتكّ لسَّه شغَّال بقوَّة
ولا شوفنا ساعة اتعوَّرت

التكّ عامل صداع مهول
فشلت معاه كل الحلول
خلَّى البشر تصرخ تقول
يا دنيا فوقنا اتدربكي

دا تكّ ولَّا أسوار ضباب
زاد العمى وساد الخراب
تايهين وعايشين فـ اغتراب
إيه تاني ممكن يتحكي؟

يا ساعة ليكي فـ الكون دا سطوة
من يوم ميلادُه بتكتكي
وكُل تكَّة فـ العمر خطوة
وفـ كل خطوة بنشتكي

يا ساعة ليكي فـ الكون دا سطوة
من يوم ميلادُه بتكتكي
عايزين فتوَّة فـ إيدُه مطوة
يضرب بقوَّة تتفرتكي

ضرب الفتوَّة ووراه فتوَّة
ومطاوي ياما اتدشدشت
والتكّ لسَّه شغَّال بقوَّة
ولا شوفنا ساعة اتخربشت

ضرب الفتوَّة ووراه فتوَّة
ومطاوي ياما اتخرشمت
والتكّ لسَّه شغَّال بقوَّة
ولا شوفنا ساعة استسلمت

وفجأة من وسط الحشود
لمحنا بنت بتبتسم
ولمحنا واد شايل ورود
فـ عيونُه حلم بيترسم

البنت سمعت خطوتُه
صرخة الطريق منها اشتكى
أول ما قرَّب ضمِّتُه
رغم الحشود والتكتكة

البنت سمعت خطوتُه
عطشانة للنور والدفا
أول ما قرَّب ضمِّتُه
والتكّ م الدنيا اختفى

-----------------------
كلمات وألحان ورؤية: أنطونيوس نبيل

توزيع: محمد يسري

جيتار: مصطفى أصلان

إيقاع: أحمد بدير

أكورديون: وائل النجار

مزمار: سيد الحسيني

هندسة صوتية وماستر: ميشيل عبد الملك

شارك في الغناء:
ريم نسيم
أحمد عبد السلام

Quentin Tarantino's Django Unc

كيف تقتل ساعة؟ - جوني

فاترينه_(بدون_عنوان)_احمد ناجي

احمد فوزي واخد علي خاطرك من الدنيا مشتاق لحاجات تاهت جواك

أحمد فوزى - واخد على خاطرك Amr Hassan _ Ahmed Fawzy

في العزلة .. 
تأتلفُ أصواتُ السكون .. تسترقُ السمعَ إلى نبضاتِ الوريد ..
تحاولُ جاهدًا التواصل مع ذلك الصوتِ البعيد الهاتف من داخلك .. الذى طالما صرخ عليك في كثير من الأوقات وتجاهلتَه .. 
لِتلوذ بأمال وهمية .. أو لِتشبع رغبة مُلِّحة في الجوار .. 
الآن تبحث عنه .. 
بعدما تراءَت لك نتيجة خطواتك المهلهلة ..
لَربما كان يحتفظ بصرخةٍ أخرى حتى ذلك الوقت ..

في العزلة ..
تبحثُ في مرايا الذاكرة عن تفاصيل .. أيَّة تفاصيل.. 
تحطم جمود السؤال .. 
كيف صرت بكل هذه القسوة واللامبالاة؟
كيف استطعت أن تقطع كل خيوط الاقتراب عن ذاتك القديمة؟
ذاتك التي كانت تحمل في طياتها كلَّ معاني البراءة ..
شتان بينها وبين ما أراه أماميَ الآن .. 
تُطلق عناكبَ الأمل في ذاكرةِ النسيان لعلها تجدُ ما يُطعمُ الفضول .. يمرُّ الوقت وأنت تستمعُ إلى آلاف الأصواتِ القادمة من كلِّ جنَباتِ حياتك .. حتى إنك قد تستمع إلى صوتِ بكائك يوم ميلادك .. 
أو ربما يوم الفراق المتكرر .. أو حتى لن تسمع شيئًا ..
كل ما يبقى هو الجمود .. والعزلة.

#شريف_عبدالله
#اغتراب

فاترينه_(بدون_عنوان)_احمد ناجي

Ahmed ahmed Nagi