قصيدة شارع عماد الدين / الشاعر مصطفى فهمي

رحمة الله عليك يا ابي ونسئلكم الدعاء 
النص ...
.......
بدفني فيك 
واحييك
تعيش فيا 
خبيت سواد الدنيا ف عنيا 
وفتحت نورك للمشاع تشرب 
مديت وكانت خطوتك اقرب 
مقدرتش اهرب م الجسد قبلك 
او حتى اقبلك قبل ما تسبني 
حتخوني كل حروفي مهما حكيت
لله غيابك عن ضلوع البيت 
لله وجودك ف الكلام عني 
" ابنك ميشبهلكش غير ف الشكل " 
كنت اختصاري لما اقول الاهل 
والسهل وقت ما كل شئ يصعب 
بهرب اليك مني ف وقت الخوف 
بهرب اليك من عجزي وقت الشوف
دلوقتي بهرب للحروف منا 
صوت دعوتك / بوابة الجنة 
والحنة تحت خطاك بتكسي الارض 
كانت صلاتي قصاد غيابك فرض 
وفشلت اكفي سُنتك بعدك 
لله خطوط الصبر فوق ساعدك 
ولا حد ساعدك ف الشقى غيرك 
مغزول يا نور ايامي من خيرك 
ورماني سيرك ف السكك وحدي 
لله شقوق الدمع فوق خدي 
وياريت بكتر الدمع راح اردك
عايش لوحدي وانت مش وحدك 
وياك سنين م الذكر والصلوات 
خطوات ف جوف الفجر للجامع 
راجع تحني الصبح بالدعوات 
كلمات تنور ضلمة الشارع 
رافع جبين العز ف الازمات 
حكايات ترد النبض للسامع 
ولهذا بحسب نفسي م الاموات 
واحسب غيابك رحلة الراجع 
واجع لساني حرف محكتلوش 
واجع عيوني دمع مبكتلوش 
جتلك لبيتك بلعن المسافات 
وعنيك قصاد عيني ومتقبلوش 
كانت ما بينا غربتي ف جسمي 
اسمي اللي لسه تحت حكم الطين 
وانت اللي حر ف رحلة السموات 
ولهذا بحسب نفسي م الاموات 
ملياش دليل ف التوهة غير ضلك 
ضليت وخبت وعمري ما بضلك 
طب ايه فضلك فيا من نفسي 
وانا حتى نفسي فيا من فضلك 
وفاضلي بعدك ايه سوا الاحزان 
انسان مفهوش ما يشبه الانسان 
ملياش مكان الا ف كلام عنك 
او صورة خبت  ضحكتك م الموت 
حتكونلي باقي وكل شئ حيفوت 
وحكون معاك مهما الزمن حيطول 
مستور ف ريحك من جفا الاوقات
ولهذا بحسب نفسي م الاموات 
مهما السنين ف ضلوعي كات حاية
حدفني فيك 
واحييك تعيش فيا 




نُص النهاية - محمود صابر

بالله لتبصي / أحمد عبد الرحمن

قصيدة هتموت - محمود صابر

محمود عبد العزيز
1946-2016
مزيج
باب الخلق 
الكيت كات
الكيف 
موسيقى خلفية احداث 25 يناير

الساحر الراحل بالجسد - مزيج

(Voice Record - TV Program) | بعض الدموع

إيه بقي يا سيدي اللي انت عامله ده فهمنا .. إشرح وجهه نظرك 
 أنا كنت دايما بخاف من ربنا و عقابه و النار .. لكن اكتشفت إن الجنه و النار  نتيجه أكتر ما هي ثواب او عقاب 
أنا لما أحط إيدي في الكُبس .. مش بتعاقب إني أتكهرب .. لا دي نتيجه ! الجنة و النار حالة أكتر من أن هي مكان 
متهيألي في جهنم مفيش نار او آلات تعذيب
لكن مجرد فكرة الغربة او البعد عن ربنا هو العذاب الحقيقي ..الخوف و الرعب و الفزع اللي الناس عايشاه بسبب إنهم ميعرفوش مين هو ربنا؟!
 و الجنه هو إنك تعرف مين هو ربنا و تكتشفه .. 
و الحالتين بيبتدوا جوانا هنا و بيكملوا معانا لفوق ؛ و هو ده اللي حاولت أعكسه في المشروع بتاعي

مشهد من فيلم بالألوان الطبيعية

- إحنا جينا ليه يا عزيز ؟!
- جينا ليه ؟ إنت مش قولت نفسك تزور الحسين ؟
- جينا الدنيا ليه أصلاً ؟!
- هاه !!
- إيه سبب وجودنا من أصله ؟
- إرادته، سبحانه وتعالى رايدلنا نيجي الدنيا ونجيب عيال، والعيال تكبر و تجيب عيال، وأهو الدنيا تعمر.
- إحنا جايين عشان كده بس ؟! تفتكر ؟
- كل حي جاي يشهد مكتوبه، جاي يشهد على اللي إتكتبله في اللوح المحفوظ ويتوكل ..

الساحر الراحل بالجسد - مزيج

Ahmed Anas