يا جوهر صدر المحافل
روحي معاك اتلطفيلها
النور الفي حليه رافل
في حق نهده قلوبنا قافل
كالظبي الفي مقيله غافل
تارة يميل والتانية جافل
وجه ينور والبدر آفل
فوق للبدر يزيد نفيلة

يا النور خدك لاح مقابل
للشعر الطال ليله سابل 
سهم الحاظك لي نابل
بي كل شيء دون هجري قابل
ينسب نوحي على البلابل
وانتي القمرة بتنسبيلها

ليك جوز عين نعسان وكاحل
وخصر يميل وصدر راحل 
لي وجدي اللي جسمي ناحل
بحر الشوق ما ليه ساحل
بيني وبين النوم مراحل
وين للطيف أنا القى حيلة

الفرع البتنى راتل
طيره ينوح في غصونه حاتل
بهوى نسيم لي فكري شاتل
الأسد الفي القيد يناتل
يتأكد ما ليه قاتل
غير مكحول ظبي النتيلة

ضاوي ثناه لي بريقه راسل
لاح بين عنابتين عواسل 
صدره يرجح وكتفه خازل
رنا طرفه للسيف يماثل 
بيه يجندل كل باسل
ساحبة دغس وخدود اسيلة

المرنوع لي كتفه هادل
في درعه ولي معاصمه جادل
أنا ساهر والليل سادل
شرط الحاكم يبقى عادل
لا أقبل بهواك مبادل
كيف اعشق وارضى البديلة 

تمنع طيفك لي يغازل
داخل قلبي ليك منازل 
يا لائم لا تبقى هازل
أنا في الحب لي روحي باذل 
العاشق يسمع لعاذل
خلي نصيحتك عني زيلها

يوقد جمري ودمعي باهل
كيف نار تشعل في مناهل
ضاق بي الكون مع إنه ماهل
نومي تصعب ووجدي ساهل 
لو في حال الدهر جاهل
دي الأنجم أسأل سهيلها

لي طيفك ما لقيت وسائل
غير بسط النسمات رسائل 
أغرب شيء واعجب مسائل
حلم الصاحي ودمعه سايل
لو شكيت في أمري سائل
البدرين كونك مثيلها

قايد شوقي ودمعي هامل
جمر الحب لي جسمي شامل
حتى الطيف لي لا يجامل
مع كلا ما كنت آمل
دمي تحنني بيه الانامل 
هل يرضيك كدا يا جميلة

اولاد شمبات - جوهر صدر المحافل - كلمات ابو صلاح - الحان كرومة

عدت يا عيدي بدون زهور
وين سمرنا وين البدور
غابوا عني

سجنوني في داخل قصور
قالوا عيان لشفاك ندور
ليته لو كان عاد في المرور
يشفي دائي ويغمرني نور

ﺗﻠﻔﻮﻧﻚ ﻣﺎ ﺑﻴﻚ ﺧﺒﻮﺭ
ﺃﻗﻮﻡ ﺃﻧﺎﺩﻳﻚ ﺃﻓﺸﻞ ﺃﺛﻮﺭ
ﻳﺎ ﺣﻨﺎﻧﺎً ﻓﺎﺽ ﺑﺎﻟﺸﻌﻮﺭ
ﻛﻴﻒ نسيتني ﻭﻛﻨﺖ ﺑﺘﺰﻭﺭ

ﺃﻳﻦ صحبي ﻭﺍﻳﻦ ﺍﻟﻌﺼﻔﻮﺭ
ﺧﻠﺪﺕ ﺃﺟﻴﺎﻝ ﺳﻜﺒﺖ ﺩﺭر
ﺑﻲ ﺍﻟﻌﻴﺪ ﻳﻤﺮ ﺟﻮة ﺳﻮﺭ
ﻭﻫﻢ ﻓﻲ ﺑﻬﺠﺔ ﻭﻫﻢ ﻓﻲ ﺳﺮﻭﺭ

جاني يحمل باقة زهور
قال طبيبي المنع الحضور
صرت أضحك كيف يا غيور
يكون علاجي سببه النفور

علي ابراهيم اللحو و زيدان ابراهيم - عدت يا عيدي - كلمات وألحان محمد عوض الكريم القرشي

من اول نظرة ( عود جميل ) - احمد شاويش

أنّة المجروح .. خضر بشير .. عود

العاقب محمد الحسن - يا حبيبي ظمئت روحي

ضياء السر - اكتبلي يا غالي الحروف

أغنية وحياة المحبة كانت ثاني أغنية للثنائي تغنوا بها عام 1964

من اول نظرة ( عود جميل ) - احمد شاويش

Ahmed Aziz Saeed