بو كلثوم - Bu Kolthoum

 اللي بيقلك أنه حاسس فيك كاذب
لا تقلي المين اسف
أنا حارق مية شارب
بيغنّوا لمية لاجئ
حناجرهن اسفنج عازل
المهم فيوز اليوتوب ما بهم مين بعازه
ليك دمشق دانها ساده 
لغير ولادها ما بتسمع
هاد ليس تراك موسيقي هاد طلب عفو من الوالده
يوم سمّوا رحمها ساروجه و الولاده
كانت نحنا عيفوا الميديا من ايدكن لنغفا
قرفنا
ان كنت ابن لجوء بعز البرد ناطر تدفى
صدقني ما لح يكون همك يروح أو يبقى
حنون جامعة الدّول خايف علينا نغرق
جايين بنص الجمعه نوقف عالطاوله و نخرا
مين أنته عفواً ؟ .. و مين اللي حط جرحي 
بكل دعايه و نشره .. تكرار سيناريو جفرا
حكاية بلدي مانها موضه تعاطفك خلّيلك
لو كانت دمشق بتمشي كانت اجت تخلع نيعك

كل ما بغفى عالقاعد ببقى عكرسي بتكسي
و أمي جنبي بتطبطب عكتفي تقلي 
أمّي : " قوم وصلنا " .. فتّح عيوني 
ضمّ شارعنا لصدري حس حيطانه عخدودي

ليك نحنا بس الشّهدا إن متنا عالستيج
بنص الليل عتمه فايق بتلمّس حيطان البيت
تصحّيني أمي تقلّي لبيس عالسّاكت لا تقلّي ليش
عصحرا بيضا مافي حرب فيها لا تقلي وين
و دعت بلكونتنا و بإيدي مخدّه
لابس أسود أرمل بعدّه أربعين يوم بلحيه
بقلها : " تتجوّزيني ؟ " بتقلي : " لسّاك صغير
"العرب مالهن بالعاده يحبّوا الأرض عبكّير
" قلتلها : " العرب كذبه بان النّجس يوم النكبه
من طول عمري عيوني بأرضك ما بتطلّع فوق القبّه
زرعت فيكي شتله بتسقيها دم بتخونيني
متل ما عطابور ختان الجواز تركتيني
تحت بلكونها و اهلها بالبيت عم يتناتفوا
دمشق اطلعي اتغمّيلي تركيهن يتساوموا
طلعتلي الكحل عخدودا عم تبكي
قالتلي ليك .. بس ترجع .. منحكي

https://www.facebook.com/QuziackAbuKolthoumRassulBaniOmayyah

بو كلثوم - قوم وصلنا - إنتاج بو كلثوم - Bu Kolthoum " Oum Wselna " Prod.by Bu Kolthoum

بسناني ماسك سنير الإيقاع
كل ما بفتح تمي بيفلت لهيك وجهي فيه قاع
عبّر غضب غضب كمل نصب نصب
شعل حطب عطب
جمع سلّة عتابا و وزع عتب عتب
تحت المي نفس نفس
تحت الفي نبّت عفن
تحتك قيء , عذرك عدم
أرقص خي , خصرك وطن
حيطان المنفى منجى بلا أرض
ف
تعربشنا عالحيطان و الطين بلا أرض كف
أقرا الفنجان سوره تغطي الغربان سورك
لعربان الحجاز صوره تنكّس تاريخ طورك
عم بنعيش كل ما نموت صوت صريخ فض فوك
كل ما يبطّل يتنفس يقول كس أبوك
عيفوا توب الكعبه تمسكوا بتوب الغريق
اللي راحوا ، و وجعنا ثوره عكتاب التاريخ
قرّب اخر القصه كل كرعة مي بغصه
بق البحصه شق و لفها باخر صفحه



خيري و مثقال شيركو و سمره التكريتي و المقداد
زهير 
و البقي منهن عالشاشات
صور و الراح جور بالحاره تخبي قصص عن البلاد للولاد بركي ان عادوا
ولاد حارتي بدقني مخبي حصص
عالموت لسا القصص كل حول و حيل بنقص
عحد السيف الرقص
ادبك عوجوهن يا خال الدبح عالموال الوجع الواحد ما بصير تنين للرحّال 
كل جمعه و انحنا بخير كل جمعه و نحنا بليل
كل اخر جمله بحيل عيّن عوجوهن خير
نادي نجم الشام يضوّي وصولنا
الحي أكبر من الكوكب ولو بيآوي لجوئنا
عالموت لسى الوعد للخوف كسّر رعد
رجال ربينا عالدعك أمي ربت ضبع 
إبلع ضيم حوّل غضب طاقه تحطّم قلق
ثابت ما تهزّك ريح سمّ برب الفلق
و بالبحر ارميني ..

ارميني - بو كلثوم - Ermini - Bu Kolthoum - Prod.by " Bu Kolthoum "

عمين ترمي الملامه ارميها عليا
راحت البلاد يا وليدي ارمينا عليها
العروبه كذب يا وليدي ارميها ليهم
غربان احنا يا وليدي تقطعنا دويلهن
كل ظني انا يا وليدي ان اللي لينا ليهم
بس البان علي يا وليدي ان بس الله اللي لينا
عمين ترمي الملامه ارميها عليا
راحوا ولادك يا روحي و الحمل علينا
لو كان بيدي يا ولدي لكانوا عيوني
سهرو للمرجه و ساروجه و ذابوا فيها
يوم ينخر الدود عضامي واروني فيها
و ازرع بالدحداح حروفي ان عاشوا فينا

بو كلثوم - وليدي - إنتاج بو كلثوم - Bu Kolthoum - Wledi - Prod.by " Bu Kolthoum "

أنت بيننا فينا يقول الدال للأعلى
بأن الله ليس هنا و ضاق ذراعنا للوصل
إن كنت بغيب سمائنا ترنو فمن في القلب يا ذا القدر
من لصَغارنا يدنو
 جباه السجّد صارت بلا أجساد في الشّام
و صاح مؤذن في حمص في صمت بلا أحرف
صريع العشق لا تكفيه دنيانا و إن دامت
صريع الحرب لا تكفيه دنياكم و ان زانت 
فبسم الروح
مدد مدد مدد مدد مدد بلد
فكيف لا و الأيدي يمينها سكين
و شمالها صحفٌ تنادي باليمين للسفيه
كفروا بدين الحب ان غلظوا ولو عبدوك
دهرهم سليب الروح ان كرهوا فلا نجد
على من فيها من بدين الحب يحتكم
فخذنا نحستي بالحب فغير الحب لا نجد

بو كلثوم - مدد (حضره ٤)- إنتاج بو كلثوم | Bu Kolthoum - Madad - Prod.by Bu Kolthoum

النص

ما بثق بحدا فيكن زيف مغطيكن سيف يصفيكن
دين يوفيكن اللي فيكن
دان دارك بتشمت الفال دارك "نوك نوك" فتاح الداء زارك
هاللسان نارك حاره
حاطط فخاد عند فخاخ قلو فشاخ للطرماخ عالنافوخ طراخ بركي ان داخ بيصحى صراخ
يا ولاد الطرطبه هذه البلد لمن
للبيض ولا ألنا لولاد غيتوز دمشق
اجري بطيز السين و ابدا بحرف السين
جوابي مسمحلي طير أسبابي بي تي اسدي
انا طيب لكن خابطك كف
اذا بتغلط ما عاد في شي نخسرو من ايدي بتطلع ناقصك فك
بثق بخيري و بس و ما بيثق بغيري و بس
المشهد يثق بفيض المد و أنا غرقان بتف
خلاصة البار إلخ مسطوح معطوب بتخت
تعلم الامتنان يا مدلل ان كان حاويك سقف

الجحر في ضب ضل 
ماسك مايك و شكلو كيوت و تيديري دام دام

الجحر في ضب ضل
البعبع هون من نيعو يشدو و تيديري بام بام

يزبط خط الكوك ببزنس كارد
ايدو بسفلك عم يحركك مسرح دمى بيضرط نار
من غابة الاسمنت من مخيمات الرمل
من مسلمات الهم بيتمنظر فيل و طار
البو مسالم صح بس باقي كابس عنفسكن
حلقت الدريدز مشان حتى شكلاً ما اشبهكن
قلبي حي ذكراً قلبك ني يؤكل
 سبرايز بيتش الزيت صار يصنع يتبع..
حاكا والي ان طال ، حاك لوالي بنطال
حكواتي بالطاء، ان لراسك قنطار 
فلساني كاوي بالنار، نحنا سواسية 
ان بتدق بالشبيبه حتموت حذاري
لبس ديبو عنزه و قلي لحمس ما بعض
جابوه الإن جي اوز لهون ليك شو أبيض ما في ضر
وقعتوا بالحاره الغلط مناكل زفت عالريق
جيبوا الكبش فيل مجنح منعمل بكرا عيد

Alpha | آلفا

One two one two kickin off the beat like kong fu 
Its like what u gonna do when they come for you 
GQ playin mean b spit بنزين ع السين 
اماتراسو تحت التاج ممزوجة بسحر راسبوتين
Head banger sick slang من كتر الخبط you get concussion 
Bullet after bullet on the drum beat like percussion
بلعب بالفلو بالتكنيك پانش لاين ملعون
تراك repeated م الصدمة اغشيناهم لا يبصرون
الملكة has the high heel  عالمترونوم clap clash 
Show off im a big deal on ur knees whip lash 
تسديد جماعى in ur face like bang brothers 
GQ ضربة فمقتل better hide under covers 
عالم سمسم الراپ night mare before christmas your business 
اعمل الغلط معاك من غير ديس
Gq قطة سامة نوعها غنى عن التعريف 
Bu kolthoum sean p وأد الراپرز فى اتون عظيم


مخاطي فوسفور كمامي بتضوي بالليل
ما تناقش التور بتقصقص قرونو بالدين
مافي شي بيأثر فيه عالأقل أحسن منا
بس ساكن مداخن بيوزع فاكس عالكريسماس
منطق منطَقكن طري مالو شرش ليوصل
متل اللي بيمحي كوكيز البراوزر لينحف
مو كل طير بطير بس كل الطيور تؤكل
من شباك الاستديو عم برمي بكمشات حنطه
 الأضواء بتعميني فمو الحلم صير نجم
بعمل موسيقى من غرفتي بس لأقتل الديبرشن
مادين السماعه سناره أنا و الدرويش
عم نحاول نأنقذ السمك يغرق بالمحيط
الكل صار فنان تشكيلي و كل الفنون تشكيلك
أنو الفنان و الفن زتوا حالهن بالمحيط
أنا بعبع كابوسك الطحل طاف من الابريق
كل ليله بس تناموا آخدكن تريپ عإلم ستريت

Elm Street - Ft Ghetto Queen | إيلم ستريت - مع غيتو كوين

قبل رمي الملامه إيدك عجروحي
و عديلي كم اللوم بين ضلوعي
طلعت يا يامو سوط الجلد كلها بإيدي
و فوق الطور و المسطور بجلد فيني
علقت يا يامو بين تنين يا بنفيني
يا بنكر ليش أو من وين إجا سكيني
قبل ما سامح أي إنسان جرّح طيني
بسامحني.

على حضني رسيت رحالي
و أنا راضي على ترحالي
راضي، هني و راضي

و على حضني رسيت رحالي
و أنا راضي عن الترحال
راضي، أنا راضي

قبل رمي الملامه عيونك بعيوني
و صبيلي من كاس الرضى بين كفوفي
الجنّه يا يامو استسلامي لمحبوبي
بيتي، بيتي ببطن جفوني
آخر مطاف حنون الكل حيواسينا
آخر وطن تحت تراب حيدارينا
قلبي طوى تدنو من حِبّي روحي
يعذبني و من روحه أنا روحي ؟..

Bu Kolthoum - Terhaal | بو كلثوم - ترحال

النص :

دلّوني يابا دلّوني على شطي ال من لوني
دلّوني يم دلّوني رغيف العيش دلوني
دلوني ولا دلوني درب الحر دلوني
دلالي دل بكفه بين عيوني، بين عيوني

لشغلي بعطي كلني فلا تحفر بسكتي
عم حاول عيش حط صحن أكل عطاولتي
ما بدعس طرف غيري لغيري يصد بوشي
يتعرفوا عجثته على ضفة نهر مرمي
مابحاكي إيغوز ولو ضجيجكن أقنع ناس
ما بتقنعني ولو بالع و بتتقيأ ألف كتاب
اطلعوا من راسي و سكروا الباب 
أذلاء أذلاء
لحد ما تحت الشمس من كتر الحني ضهرن ساخ 
ولاد حارتي كانوا يشموا غاز بين بعض
 كنت مدمن "ريتالين" كان عمري ١٣
على حفة البلكون من حسرة الضرب
على شفا الإنتحار كان عمري ١٦
كنت أشتغل صبي توصيل لحد ما رجليي يبسوا
لأصرف كل قرش تحت فراشي عوقت باستديو
لا أعذار للشطار ذكر اللي نسيوا
كلنا رسامين و كل واحد بيشخبر قصته

دلّوني يابا دلّوني على شطي ال من لوني
دلّوني يم دلّوني رغيف العيش دلوني
دلوني ولا دلوني درب الحر دلوني
دلالي دل بكفه بين عيوني، بين عيوني

أول شي بيسألوه عليه قديش ربح
قديش حلو الشعور مطرح ما هوه وصل
بس بينسوا يسألوه قديش كان تنح
لما كانوا نايمين هوه انتاك كم سنه
كلنا شجر كل منا بينموا بترابو
في فرق بينا أنا موسيقي أنتوا بترابوا
ما بتستخدموا المنطق جنابو متل طنابو
أنا بيني و بين ربي بصلي أنتوا بتراؤوا
تارك كلشي و ماشي تاركلكن قشر بزر
أنتوا بتشموا الأتنشن أنا عم دور عالخبز
ماشي و بعيوني الهدف وحش صرت
واعد حالي و ترحالي و رابط على خصري ألف ندر
درب معبى دموع و دم و لسا ما رسينا
على طريق الحلم بنهر الجوع مار فينا
قال عيب الرجال تبكي و بتسأل ليش قسينا
عابوا الرجال بقلبها و قلب الرجال زينه

Bu Kolthoum - Dallouni | بو كلثوم - دلّوني

Video : 

https://www.youtube.com/watch?v=k9T0SuZ-xFg

النَص :

زمّلوني زمّلوا و طفّي بردي يا بو حور
زمَّلوني و زمَّلوه و على صدري حمّلوه
يكفّي يوحي عكفّي روحي كفّنوني يالعيون
حنى طيني بكفّو ليني يعلم القاسي الحنو
سند أنثى بألف رجال تبني بضهرو سدود
ربينا عسود الدور تضوي سمانا نجوم
لما تطغى براسي نفسي و تبدا تنهشني الوحوش
غيرك عنهن ما بحوش
 فبخوفهن فيكي

ما علمونا ما علموا أنو بلاها بترجعوا
أنقص كيان مو بس ضلع اللي انسند عنها وقع
قومي يا طوفان الروى علمي العطاشى ترتوى
عمّروا فيه عمّروا جيل و أعطوا عمر للما روى
ما بخافوا الدم ولا بهابوا الموت
بس بخافوا اللي بيحب يطلعلو صوت
فبخوفهن فيكي
بيكبروا فيكي
بعلمهن فيكي..

Artwork by : instagram.com/sedkialimamstudio

Bu Kolthoum - Zamilou | بو كلثوم - زمّلوا

For the videoclip :

https://youtu.be/eDlZ5vANQUg

النص:

و يا سهرانين الليل كلوا من جنابو بقصصكن
و كل خط شيب و مضرب هيب عسواد روس يلي ضلّوا
ديل شهاب يضوّي بواب سما العتمه للي ضلّوا
و عهد الليل علينا 
كتافكن عكتفي و بينّا
مافي كلام ولا أحكام تفرق بينّا
و يا ليل و سهرانينو. 

يلي بتدورو عالشمس
ببلاد الغيم مغطّيها
يا حوّامين تحت السما
يا ولاد بلادي بكل ديره
كيفنا ؟ .. بآخر سقيفنا
نحرق حواجزنا سوا بوراق خريفنا.

و يا متقلبين الفراش قسموا أوجاعكن نصاص
و غنّوا لينام الجلّاد جوانا
عيونكم فوق بعزم السيل نجوم الليل
وجوهكن وين ؟، بتحاكيني لما بضيع و بنسى البيت
فبلاقيه فيكم. بلاقيه فيكم.

Produced by : Bu Kolthoum

Artwork By : Coco The Brain

Bu Kolthoum - Leil | بو كلثوم - ليل

النص :

كل هالبشر حملان و أنا يلي لحالي المسخ ؟
كل هالدهر كرباج و أنا أقوى جلّادي
لولا الصبر ما شاب فيني شعر
خبّر القطعان الليله مغير عالوادي 

و لولّع فيها ولّع فيها
و ما خلي فيها مين يطفيها
و لولع فيها خلي الفيها
يطالع من نفسو المسخ يلي فيها

كلكم مظلومين كلكم مظلومين، كل كم و أنتوا بخير كم كم جابوا العيد، نصكم ما بينلام نص كم حاكي الإيد، و أنا دابح غزلاني.
 نقضّي كل العمر نبدّل سبابيط
عندن أصغر غرفه و ربّوا أكبر فيل
قعود عد مسكين، خلصوا الأصبيع
و أنا عادد بعواصي !.
ولا ولّي، خبر عنّي
أهل الطيبه إني جايه و ما مخلّي
مسخ و بعرف حالي، و هوه دور و ما كان
بحس و بجرّم حالي.. وعالحرمان.

و لولع فيها ..


مسرحيّة، و تلان حملان، و ورا الخشبه تلان من هاد،
مو مسموح للوحش يحس، فالكل بخاف يبان للناس
قلبي طين، عالهوى قسيان، صلصال صب صدري
مهو بس القاسي يُكسر، قلبك عضل، و حجر قلبي.
ولّي و خبر عنّي المتنكرين إني جايه و ما مخلي
بعبع بعرف حالي، هوه دور و ما كان.
عنكن بحبس حالي.. و عالحملان.

و لولع فيها...



Music Production:
Bu Kolthoum

Guitar:
Mesbah Alsakka

Mixing and Mastering:
Bu Kolthoum

Artwork Design:
Coco The Brain

Bu Kolthoum - Wallé  |  بو كلثوم - ولّع

النَص:

لا تنسوها، بذوركن جوانا و ما تسقوها
ولا تنسونا، 

لا تنسوها، ورودكن جوانا و ما تسقوها

انتوا ازرعوا و أنا بس بقبّع شوكي
فوتوا لقلبي و أنا بعيني بقبّع شوقي
مع تراما الصغر عندي رانديڤو
 من أنصاف أحلامي أنا بقبّع نومي
من تقل جفاهم بقطع توبي
بنام بس لطيفهن يقطع صوبي
مع الوحده عندهن ران دي لوپ
و أنا مافي غيري بصفوفي
ولسّاني يا ممرجح، طفل و لسّاني بتعلم
ولو قلبي بالشوك تفخّت لساتني بسرعه بتعلق
لا تنسوها.

يلي مبارح طمره جبيني
اليوم عرقه شرّش فيني
وين روح، وين روح ؟
و بعد جفاكم مين يرويني ؟
مقطوع من شجر داري
قلب أهله حجر قاسي
ف عالساكت بعاني، و أنا عيوني بداري فيها..
يا بايعه الورد غالي.
يا زارعين ورد حالي،
دموعي تجري بترابي، و أنا بسقي وردي فيها..


Bu Kolthoum’s Instagram : 

https://instagram.com/bu.kolthoum

Music Production by : Bu Kolthoum

Piano : Faraj Suleiman

https://instagram.com/faraj_suleiman


Guitar : Mesbah Al Sakka

https://instagram.com/mesbah_alsakka

photo credit : Farah Bahgat
https://www.farahbahgat.com

Mixing and Mastering : Bu Kolthoum

Bu Kolthoum - Jouwana  | بو كلثوم - جوّانا

Follow Bu Kolthoum on Instagram:
https://www.instagram.com/bu.kolthoum/

Cover art photo taken by Farah Bahgat:
https://www.instagram.com/farahbahgat/

Music Production, Mixing & Mastering by:
Bu Kolthoum

النص:

و لسّاها الحفره بصدرك ثقب أسود، 
و كل ما كبرت تدبل،
وبتصير أسئلتك متلك،
لا تسألني شو مشكلتك، أنا متلك.

عن أصبيعك تحفر جلدك.
كل ما تلاقي بحدا غيرك شي منّك بهلع
 قصدي بتهلع، قصدي بتهلع، يا غيم!.


ولا يوم كنّا عنفس الصفحه أو الفصل،
 لأن أنت من جوا كتاب، 
و المن برّا بفكرك سطر.
مره لتبكي و مره لتركي، 
و ياما راسك ميّل كتفي، ياما لبرا فتحت قلبك لأنو محيطك كسّر كلشي
فلا تسألني شو مشكلتك،
ما بعرف، ما أنا أنته يا غيم.

ضغطوك لانكسرت كفّه
رماد منفضتك طفّت
بعد الهزيمه عيد الصفّه
صلب بعمره ما شاف لفّه
شلحت حالك، و السقطوا كتار 
لعيون الحبسوك بعار
ياما شعلّت أصبيعك نار
بس آخر شي بعيونهن طفّي.

Bu Kolthoum - Ma Ba'ref (Official Audio) | بو كلثوم - ما بعرف

النص:
ممنون، ممنون 
يمّ عيون، ممنون
يا حنون، لآخر يوم، لح ضل ممنون
و الليله تصب من عيني عيون.
كبرت شتله، عنا بالحي، و غمرتني في. بس خلص المي.
و الحمل تقيل، و القلب بيشحد ساعه كمان استني شوي،
كلو إلّا هي..

لليوم يلي يكفنوني
بموت و بعيش لعينك
نام و ادبحلك عداك
باقي بصدري بيتك
قول للي شافوني
ببكي ما شافوا الزينه
ما ناموا و عاشوا بطيفها
ما شافوا الشافته عيني


ممنون، يا أم الحولها
فاتت عتمة راسي و ضوّت كلشي بحولها
ممنون، يلي بنيتي منير قبل ما سندتي البو
بكل دروس الحب الغير مشروط
 أثر الفراشة لا يرى، أثر الفراشة لن يغيب،
و أنتي فراشه أثرها بغير جيل
ممنون، ممنون،
ياما منختار نخسر عأمل بكرا نفوز..



لليوم يلي يكفنوني
بموت و بعيش لعينك
نام و ادبحلك عداك
باقي بصدري بيتك
قول للي شافوني
ببكي ما شافوا الزينه
ما ناموا و عاشوا بطيفها
ما شافوا الشافته عيني


و عقدّ الغلا شال الوجع قلبي
و لآخر يوم فادي الروح كرماله
يلي ما علّمني حرف، فتحلي كتاب نفسي
و هالعنق سدّاد لمحرر أكباله.

Follow Bu Kolthoum on Instagram:
instagram.com/bu.kolthoum/

Music Production/ Recording, Mixing & Mastering by:
Bu Kolthoum


Cover photo taken by:
Farah Bahgat
https://www.instagram.com/farahbahgat/

بو كلثوم - Bu Kolthoum

BAHNASSY