مين قال

مين قال ملهاش الا بيتها
وضعيفة ولسه بطيبتها
مكسورة الجناح يا خيبتها
لاحظوا ان ف كلامكوا رصاص
ده ساعات كلمة  تعلي روحنا
ممكن كلمة يوم تدبحنا
حاسبوا ع المشاعر د احنا
عايشين بس بالاحساس
إنتى اقوى م اللى شايف ضعفك قوة ليه
الرجولة كلمة كبيرة عليه
قومى واجهى قوى نفسك يأسك دمريه
احلامك كتيرة نسياها ليه
بكرة جى عشانك
عاللى بيه مكانك
خططى  لكيانك
ايه عايزاه
اوعى ترضي مرة
تبقي نص حرة
أو تعيشي فترة
نص حياة
مين قال اكسرولها ضلوعها
أو ضل راجل ينفعها
بقي رقتها دى ودلعها
تتعامل بلوى دراع
نستحمل ومهما تعبنا
كارهين الظروف تغلبنا
مجرد حضن من حبايبنا
تتنسي قد ايه اوجاع
إنتى قادرة مهما يجرى بكرة مش بعيد
واللى شايفك جارية أنانى و مريض
قابلي كل الدنيا ديا بقلب من حديد
كل يوم بيجى أمل جديد
بكرة جى عشانك
عاللى بيه مكانك
خططى  لكيانك
ايه عايزاه
اوعى ترضي مرة
تبقي نص حرة
أو تعيشي فترة
نص حياة

كلمات الشاعر : أحمد بريء
الالحان ل : محمد الصاوي
توزيع موسيقي : يحيي يوسف

سنجل

مين قال - يارا -نصيبي وقسمتك2 كلمات الشاعر أحمد بريء لحن محمد الصاوي

‏‎"اللَّهُم بِكَ الإكْتِفاء وَمِنْكَ القُوَّة. ولا حول ولا قوة لنا إلا بك 🩶🩶

مين قال - يارا -نصيبي وقسمتك2 كلمات الشاعر أحمد بريء لحن محمد الصاوي

ahmed